logo

туризм

ЧИЛДУХТАРОН

Искандари Мақдунӣ бо лашкари бешумор ба сарзамини Хатлон ҳуҷум меорад. Аз рӯи афсонаи маъмули  кӯҳи Чилдухтарон забткорон ба саргаҳи  Муъминобод мерасанд.  Баҳорон буд ва 40 духтари зебочеҳра дар дашту даман сайр дошт. Ғосибон онҳоро пайгирӣ карданд ва гулрухон бо ҳарос роҳи тарафи дарёчаи Сурхакро пеш гирифтанд. Дар рӯзи чилуми сарсониҳо духтаракон аз дарёча мегузаранду ба дашти фароху гул - гулшукуфоне мерасанд. Душман низ дар фосилаи кӯтоҳе қарор дошту ба онҳо хеле наздик шуда буд. Зебочеҳраҳои боиффат рӯ ба даргоҳи Кирдгор оварда, бо илтиҷо мадад ҷустанд то онҳоро санг гардонаду дар банди ишғолгарон гирифтор накунад. Пас аз лаҳзае дар ин дашти фарохи Паҳндара кӯҳи бузурге сар ба фалак кашид. Духтарони бонангу ор дар теғаҳову қуллаи кӯҳ ба ҳайкалҳои сангин табдил ёфтанд ва кӯҳ ба шарофати ҳамин отифаҳои камназир исми Чилдухтаронро гирифт. Дар атрофи Чилдухтарон деҳаҳои Дашти Ар - ар, Дучандон, Баландҳоит, Дарусара, Ғалакдара, Турёб, Сиёҳмӯза, Паҳндара доман густурдаанд.
Алҳол ин ҷо парваришгоҳи давлатии «Чилдухтарон» фаъол аст. Он беш аз 14 ҳазор гектарро фаро гирифта, зиёда аз 40 ҳазор бех арча, 40 ҳазор дарахтони бодому себу олуча, олу, зелол, 40 номгӯй гиёҳҳои шифобахш, кабк, уқоб, шоҳин, оҳу дорад. Асали Чилдухтарони Муъминобод шифоист.
Афсонаи нави Чилдухтаронро шахсияти ҳотамсиришту кушодадил Ҳоҷӣ Амонулло соли 2016 оғоз бахшид. Аз деҳаи Ғеш то наздикии кӯҳи бонувони ватанпараст, ки 25 ҳазор метр бештар меояд, роҳи нави мошингард кушод. Роҳи нав бо пули 130 - метраи болои дарёи Сурхак ба ноҳия пайваст мегардад. Аз ин роҳ бошандагони деҳаҳои мавзеи Дуоби Боло равуо доранд. Ҷолиб аст, ки аз ин роҳ сайёҳон низ ба саёҳати Чилдухтарон меоянд. Фақат дар зарфи 2 соли охир беш аз 10 ҳазор нафар мардуми водии Вахш, шаҳрҳои Душанбе, Турсунзода, Ҳисор  ва аз хориҷи кишвар ба Муъминобод омада, мафтуни манзараҳои кӯҳи афсонавӣ гардиданду дар ин ҷо қуввату дармони тоза ёфта, бо таассуроти зиёд ба манзилҳои худ баргаштанд.
Аллакай беш аз 20 меҳмонхонаи шахсӣ ба қабули яквақтаи 150 нафар сайёҳ омодааст. Як чизи ҷолиб он аст, ки дар ин диёр филмҳои машҳури бадеии «Рустам ва Суҳроб», «Айёми туманҳои зимистон» ба навор гирифта шудаанд. Ҷое, ки падар писари  худро ба қатл мерасонад, бо номи «Қабри Суҳроб» ёд мешавад. Он ба зиёратгоҳи  сайёҳон табдил ёфтааст. Аз камару домани кӯҳ чашмаҳои софу беғубор, сарду ширин ҷорианд. Аз онҳо омадагон бо як ҳаловату кайфият нӯши ҷон мекунанд, аз таъму лаззати онҳо дар ҳайрату аҷобат мемонанд.
Ҳар дараи Чилдухтарон, ҳайкали бонувони он розгӯи қиссаҳои зиёданд. Барои шунидани розу ниёзҳо, дидани ин сарзамини афсонавӣ шавқмандон бешуморанд. Худи дирӯз 10 нафар сокини Самарқанд ба сайри табиати афсункори ин гӯшаи зебо, нотакрор, фирдавси сонӣ омаданд ва онҳо хеле ҳайратзада ҳам шуданд аз тамошои кӯҳистон. «Аҷдодони мо ин гуна ҷойҳои тамошобоб, нотакрор доранду ба мо боре намегӯянд», - гуфтанд шӯхиомез онҳо. Махсусан, шаршараи 20 - метраи мусаффои Чилдухтарон ба онҳо писанд омад. Охир чӣ сон маъқул нашавад, ки он гӯё аз қади сарвосои он нозанинони баиффат таровида - таровида бӯйи мушки Хутанро ба машоми интизорон мерасонад, ташнагонро сероб, даштҳоро сарсабз месозад. Сарсабзӣ бошад, ҳаёт ҳаст. 
Нурулло ҲАСАНОВ,
рӯзноманигор


Баёни ақида (0)    Санаи нашр: 09.07.2018    №: 134    Мутолиа карданд: 376

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед