logo

иқтисод

КИШОВАРЗӢ. ХОҶАГИЕ БАРОИ ИБРАТ

Деҳқонони хоҷагии ба номи Абдурауф Юсуфови шаҳри Ҳисор ба шарофати заҳматписандӣ, истифодаи оқилонаи замин ва ба даст овардани ҳосили баланд дар мамлакат ҳамчун мактаби таҷрибаи пешқадами кишоварзӣ ном баровардаанд.
Хоҷагӣ гуногунсоҳа буда, асоси фаъолияти онро бахшҳои чорводорӣ ва рустанипарварӣ ташкил медиҳанд.
Натиҷаи заҳмати пурсамари аҳли хоҷагӣ аст, ки соли 2017 чорводорон бо истифода аз имконоти мавҷуда нақшаҳои ба зимма гирифтаашонро бо сарбаландӣ иҷро намуданд. Аз ҳар сар гови ҷӯшоӣ ба ҷои 3679 - килоӣ 5040 - килоӣ шир истеҳсол гардид, ки баробари 137 дарсади нақшаи солона мебошад ва дар ҷумҳурӣ натиҷаи беҳтарин ба ҳисоб меравад. Дар маҷмӯъ, хоҷагӣ соли гузашта 67,1 тонна гӯшт ва 470,2 тонна шир истеҳсол намуд.   
Чунонки Исмоил Исроилов, директори хоҷагӣ, зимни суҳбат иброз дошт, айни ҳол комплекси нави ширию молии хоҷагӣ, ки бо технологияи ҳозиразамон муҷаҳҳаз аст, ба фаъолият оғоз намудааст. Роҳбарони хоҷагӣ ният доранд, ки барои фермаи нав боз 400 сар гови навъи сиёҳалои Голштейн бихаранд. Ин имкон фароҳам меоварад, ки боз 50 нафар бо ҷойи кор таъмин гардад.
Ҷиҳати беҳтар намудани ҳолати мелиоративии заминҳо, пурра ба гардиши кишоварзӣ ворид намудани заминҳои бекорхобида, махсусан баланд бардоштани маданияти истифодаи замин, тадбирҳои судманд андешида мешаванд. Соли 2017 хоҷагӣ дар майдони 95 гектар замини обӣ пунбадонаи навъи «Дӯстӣ» кошта, 256, 4 тонна (105 дарсади нақшаи солона)  пахта ҷамъоварӣ намуд.  Соли равон дар асоси ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон майдони замини кишти пахта ба 300 гектар расонда шуд.
Самти дигари фаъолияти хоҷагӣ боғу токпарварӣ мебошад. Боғи хоҷагӣ, ки дар майдони 58 гектар доман густурдааст, аҳолии ноҳияҳои атроф ва шаҳри Душанберо бо меваҳои шаҳдбору хушсифати аз ҷиҳати экологӣ тоза баҳравар мегардонад.
- Айни ҳол дар хоҷагӣ 207 корманди доимӣ ва зиёда аз 200 корманди мавсимӣ фаъолият менамоянд. Мо, аҳли заҳмати хоҷагӣ, нақша дорем, ки бо меҳнати босамари дастаҷамъона дар иҷрои супоришҳои Сарвари давлат ва таъмини амнияти озуқавории кишвар саҳми арзандаи худро гузорем, - гуфт И. Исроилов.   
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 09.07.2018    №: 134    Мутолиа карданд: 152

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед