logo

туризм

САЙЁҲИИ СОЛИМГАРДОНӢ ТАВАҶҶУҲИ БЕШТАРРО ТАҚОЗО ДОРАД

Тибқи арзёбии коршиносон туризми табобатӣ – солимгардонӣ яке аз самтҳои ояндадори саноати сайёҳӣ ба шумор меравад. Ҳоло дар асоси осоишгоҳҳои иқлимӣ, балнеологӣ, лойӣ шаклҳои нави солимгардӣ – SPA, Wellnes, Fitnes ба вуҷуд омадаанд.
Сайёҳии солимгардонӣ ва барқароркунӣ дар ҳаёти ҳар инсон муҳим ва рағбатовар арзёбӣ мегардад. Зеро ба ғайр аз барқарор  кардани саломатии худ метавон саёҳат, гаштугузор ва истироҳат кард.
Сарзамини Тоҷикистон табиати бою нотакрор дошта, чашмаҳои шифобахши он бахше аз сарватҳои бебаҳояш мебошанд. Дар Тоҷикистон 200  чашмаи оби минералии шифобахш мавҷуд аст, ки 71 –тои он дорои оби гарм ва 43 - тои дигар оби хунук мебошад.
Қобили зикр аст, ки чашмаҳои шифобахш на танҳо барои солимгардонии аҳолии ҷумҳурӣ мусоидат менамоянд, балки истифодаи онҳо ҳамчун минтақаҳои сайёҳӣ бамаврид ва фоидаоваранд. Аз ин сабаб, ташкилу тараққӣ додани соҳаи сайёҳӣ ва барпосозии иншооти табобатию истироҳатӣ дар мамлакати мо пеш аз ҳама аҳамияти иқтисодӣ, тиббӣ ва иҷтимоӣ дорад. Машҳуртарин чашмаҳои шифобахши Тоҷикистон чашмаҳои Хоҷа Оби Гарм, Явроз, Оби Гарм, Шоҳамбарӣ, Гармчашма, Ҳавотоғ, Зумрад, чашмаи Биби Фотимаи Заҳро, Авҷ, Ямчун ва Зонг мебошанд, ки барои барқарорсозии саломатии инсон манфиати зиёд доранд. Дар назди ин чашмаҳо осоишгоҳҳо фаъолиятз мебаранд, ки байни мардуми маҳаллӣ ва давлатҳои собиқ Иттиҳоди Шӯравӣ бо хусусиятҳои солимгардонӣ маъруфанд.
Барои равнақи сайёҳии табобатӣ омода кардани шароит, тарбияи мутахассисон ва ҷалби сайёҳони хориҷӣ ба мақсад мувофиқ аст.
Ба гуфтаи коршиносон ба рушди сайёҳии солимгардонӣ омилҳои иҷтимоӣ - иқтисодӣ, аз ҷумла тарғибу ташвиқи мавзеъҳои табиии барои саломатӣ фоидабахш, баланд бардоштани сатҳи маълумотнокӣ, фарҳанг ва ҳисси зебошиносии мардум таъсир мерасонанд. Ин агар аз як ҷониб боиси ривоҷу равнақи туризми дохилӣ гардад, аз сӯи дигар сокинон бо мақсади табобат ба минтақаҳои гуногуни ҷумҳурӣ мераванд ва ба ин васила ошноияшон бо мардумони дигар маҳал бештар мешавад.
Ҳамчунин, набояд фаромӯш кард, ки дар сурати мавҷудияти сармоя, технологияи пешрафта ва мутахассисони ҳирфавӣ соҳаи сайёҳӣ рушд намояд. Иқтидори бузурги ин навъи сайёҳии кишвари мо водор месозад, ки сармоягузорони дохиливу хориҷӣ аз он бештар воқиф гарданд ва барои яке аз навъҳои сердаромади сайёҳӣ табдил додани сайёҳии муолиҷавӣ дар кишвари мо мусоидат намоянд.
Шаҳноз ҚУРБОН,
«Ҷумҳурият»


Баёни ақида (0)    Санаи нашр: 10.07.2018    №: 135    Мутолиа карданд: 266

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед