logo

ҳуқуқ

НОБОЛИҒОН. ФАРЗАНДИ БАД ДОҒИ ПАДАР

Бо вуҷуди андешидани тадбирҳои мушаххас ҷиҳати коҳиши ҷинояткорӣ дар байни ноболиғону ҷавонон дар давоми панҷ моҳи соли 2018 дар ҷумҳурӣ аз ҷониби онҳо 459 ҷиноят содир шудааст, ки нисбат ба ҳамин давраи соли гузашта 155 ҳолат зиёд аст.

Файзиддин Назаров, сардори шуъбаи Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилӣ, зимни суҳбат бо хабарнигори “Ҷумҳурият” вазъи ҷинояткориро дар байни ноболиғону ҷавонон ташвишовар арзёбӣ намуда, изҳор дошт, ки аз 459 ҳолати ҷинояти содиршуда дар 346 ҳолат ноболиғон иштирок намудаанд. Аз ин 117 нафар хонандаи муассисаҳои таҳсилоти миёнаи умумӣ ва 222 ноболиғе мебошанд, ки ба ягон шуғл ё таҳсил машғул нестанд. Дар ин давра дар ҷумҳурӣ аз ҷониби кормандони воҳидҳои кор бо ноболиғон ва ҷавонон 2725 маротиба рейд ва амалиётҳои муштараки шартии «Наврас», «Оворагард» ва «Талбанда» гузаронда шуд. Дар натиҷа 7493 ноболиғ барои оворагардӣ, талбандагӣ, боркашӣ дар бозорҳо, ҷамъоварии маблағи роҳкиро дар воситаҳои нақлиёти мусофиркаш, шустани воситаҳои нақлиёт дар ҷойҳои манъшуда, дар вақти дарс машғул шудан ба бозиҳои компютерӣ, фурӯшандагӣ, дар ҷойҳои муқаррарнагардида дуд додани испанд ва ҳуқуқвайронкуниҳои дигар дастгир шуданд. Аз ҳисоби ноболиғони дастгиршуда 265 нафар дар қайди профилактикӣ, 5515 нафар хонандагони муассисаҳои таҳсилоти миёнаи умумӣ, 290 нафар аз омӯзишгоҳҳои касбӣ - техникӣ, коллеҷу техникумҳо, 1191 нафар ноболиғоне, ки дар ягон ҷо кору таҳсил намекунанд, инчунин 61 нафар коргар, 111 нафар аз оилаҳои носолим ва 59 нафар хонандагони мактаб - интернатҳо мебошанд.
Оид ба талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» бо моддаи 90 Кодекси ҳуқуқвайронкунии маъмурии Ҷумҳурии Тоҷикистон нисбат ба падару модарон ва масъулон 9039 протоколи маъмурӣ тартиб дода шуда, барои баррасӣ ба судҳои шаҳру ноҳияҳо ирсол гардид. Бо қарорҳои судӣ 5180 падару модар, ки уҳдадориҳои худро дар таълиму тарбияи фарзанд иҷро накардаанд ба маблағи 588 093 сомонӣ ҷаримабандӣ шуда, 1203 нафар огоҳонида шудаанд. Ҳамчунин, 2656 мавод мавриди баррасӣ қарор дорад.
Қайд кардан зарур аст, ки истифодаи ҳар гуна бозӣ ва филмҳои хусусияти зӯроваридошта ва аз меъёрҳои ахлоқӣ берун, мутаассифона, имрӯз барои баъзе аз ноболиғону ҷавонон ҳамчун шавқу шуғли асосӣ ҳисоб меёбанд. Чунин бозиҳо ба рӯҳу равони инсон, махсусан ноболиғон, ки ҳанӯз инкишоф наёфтаанд таъсири манфӣ расонда, оқибат онҳоро ба содир намудани ҳар гуна амалҳои зиддиҷамъиятӣ водор месозад. Тавре аз таҳлилҳо бармеояд, сабабгори муноқишаҳои гурӯҳие, ки вақтҳои охир миёни ноболиғону ҷавонон ба вуҷуд омада истодаанд, агар аз як тараф машғул гардидан ба бозиҳои зараровари компютерӣ бошад, аз ҷониби дигар бемасъулиятии волидон мебошад.
Бо мақсади пешгирӣ намудани ҳуқуқвайронкуниҳои маъмурӣ ва дигар ҷинояткорӣ дар байни ноболиғон, муайян ва дастгир намудани ноболиғони оворагард, аз мактаб дуршуда, пешгирии ҳолатҳои дарсшиканӣ, зуҳуроти номатлуби худкушӣ ва суиқасд ба он аз ҷониби масъулони воҳидҳои кор бо ноболиғони мақомоти корҳои дохилии ҷумҳурӣ дар панҷ моҳи соли ҷорӣ  6512 вохӯрию мулоқот гузаронда шудааст.
Сафаргул АЛИМОВА,
“Ҷумҳурият”


Баёни ақида (0)    Санаи нашр: 16.07.2018    №: 139    Мутолиа карданд: 444

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед