logo

иқтисод

ВМКБ. МУБОРИЗА БО МАШРУБОТИ ПАСТСИФАТ

Президенти мамлакат муҳтарам Эмомалӣ Раҳмон масъалаҳои баланд бардоштани сифат ва бехатарии маҳсулоти хӯрокворӣ, ҳимояи бозори истеъмолӣ аз воридоти маҳсулоти пастсифат ва ҳифзи ҳуқуқи истеъмолкунандагонро ҳамеша  таъкид менамоянд. Ҷиҳати иҷрои дастуру супоришҳои Сарвари давлат мубориза бо фурӯш ва истеъмоли машруботи пастсифати спиртӣ дар шаҳру ноҳияҳои Вилояти Мухтори Кӯҳистони Бадахшон вусъат пайдо кардааст. 
Ба гуфтаи Насриддин Сабзалиев, сардори раёсати стандартизатсия ва  нозироти савдои ВМКБ, рафти иҷрои талаботи Қонуни Ҷумҳурии Тоҷикистон “Дар бораи танзими давлатии истеҳсолу муомилоти спирти этилӣ ва машрубот” ҳанӯз моҳи декабри соли гузашта дар иҷлосияи Маҷлиси вакилони халқи ВМКБ мавриди баррасӣ қарор гирифт. Вакилони мардумӣ аз он изҳори нигаронӣ карданд, ки вақтҳои охир дар вилоят фурӯши машруботи  пастсифат зиёд ба мушоҳида расида, шумораи нафароне, ки ба касалии майзадагӣ гирифторанд, рӯ ба афзоиш ниҳодааст. Ҳолати фавти одамон бар асари истеъмоли машруботи бесифат низ ба қайд гирифта шудааст. Тибқи маълумоти оморӣ, шаҳри Хоруғ дар ҷумҳурӣ аз лиҳози теъдоди майзадагон дар ҷойи аввал меистад. Ин ҳолат аз он  ҷиҳат ташвишовар аст, ки ба генофонди миллӣ таъсири манфӣ мерасонад. Бинобар ин, раёсати стандартизатсия ва нозироти савдои ВМКБ ҳамроҳ бо аҳли ҷомеа ва сохторҳои дахлдори ҷумҳурӣ дар ин самт фаъолияти худро пурзӯр намуд. То моҳи октябри соли 2017 дар шаҳри Хоруғ ва ноҳияҳои вилоят дар маҷмӯъ аз 135 нуқтаи фурӯши машруботи спиртӣ 54 нуқта, тавре санҷиш нишон дод, ғайриқонунӣ амал мекард. Ҳамчунин, аз ҷониби раёсат фурӯши ғайриқонунии машруботи спиртӣ дар 17 манзили истиқоматии сокинони шаҳри Хоруғ низ ошкор ва бартараф карда шуд. Давоми соли 2018 кормандони раёсати мазкур ҳамроҳ бо дигар мақомоти назоратӣ дар шаҳри Хоруғ чанд маротиба рейдҳои  муштарак гузаронда, маҳсулоти нуқтаҳои фурӯшро мавриди санҷиш қарор доданд. Дар натиҷа дар нуқтаҳои фурӯш 188 намуд машруботи бесифатро ба миқдори 31523 шиша ошкор сохта, аз муомилот гирифтанд. 5699 шиша маводи спиртии ба талаботи стандартӣ ҷавобгӯ набуда, нобуд карда шуд. Кормандони раёсат, ҳамчунин, 3723 адад нӯшокиҳои спиртии қувватбахши тамғаи “Ягуар” ва ”Страйк” - ро аз муомилот гирифта, ба шаҳри  Душанбе бозпас баргардонданд. Танҳо давоми ду моҳи охир дар нуқтаҳои фурӯши шаҳр боз 127 шиша нӯшокиҳои спиртӣ ошкор ва нобуд карда шуданд. Аммо ошкорсозӣ ва аз муомилот бозпас гирифтани маҳсулоти ғайристандартӣ роҳҳои беҳтарини ҳалли масъала нестанд. Ҷиҳати тақвияти мубориза бо истеъмол ва фурӯши машруботи ғайристандартӣ ва пешгирии воридоти маҳсулоти пастсифат ба вилоят мақомоти иҷроияи маҳаллии ҳокимияти давлатӣ ва сохторҳои дахлдорро зарур аст, ки танзими муомилоти машруботи спиртиро дар доираи қонунҳои амалкунанда беҳтар ба роҳ монанд ва корҳои фаҳмондадиҳиро дар байни коллективҳои меҳнатӣ, савдогарони дукону мағозаҳо, муассисаҳои хӯроки умумӣ ва қишрҳои гуногуни ҷомеа – аҳли маҳаллаҳо, зиёиён, собиқадорони ҷангу меҳнат вусъат бахшанд.
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 13.07.2018    №: 138    Мутолиа карданд: 335
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед