logo

иҷтимоиёт

РӮЗГОРЕ БАРОИ ИБРАТ

Профессор Абдураҳмон Қодиров аз ҷумлаи донишмандонест, ки дар рушди илми кимиё, хусусан кимиёи органикӣ, биокимиё ва фармакологияи тоҷик нақши созгор дорад. Олими заҳматкаш ки ҳаст, маҳсули кораш кам нест. Дар соҳаи интихобнамудааш муваффақ асту миёни мардум  соҳибэҳтиром. Кору рӯзгори ин марди наҷиб барои ҳамагон намунаи ибрат асту метавон ба он пайравӣ намуд.
Фаъолияти илмӣ – амалии ӯ асосан барои созмон додани  маводи доруӣ ҷиҳати муолиҷаи  бемориҳои  ҷигар ва талхадон равона шудааст. Дар ин самт 23 патент ба даст оварда. Аз олимони дигар бо он тафовут дорад, ки ҷиҳати дар амал татбиқ шудани бозёфтҳояш пайваста талош мекунад. Маводи доруии омода намудааш дар асоси  баъзе стероидҳо ва  рустаниҳои шифобахши ватанӣ ҳосил шудаанд.
Чанде пеш таҳти роҳбарии ӯ кормандони Институти кимиёи ба номи В. И. Никитини Академияи илмҳо ба натиҷаҳои наве расиданд, ки онҳо барои ба вуҷуд овардани доруи  нави табобатӣ мусоидат намуданд. Номи маводи доруиро «Муъҷиза» гузоштанд. Он дар асоси 28 навъи рустании шифобахш, ки дар кишварамон мерӯяд, омода шудааст. 
- Дар дунё нафарони зиёд гирифтори бемории ҷигар ва санги талхадон мебошанд. Дар давлатҳои собиқ Иттиҳоди Шӯравӣ ҳамасола наздики 1 миллион нафар гирифтори чунин беморӣ мешаванд. Аз рӯи мушоҳидаҳо маводи доруие, ки ҳоло барои табобати ин гуна  бемориҳо пешбинӣ шудааст, на ҳамеша натиҷаи дилхоҳ медиҳад. Таҳлилу омӯзишҳои мо дар ин самт собит намуданд, ки рустаниҳои кишвари мо хосияти хуби шифоӣ доранд ва метавон аз онҳо барои бартараф намудани чунин бемориҳо дору омода намуд. Маводи доруии мо аз ҷиҳати экологӣ тоза ва ба бунияи инсон безарар мебошад,- мегӯяд А. Қодиров.
Ба иттилои мутахассисон «Муъҷиза» қобилияти хуби заҳрравонӣ, ҳал  намудани сангҳои талхадон ва  хусусияти барқарор намудани бофтаҳои ҷигарро дорад.
Барои омода намудани малҳами «Сино» аз 22, «Нақеи Ромит» - 16 ва «Фиттосуман» аз 23 навъи рустанӣ истифода намудааст. Бозёфтҳояш берун аз кишвар низ маълуму машҳуранд. Маводи доруии омоданамудааш «Триоин», «Урсолит», «Фитосуман» ва «Фитозид» барои хосияти баланди доруӣ доштанашон патенти АвруОсиёро сазовор гардидаанд. «Нақеи Ромит» ва малҳами «Сино» ҷоизаи тиллоии Ташкилоти байналмилалии моликияти зеҳниро соҳиб  шуданд.
А. Қодиров  ҳоло аз панҷ навъи рустанӣ малҳам барои ҷавон нигоҳ доштани пӯсти рӯй омода намуда истодааст, ки ин амал дар кишвар бори нахуст сурат мегирад.
– Ин охири кор нест. Дар кишвари мо рустаниҳои зиёди шифобахш вуҷуд доранд, ки аз онҳо метавон барои рафъи бемориҳои гуногун дору омода намуд ва ин аз нақшаҳои минбаъдаи мост, - мегӯяд А. Қодиров.
Фарзона ФАЙЗАЛӢ, «Ҷумҳурият» 


Баёни ақида (0)    Санаи нашр: 16.07.2018    №: 139    Мутолиа карданд: 104

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед