logo

иқтисод

МОҲӢ. ХОҶАГИҲО БА ДАСТГИРИИ БЕШТАР НИЁЗ ДОРАНД

Ҳамасола дар ҷумҳурӣ  якшанбеи дуюми моҳи июл Рӯзи моҳипарварон ҷашн гирифта мешавад. Корхонаи воҳиди давлатии  «Моҳии Тоҷикистон» саъю кӯшиши худро ба он равона намудааст, ки ҳаҷми истеҳсоли моҳиро дар ҷумҳурӣ зиёд намуда, барои ғанитар гардондани дастархони мардум бо гӯшти парҳезӣ саҳми худро гузорад.
Моҳипарварӣ  яке аз соҳаҳои сердаромад ба ҳисоб рафта, инчунин, барои саломатии инсон манфиатбахш мебошад. Ба гуфтаи мутахассисони соҳаи тиб, гӯшти моҳӣ барои нағз инкишоф ёфтан ва фаъолият кардани узвҳои инсон доруст. Чунки дар таркиби он 10 намуди аминокислотаҳои ивазнашаванда, қариб ҳамаи витаминҳои барои  инсон зарурӣ мавҷуданд, ки барои пешгирии касалиҳои саратон, ҷоғар, нобиноӣ ва инкишофи майнаи сари инсон нақши асосӣ мебозанд.            
Бино ба иттилои  Аҳмадҷон Ғафуров, раиси КВД «Моҳии Тоҷикистон», «Барномаи рушди соҳаи моҳипарварӣ барои солҳои 2009 – 2015» ба пешравии соҳа мусоидат намуд. Корхона ҷиҳати таъмини амнияти озуқаворӣ дар нимсолаи аввали соли ҷорӣ истеҳсоли гӯшти моҳиро  ба 370,1 тонна расонд, ки нисбат ба ҳамин давраи соли гузашта 5,5 тонна зиёд мебошад. Тибқи нақша, имсол истеҳсоли 2300 тонна моҳӣ дар назар аст.
- Дар доираи амали  ин барнома теъдоди хоҷагиҳои моҳипарварӣ  аз 7 адади соли 2007  ба 280,  шумораи ҷойҳои корӣ аз 80  ба 930  ва  истеҳсоли моҳӣ аз 214 тонна соли гузашта ба 2073 тонна расид. Истеҳсоли моҳӣ давоми   панҷ сол 10 маротиба зиёд гардида, масоҳати ҳавзҳо  аз 1280 гектар ба  2900  гектар расид. Айни ҳол дар ҳавзҳои мамлакат 65 намуди моҳича парвариш меёбад. Имкон ҳаст, ки дар оянда парвариши  25 намуди моҳичаҳои дигари хушзотро ба роҳ монем, -  гуфт А. Ғафуров.
Тавре маълум аст, дар ҷумҳурии мо  захираи оби тоза хеле фаровон аст. Ин имкон медиҳад, ки соҳаи мазкур босуръат рушд ёбад. Мувофиқи хулосаи мутахассисони соҳа, имрӯз  иқтидори воқеии ҷумҳурии мо  имкон медиҳад, ки дар як сол то 300 ҳазор тонна моҳии молӣ истеҳсол карда шавад. 
Албатта, рушди чашмрастари соҳа татбиқи бетаъхири як қатор тадбирҳои муассирро тақозо менамояд.Тавре аз суҳбат бо роҳбарони хоҷагиҳо маълум гашт, онҳо пеш аз ҳама ба дастгирии бештари давлатӣ  ниёз доранд.  Бино ба пешниҳоди онҳо дар марҳилаи аввал барои рушди соҳаи моҳипарварӣ -  ҳамчун соҳаи парандапарварӣ муқаррар намудани  имтиёзҳо барои моҳипарварон зарур аст. Яъне, аз пардохти гумрукӣ озод намудани воридоти хӯрокаи моҳӣ, тухми бордоршудаи моҳӣ, кирминамоҳичаҳо, моҳичаҳои хушзот, технологияи коркарди хӯрокаи маҳсулоти моҳӣ, ташхиси об ва системаҳои моҳипарварӣ, инчунин, пешбинӣ намудани сабукиҳо дар андози даромад ва нархи обу барқ.  
Моҳиҳои истеҳсоли Тоҷикистон, тибқи хулосаи мутахассисони соҳа,  дар ҷаҳон аз ҷиҳати экологӣ хеле босифат ва барои солимии инсон манфиатбахш мебошанд.  Рушди соҳа, ҳамчунин, барои ғанӣ гардидани  буҷети кишвар ва таъмини амнияти озуқаворӣ  мусоидат мекунад. Пас, дар доираи имкониятҳое, ки дорем, чаро аз чунин пешниҳодҳои муфид ҷонибдорӣ накунем? 
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 09.07.2018    №: 134    Мутолиа карданд: 161

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед