logo

иҷтимоиёт

“БОБОДАРХОН” ТАВАҶҶУҲ МЕХОҲАД

Истироҳати тобистонаи мактабиён сол ба сол аз лиҳози омодагӣ, фарогирии теъдоди  бачаҳо, мазмуну мундариҷаи барномаҳои таҳияшуда  ба талаботи меъёрҳои байналмилалӣ наздик мешавад. Бо  талошу кӯшишҳои Ҳукумат ва давлати Тоҷикистон дар ин самт корҳои мушаххас ва муассир ба сомон расонда мешаванд. Ҳамасола, бо оғози фасли баҳор, ҷиҳати дар сатҳи баланд ташкил кардани истироҳати тобистонаи кӯдакон ва наврасон қарори махсуси Ҳукумати Ҷумҳурии Тоҷикистон ба тасвиб мерасад.

Дар вилояти Суғд ҳам истироҳати тобистонаи кӯдакону наврасон оғоз ёфта, феълан  муштариёни наврас дар 19 лагери беруназшаҳрӣ, 679 - наздимактабӣ, 243 – лагерҳои истироҳатӣ - меҳнатӣ, 30 - солимгардонӣ фаро гирифта шудаанд.
Ҷиҳати рангорангии барномаҳои фароғатии  истироҳаткунандагон дар ҳамаи лагерҳо, хусусан беруназшаҳрӣ, чорабиниҳои рангин ва маҳфилҳои гуногун тарҳрезӣ ва амалӣ мешаванд. Тибқи иттилои раёсати маорифи вилояти Суғд интизор меравад, ки дар мавсими имсола зиёда аз 75 ҳазор нафар хонандагони муассисаҳои вилоятро ба истироҳат ва солимгардонӣ фаро хоҳанд гирифт. Як ҷиҳати фарқкунандаи ташкили лагерҳои тобистона дар мавсими имсола он аст, ки  давоми фасли тобистон 1022 нафар кӯдакони ятиму бепарастор, 7611 нафар фарзандони оилаҳои камбизоат, 1544 нафар хонандагони болаёқат ба истироҳату фароғат ройгон ҷалб карда мешаванд. Дар мавсими имсола барои ташкилу гузарондани истироҳати тобистонаи кӯдакону наврасон аз ҳисоби ҳамаи сарчашмаҳо 1 миллиону 668 ҳазору 310 сомонӣ пешбинӣ шудааст.
Бо назардошти он ки соли 2018 Соли рушди сайёҳӣ ва ҳунарҳои мардумӣ эълон шудааст, дар ҷараёни истироҳат маҳфилҳои дӯзандагӣ, бофандагӣ, сӯзанидӯзӣ, пазандагӣ, рақсу суруд, маҳфилҳои варзишию техникӣ, сафар ба мавзеъҳои таърихии маҳалҳо, аз ҷумла ба Қалъаи Хуҷанд, Наврӯзгоҳ, қасри Арбоб ва мавзеъҳои таърихии шаҳру навоҳии Бобоҷон Ғафуров, Конибодом, Исфара, Истаравшан, Панҷакент ва Ашт дар назар аст. Даҳаи аввали  моҳи июл дар лагерҳои вилоят зиёда аз 56,5 ҳазор нафар мактабиён фароғат доштанд. 
“Бободархон” аз ҷумлаи лагерҳои беруназшаҳрӣ маҳсуб ёфта, дар масоҳати 1,5 гектар, дар яке аз минтақаҳои кӯҳистон, мавзеи басо зебову сарсабзу соя бо анбӯҳи дарахтони сояафкан, зардолузору олучаҳои кӯҳӣ ва 50 метр дуртар аз рӯди пуроби мусаффои деҳаи Бободархони Ҷамоати деҳоти Понғози ноҳия Ашт  қарор гирифтааст. Воқеан ҳам, “Бободархон” бо мавқеи ҷуғрофию манзараҳои дилфиребаш ҷолибу мавриди таваҷҷуҳ аст. Сабзаву себаргаҳо, гулҳои рангин, гулбуттаҳои қад - қади роҳравҳо, шохҳои пур аз ҳосили сархами зардолую олучаҳои кӯҳӣ ва себ фараҳбахш ба назар мерасанд.
- Дар мавсими имсола тасмим гирифтаем истироҳату фароғати то 100 нафар мактабиёнро ташкил кунем, - мегӯяд Сабоҳат Саъдуллоева, директори лагер. - Мизоҷони наврас қариб, ки аз ҳамаи ҷамоатҳои деҳоти ноҳия ҳастанд ва барояшон то ҷое, ки имкон ҳаст, шароит муҳайё кардаем. Чанд нафар истироҳаткунандагони наврас Хусрав Қулаҳмадов аз мактаби миёнаи № 25, Ҷамоати деҳоти Ашт, Ремила Ғаниева ва Садаф Дадоҷонова аз гимназияи рақами № 1 - и шаҳраки Шайдон аз ҷараёни истироҳат дар лагер, фаъолияти маҳфилҳои амалкунанда, сайрҳо ба мавзеъҳои афсонавӣ изҳори қаноатмандӣ намуда, иброз медоранд, ки фароғат дар чунин минтақаҳои истироҳатӣ барои инкишофи ақливу зеҳнӣ, тарбияи ватандӯстии мактабиён мусоидат мекунад.
Ин дар ҳоле, ки ҳамаи инфрасохторҳо: чи бинои хобу ҷойи оббозиву дастурӯйшӯйӣ, ошхона сахт фарсуда гашта, ба таъмири асосӣ ҷиддан ниёз доранду майдончаҳои варзишии замонавӣ, ҳавзи шиноварӣ мавҷуд нест. Мушоҳидаҳо аз он бозгӯянд, ки сарфи назар аз масоҳату мавзеи хушобу ҳаво “Бободархон” имкони қабули миқдори зиёди мактабиёнро надорад. Ба таъсисёбии лагер наздик 64 сол шуда бошад ҳам, то имрӯз дигар ягон бинои иловагӣ сохта нашудааст.
- Имконияти маҳдуди молиявӣ даст намедиҳад, ки иншооти нав созему биноҳои фарсудаи лагерро таъмир намоем,- изҳор медорад Муяссар Ҳайдарзода, мудири маорифи ноҳияи Ашт. – Ҳамзамон, бо дастгирии  мақомоти иҷроияи маҳаллии ҳокимияти давлатии ноҳия то оғози ҳар мавсим лагер таъмир мешавад. Шояд дар оянда бо ҷалби соҳибкорони маҳаллӣ, бо дарназардошти мавзеи сарсабзу барои саломатии наврасон муфид будан “Бободархон” навсозӣ шуда, дар мавсим теъдоди зиёди мактабиёнро нафақат аз ноҳияи Ашт, балки аз дигар манотиқи кишвар ба оғӯш гирад.
Ҷовиди АШТӢ, “Ҷумҳурият”


Баёни ақида (0)    Санаи нашр: 11.07.2018    №: 136    Мутолиа карданд: 342
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед