logo

иҷтимоиёт

САБҚАТИ МАЪЮБОН

Филиали Ассотсиатсияи “Каритас”- и Олмон дар Тоҷикистон дар якҷоягӣ бо мақомоти иҷроияи маҳаллии ҳокимияти давлатии ноҳияи Айнӣ ва ташкилотҳои ҷамъиятии шарики худ “АЗИТ” ва “ДАРО” дар арафаи Рӯзи маъюбон ва пиронсолон мусобиқаи дӯстона миёни дастаҳои баскетболи маъюбони шаҳри Душанбе ва вилояти Суғдро созмон дод, ки дар он намояндагони ташкилотҳои давлатӣ, ғайридавлатӣ ва байналмилалӣ, ҳамчунин сокинони ноҳияи Айнӣ, алалхусус шахсони дорои маъюбият ва аъзои оилаҳои онҳо, ширкат варзиданд.
Муовини раиси ноҳияи Айнӣ Гулсара Зокирзода зимни пазироӣ зикр кард, ки беҳтар кардани некуаҳволии маъюбон ва пиронсолон ҳамеша дар маркази таваҷҷуҳи Президенти кишвар ва Ҳукумати Ҷумҳурии Тоҷикистон қарор дорад ва мақомоти иҷроияи маҳаллии ҳокимияти давлатии ноҳияи Айнӣ доимо барои ҳамкорӣ бо ташкилоти “Каритас” - и Олмон ҷиҳати татбиқи фаъолият дар ин самт омода аст.   Намояндаи ташкилоти “Каритас” дар Тоҷикистон Зарринамо Мухторова зикр кард, ки ҳадафи мусобиқа бурду бохт набуда, балки тарғибу ташвиқи варзиш дар байни шахсони дорои маъюбият ва ҷалби онҳо ба намудҳои гуногуни варзиш  мебошад. “Чорабинии имрӯза бори дигар аз он шаҳодат медиҳад, ки шахсони дорои имконияташон маҳдуд дар баробари афроди солим ба ҳама кор қодиранд ва метавонанд, ки қобилияти худро тақвият дода, дар ҳамаи соҳаҳо, алалхусус варзиш номбардори миллату Ватани хеш бошанд”, - гуфт З. Мухторова.
Дар чорабинии мазкур, ҳамчунин, раиси Федератсияи варзишгарони маъюби шаҳри Душанбе Абдурауф Олимов, қаҳрамони 12 - каратаи Осиё ва ҷаҳон аз рӯи дастхобонӣ дар миёни маъюбон, устоди варзиши дараҷаи байналмилалӣ Акмал Қодиров ва роҳбари клуби баскетболи маъюбони шаҳри Душанбе Ғайрат Тӯхтасунов дар бораи қобилияти шахсони маъюб ҳарф зада, даъват ба амал оварданд, ки барои ташаккули тарзи ҳаёти солим ба варзиш машғул шаванд.
Дар доираи чорабинӣ мусобиқаи баскетбол бо аробачаи маъюбӣ миёни дастаҳои шаҳри Душанбе ва вилояти Суғд, тибқи қоидаҳои байналмилалӣ сурат гирифт, ки он аз чор қисми 10 дақиқаӣ иборат буд. Дидор бо ҳисоби 49 - 23 ба фоидаи дастаи Душанбе анҷом пазируфт. Ҳар ду даста барои иштироки фаъолашон бо ифтихорномаҳо сарфароз гардонда шуданд.
Дар фарҷоми чорабинии варзишии мазкур, мураббиёни ҳар ду даста бо мақсади рушди баскетбол бо аробачаи маъюбӣ дар миёни шахсони дорои имконияташон маҳдуди ноҳияи Айнӣ якчанд машқҳои асосии ин намуди варзишро бо иштироки бевоситаи наврасон намоиш доданд.   
Чорабинии варзишии мазкур дар чорчӯбаи лоиҳаи “Дастгирии ҷомеаи шаҳрвандӣ дар татбиқи Барномаи тавонбахшӣ дар сатҳи маҳал барои шахсони дорои маъюбият дар ноҳияи Айнӣ”, ки аз ҷониби Иттиҳоди Аврупо ва “Каритас” маблағгузорӣ мегардад, баргузор шуд.
“ҶУМҲУРИЯТ”


Баёни ақида (0)    Санаи нашр: 11.07.2018    №: 136    Мутолиа карданд: 520

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед