logo

сиёсат

ПЕШВОИ МИЛЛАТ ВА ҲАЛЛИ МУАММОҲОИ ХУШЗИСТӢ

Хеле нигаронкунанда аст, ки имрӯз ҷомеаи ҷаҳонӣ дар гирдоби азими бархӯрдҳои геополитикӣ ва манфиатхоҳиву қудратёбии доираҳои абарқудрат қарор гирифтаанд. Ҷумҳурии Тоҷикистон низ аз ин тақдир дар канор нест. Дар баробари қарор гирифтан дар чунин ҳолат кишвари мо кӯшиши таъсир гузоштан ба ҳаллу фасли қазияҳои муҳими сиёсиву иҷтимоии ҷаҳонро дорад. Муаммоҳои иҷтимоӣ ва глобалии ҷаҳонӣ дар силсилаи рисолаву мақола ва суханрониҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо диди хос, бо баҳрамандӣ аз таҷрибаҳо ва бо такя ба равандҳои ҷомеаи башарӣ баррасӣ шудаанд. Аз ин ҷиҳат коршиносони сиёсиву иҷтимоии ҷаҳонӣ имрӯз ба мавқеъ ва нақши муҳими кишвари мо дар ҳаллу фасли масоили умдаи сиёсии ҷаҳон баҳои сазовор додаанд. Аз назари ҳассосияти қавмиву мазҳабӣ кишвари мо миёни кишварҳои Осиёи Миёна низ мавқеи устувори сиёсӣ дорад, ки масоили марбут ба он борҳо баррасӣ шудаанд.
Дар суханронии навбатии Пешвои миллат Эмомалӣ Раҳмон дар мулоқот бо намояндагони ҷомеаи кишвар ба муносибати фарорасии моҳи шарифи Рамазон (12-уми майи соли 2018) низ муаммоҳои умдаи кишвари мо баррасӣ шудааст. Дар ин суханронӣ Пешвои миллат ба ҷойгоҳи ислом чун нишонаи имондорӣ, таҳкими ҷаҳони маънавӣ ва такмили одобу ахлоқ таваҷҷуҳ кардаанд. Дар ин суханронӣ ба чанд нуктаи муҳим ва ҳассоси кишвар ва ҷаҳон бармехӯрем.
Нуктаи аввал ба озодона ва дар доираи аҳкоми шариат адо кардани фаризаву воҷиботи динӣ аз ҷониби мардум ва гиромидошти онҳо аз арзишҳои инсондӯстонаву хайрхоҳона, кӯшиши мардум дар риояи бештари фазилатҳои парҳезу накукорӣ, худдорӣ аз аъмоли зишт, аёдати падарону модарон ва беморону ранҷурон, ёрмандии тавондастон ба ятимону маъюбон ва камбизоатону дармондагон марбут аст. Аз диди Пешвои миллат «моҳи шарифи Рамазон ба сифати яке аз рукнҳои дини мубини ислом имтиҳони нафсу ҷисми саркаши инсонӣ буда, одамонро ба сабру таҳаммул, эҳтироми якдигар, раҳму шафқат ва кумак ба эҳтиёҷмандону камбизоатон ҳидоят месозад».
Дар чашмандози мазкур динҳои ҷаҳонӣ ва фарҳангу тамаддунҳои башарӣ, ки дар ташаккули ҷаҳони маънавии афроди ҷомеа хизмат кардаанд ва ҳадафи аслии ҳамаи онҳо тарбияи инсони комил ва солеҳ будааст, баҳои муносиб дода шудааст.
Президенти кишвари мо чун осебшиноси пурбину огоҳ аз равандҳои ҷории ҷомеаи ҷаҳонӣ бо назардошти вазъи зист ва мушкилоти  сайёраи рӯи Замин ба ин нуктаи ҳассос пай бурдаанд, ки «ҷаҳони бо суръати кайҳонӣ тағйирёбанда ва муборизаи абарқудратҳо барои тақсими неъматҳои моддӣ ва сарватҳои табиӣ дар баробари дастовардҳои бесобиқа бисёр осебпазир гардида, зарари он ба ташаккули дунёи маънавии инсон рӯ ба афзоиш мебошад».
Дарки ҳамин нуктаи муҳим Пешвои миллатро қаблан ба таҳлилу арзёбии ҷойгоҳи созмонҳои бонуфузи байналмилалӣ дар заминаи таъсири тағйирёбии иқлим ва низоъҳои солҳои охир ба ҳаёти инсоният водоштааст.
Ин ҳама натиҷаи ба гирдоби нафсу манфиатҷӯӣ  гирифтор ва аз олами табиат ҷудо шудани инсон, муносибати нохуб, ғайриоқилона ва нодуруст ба сарватҳои табиӣ, аз ҷумла обу хок ва олами наботот ба гаҳвораи ҳастии худ – Замин будааст.
Нуктаи дигари суханронии Пешвои миллат марбут ба амали дар сари инсоният қарор ёфтани моҷароҳои вазнини сиёсӣ, ҷангу хунрезии зиёди мазҳабӣ, инқилобу муноқишаи бешумори сиёсӣ ва иқтисодиву фарҳангӣ будааст, ки харобиҳои онҳо аз зарари ду ҷанги ҷаҳонии қаблӣ камтар нестанд. Аз ин нуқтаи назар имрӯзҳо кишварҳои бузурги олам дар ҳоли вазнини ҷанги сард қарор гирифта, илм, иттилоот, иқтисод, техникаву технология ва дин василаи тарғибу ташвиқи манофеи сиёсӣ ва гурӯҳиву минтақавӣ қарор гирифтааст.
Аз ин рӯ, хеле ҷиддӣ ва усулӣ аст, ки Пешвои миллат инсоният ва аҳли ҷомеаи тоҷикро ба андешаи амиқ сари масъалаҳои ҳаётан муҳими ҷомеаву башар водор менамоянд. Бо назардошти мутолиаи суханронии Пешвои миллат ҷомеаи моро зарур аст, ки ба пешгирӣ кардану аз байн бурдани харобкориҳо дар  ин ҷабҳа дастаҷамъона чораҷӯӣ намоем.
Матлубаи МИРЗОЮНУС,
профессор,
Субҳони АЪЗАМЗОД,
дотсенти Донишгоҳи давлатии Хуҷанд ба номи Бобоҷон Ғафуров


Баёни ақида (0)    Санаи нашр: 12.07.2018    №: 137    Мутолиа карданд: 419

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед