logo

иқтисод

МАСЪУЛОН СУПОРИШИ ҚАТЪӢ ГИРИФТАНД

Посух ба мақолаи «Хатлон. Қариб 5200 гектар замини обӣ аз гардиши кишоварзӣ берун монд», ки 18.01.2018 дар Нашрияи расмии Ҷумҳурии Тоҷикистон – рӯзномаи «Ҷумҳурият» чоп шудааст.

Мақомоти иҷроияи ҳокимияти давлатии вилояти Хатлон ҷиҳати амалӣ намудани Фармони Президенти Ҷумҳурии Тоҷикистон аз 7 феврали соли 2009, № 622 «Дар бораи вокуниши шахсони мансабдор ба маводи танқидӣ ва таҳлилии воситаҳои ахбори омма» ва рафъи камбудиҳои дар матлаби мазкур дарҷёфта дар ҳамкорӣ бо мақомоти иҷроияи ҳокимияти давлатии шаҳру ноҳияҳои вилоят ва ташкилоту муассисаҳои дахлдори соҳа корҳои муайянеро ба анҷом расонд.
Тибқи маълумоти фаврии сарраёсати кишоварзии вилоят, то 18 майи соли 2018 дар шаҳру ноҳияҳои вилоят бо мақсади истифодаи самараноку оқилонаи заминҳои обӣ ва ба даст овардани ҳосили фаровон дар майдони 301 ҳазор гектар зироатҳои кишоварзӣ, аз ҷумла 128,8 ҳазор гектар ғалладона,  123,2 ҳазор гектар пахта, 19501 гектар сабзавот, 6394 гектар картошка, 6072 гектар рустаниҳои хӯроки чорво, кишт шудааст, ки иҷрои дурнаморо 100,9 фоиз таъмин намуд.
Айни замон, дар вилоят ҳамагӣ 311920 гектар замини обӣ мавҷуд буда, масоҳати замини аз гардиши кишоварзӣ берунмонда 5199,4 гектар ё 1,7 фоизро ташкил медиҳад. Дар маҷмӯъ 4255,4 гектар замини корами обӣ ва 944 гектар замини корами лалмӣ бо сабабҳои гуногун - дар натиҷаи шӯршавӣ 675,6 гектар, аз кор баромадани шабакаҳо ва иншооти обёрӣ 574,2 гектар, селоб зер кардан 542,9 гектар, нагузарондани корҳои мелиоративӣ 50,2 гектар, таъмир ва таҷдиди ҷории шабакаҳои обёрикунанда 70,3 гектар, набудани об барои обёрӣ 155,9 гектар ва корҳои ғайриқаноатбахши хоҷагидорӣ 2186,3 гектар замин аз гардиши кишоварзӣ берун мондааст.
Ҷиҳати ҳалли бетаъхири масъалаи мазкур аз тарафи мақомоти иҷроияи ҳокимияти давлатии вилоят ба раисони шаҳру ноҳияҳо ва роҳбарони идораҳои дахлдор супориши қатъӣ дода шудааст. Инчунин, барои аз гардиши кишоварзӣ берун мондани қитъаҳои замин масъулон ва мутасаддиён ҷазоҳои мувофиқ гирифтанд. Баъзе қазияҳои баҳсӣ оид ба беэътиноӣ дар истифодаи замин барои баррасӣ ба суди иқтисодии вилоят пешниҳод шуданд.
Ҷараёни иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати оқилона истифода бурдани замин зери назорати доимии мақомоти иҷроияи ҳокимияти давлатии вилоят қарор дорад. Умед аст, ки ҳамкориҳои мо бо рӯзномаи «Ҷумҳурият» ба хотири мусоидат ба рушди иҷтимоию иқтисодӣ тақвият меёбанд.
С. ЗИЁЗОДА,
муовини аввали раиси вилояти Хатлон


Баёни ақида (0)    Санаи нашр: 09.07.2018    №: 134    Мутолиа карданд: 125

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед