logo

фарҳанг

САРШОР АЗ ҲИММАТИ БУЗУРГОН. ХОТИРАҲО АЗ ОЗМУНИ "ҶУМҲУРИЯТ"

Рӯзномаи аввалин ва, ба назари ҳазорҳо чун ман, беҳтарини Тоҷикистон, Нашрияи расмии Ҷумҳурии Тоҷикистон «Ҷумҳурият» вақтҳои охир чандин ташаббуси судмандро роҳандозӣ намуд, ки ҳам  обрую эътиборашро афзуд, ҳам шумораи хонандагонашро. Аввалин иқдом дар ин ҷода саҳифаи иттилоотию фароғатии «Шоми шанбе» буд, ки айни замон басо ҷолибу хонданӣ шудааст.

Ба хотири аз нав эҳё кардани зиндагиномаи бузургони илму адаб рӯзнома озмунҳоеро рӯи кор овард, ки писанди аҳли ҷомеа гаштанд. Яке аз нахустин озмунҳои  «Ҷумҳурият» барои гиромидошти  сардафтари адабиёти муосири тоҷик, Қаҳрамони Тоҷикистон, аввалин президенти Академияи илмҳои Тоҷикистон Садриддин Айнӣ буд. Ҳангоми таҳсил дар мактаби миёна ва солҳои донишҷӯӣ тамоми асарҳои устоди каломи бадеъро  аз «Мактаби куҳна» то сеҷилдаи «Ёддоштҳо» хонда будам. Бо вуҷуди  ин, аз маводи озмунии олимону муҳаққиқон мероси пурарзиши ин шахсияти тобноки миллатро бо тобишҳои нав кашф кардам.
Дар ҷодаи таърих ва таърихшиносӣ шахсиятҳое мисли алломаи Машриқзамин, академики Академияи илмҳои СССР ва Тоҷикистон Бобоҷон Ғафуров ангуштшуморанд. Банда дар бораи эшон аз забони доктори илми таърих, академики Академияи илмҳои Тоҷикистон Аҳрор Мухторов қиссаҳои ҷолиб  шунидаам  ва  китобҳои  ба рӯзгору фаъолияти илмии академик Бобоҷон Ғафуров бахшидаи ин олими номиро хондаам. Сарфи назар аз ин, баъди озмуни «Ҷумҳурият» ва мақомоти иҷроияи ҳокимияти давлатии вилояти Суғд ва ноҳияи Бобоҷон Ғафуров фаҳмидам, ки ҳанӯз аз баъзе паҳлуҳои зиндагиномаи аллома ноогаҳам. Озмуни мазкур барои ҳазорҳо ман баринҳо басо маълумоти ҷолибу мондагор дод дар шинохти хубтари ин фарзонафарзанди миллат.
Зимнан, баъди хатми донишгоҳ муяссарам гашт, ки бо хоҳари оқилу донои Бобоҷон Ғафуров Тоҷинисо Ғафурова дар Кумитаи  телевизион ва радиои назди Ҳукумати Ҷумҳурии Тоҷикистон кор кунам. Тоҷинисо Ғафурова барои мо, журналистони ҷавон, на танҳо чун сармуҳаррири шуъбаи ҷавонӣ, балки модарвор ғамхору раҳнамо буданд.
30 сол муқаддам бо яке аз шогирдони Бобоҷон Ғафуров  таърихшиноси ҳинд Ливендра Каушник, ки ба Истаравшан  омада буд, шинос шудам ва қариб ду соат дар бораи аллома суҳбат кардем.
Солҳо гузаштанд, ин суҳбат дар бойгонии банда маҳфуз буд. Баъди воқиф шудан аз эълони озмуни рӯзномаи «Ҷумҳурият» бо нашрия телефонӣ тамос гирифта, нияти аз ин хотираҳо мақолае навиштанро гуфтам. Масъулон розӣ шуданд. Ҳафтае нагузашта он дар «Ҷумҳурият» дарҷ гардид. Гузашта аз ин, ҳакамони озмун навиштаи бандаро низ бо туҳфаҳои рӯзнома ва раиси вилояти Суғд қадр карданд, ки аз ин баҳои баланд сипосгузорам.
Воқеан, ин дуюм мукофоти нашрия аст, ки насибам мегардад. Ҳанӯз соли 1975 рӯзнома, ки он давра бо номи «Тоҷикистони советӣ» нашр мешуд, ба ифтихори  30 - солагии Ғалаба дар Ҷанги Бузурги Ватанӣ барои беҳтарин очерку лавҳа озмун эълон карда буд. Очерки банда «Ашки шодӣ» дар бораи дорандаи ду ордени «Шараф» Шариф Тешаевро сазовори мукофот донистанд. 
Сайфулло МАҲКАМОВ,
Аълочии матбуоти Тоҷикистон


Баёни ақида (0)    Санаи нашр: 13.07.2018    №: 138    Мутолиа карданд: 257

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед