logo

иқтисод

МАСЪУЛИЯТ. ДАР ТАТБИҚИ ТАШАББУСҲОИ ОЯНДАСОЗ БЕТАРАФ НАБОШЕМ!

Пешниҳоди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эъломи Даҳсолаи байналмилалии амал «Об барои рушди устувор, солҳои 2018-2028» ва қабули қатъномаи Созмони Милали Муттаҳид оид ба он дар ҳоле ҷараён гирифт, ки дар бештари гӯшаҳои олам мушкили норасоии оби тозаи ошомиданӣ шиддат мегирад.

Ҳоло дар сайёраи Замин  аз лиҳози дастрасӣ ба оби тозаи нӯшиданӣ аксари давлатҳо танқисӣ мекашанд. Ин ҳолат сокинони кишварҳои оламро  ба ташвиш овардааст. Дар баъзе мамлакатҳои сераҳолӣ ҷиҳати пешгирӣ аз сар задани ҳолати норасоии оби нӯшиданӣ  меъёри истифодаи он ҷорӣ гардидааст.
Бар асоси таҳлилҳои олимону мутахассисон,  агар гармшавии кунунии сайёра ба ҳамин минвол идома ёбад,  дар зарфи 20 - 30 соли оянда қариб нисфи аҳолии тамоми рӯи Замин ба мушкили норасии оби тозаи ошомиданӣ дучор шуда, аксари бошандагони қисматҳои марказӣ ва ҷанубии сайёра қисматҳои шимолии кураи Заминро ҳамчун минтақаи дорои оби тозаи нӯшиданӣ макони истиқомати хеш қарор медиҳанд. Ҳамчунин, тибқи ҳисобот, шурӯъ аз солҳои 50 - и қарни ХХ то ба ҳол аҳолии  рӯи Замин се баробар афзуда, бо ин сабаб эҳтиёҷоти  одамон низ ба оби тозаи ошомиданӣ ҳамин миқдор зиёд шудааст. Дар  ҳолати идома ёфтани гармшавии иқлим ва рӯз ба рӯз афзудани талаботи одамон ба  оби тозаи ошомиданӣ то соли 2050 бештар аз 500 миллион нафар ба саргаҳи дарёҳои бузург  кӯч мебанданд, ки ин ҳол нохушиҳои зиёди экологиро дар пай хоҳад дошт.
Муқоиса  намудани харитаҳои ҷуғрофӣ ва геологии замони гузашта ва имрӯз кифоя аст, ки вазъи  рӯз ба рӯз камшавии оби нӯшиданиро  дар сайёраамон эҳсос намоем. Дар  харитаҳои қарни гузашта  рӯдҳо бо хати обиранг ва кабудранги яклухт ишора шудаанд, аммо дар харитаҳои замони муосир  дар ҷои ҳамон рӯдҳо хатҳои обиранги канда - канда нақш ёфтаанд.
Дар ҷумҳурии мо  давлат ва Ҳукумати кишвар таъминоти аҳолии мамлакатро  бо оби тозаи нӯшокӣ дар маркази таваҷҷуҳ қарор додаанд. Тоҷикистон дар роҳи бартарафсозии мушкилоти об дар ҷаҳон мавқеи намоёнро соҳиб гардидааст. Мисолҳои дар боло овардашуда аҳамияти башарии иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар арсаи байналмилалӣ собит менамоянд. Ташаббусҳои қаблии Тоҷикистон – дар бораи эъломи «Соли байналмилалии оби тоза» - соли 2003,  Даҳсолаи байналмилалии амалиёти «Об барои ҳаёт, солҳои 2005-2015» ва  «Соли байналмилалии ҳамкорӣ дар соҳаи об» - соли 2015  дар доираи андешаҳои инсондӯстонаи Пешвои миллат сурат гирифта, сарони кишварҳои оламро сари ин масъалаи доғи рӯз гирд овардаанд.
Дар сарзамини мо   бештар аз 1400 кӯли хурду бузург, зиёда аз 20 обанбори сунъӣ, наздики 8,5 ҳазор пирях ва наздики 1000 дарё мавҷуд аст. Чунин манбаъҳои бузурги обӣ дар як кишвари нисбатан хурд шаҳодати захираҳои фаровони обӣ дар  Тоҷикистон мебошанд. Аммо ин маънои онро надорад, ки худро аз мушкилоти вобаста ба об канор гирем. Муносибати дуруст  бо об ҷузъи муҳими фарҳангу тамаддуни халқи тоҷик ба ҳисоб рафта, дар панду андарзҳои ҳакимони гузаштаамон ташнаеро об додан, заминро шодоб гардондан ва пок нигоҳ доштани он зиёд талқин шудаанд. Аз ин рӯ, ҳифзи тозагии ин муъҷизаи ҳастӣ ва оқилонаю сарфакорона истифода намудани он аз нигоҳи маънавӣ аз ҳар фарди оқил, хусусан сокинони кишвари ташаббускори ҳалли масоили ҷаҳонии вобаста ба об, масъулияти баландро талаб менамояд. Истифодаи оқилонаи сарчашмаҳои обӣ дар доираи ин даҳсола бояд вазифаи ҳаррӯзаи шаҳрвандони кишвар қарор гирад.
Амриддин ШАМСОВ,
роҳбари гурӯҳи  ташкилоти ҳавзаи дарёи Панҷ


Баёни ақида (0)    Санаи нашр: 09.07.2018    №: 134    Мутолиа карданд: 118

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед