logo

иҷтимоиёт

БОЗОРИ ФАРМАСЕВТӢ. ҶАНБАҲОИ МУХТАЛИФИ ЯК СОҲА

Аз нигоҳи назарияи муносибатҳои бозаргонӣ талабот ва пешниҳод бозори истеъмолиро ба низом медароранд. Вале, дар фаъолияти фармасевтӣ чунин нест: истеҳсол, воридоту фурӯши дорувории барои ҳаёт муҳим дар асоси омӯзиши сатҳи гирифтории аҳолӣ ба бемориҳо ба нақша гирифта мешавад. Банақшагирии ин амалро бояд сохторҳои дахлдор анҷом диҳанд.
Ҳангоми дуруст ба нақша нагирифтани воридот ва истеҳсоли доруворӣ дар бозори фармасевтии ҷумҳурӣ метавонад ҳаҷми аз ҳад зиёди дору пайдо шавад. Истифодабарандагони доруворӣ асосан беморон ҳастанд ва вобаста ба гирифтории аҳолӣ ба он ҳаҷми муайяни дору истифода мешавад, яъне ин бозор беандоза нест. Дору, инчунин, муҳлати истифода дорад.
Бемор ба доруе эҳтиёҷ дораду ин дору дар дорухонаҳои ҷумҳурӣ нест. Яъне дар натиҷаи ба нақша нагирифтани воридоти дору дастрас  будани дору ба эҳтиёҷманд таъмин карда намешавад. Ё ин ки ҳангоми кам ворид намудан доруи лозима бо нархи гарон фурӯхта мешавад.
Кам ё зиёд омода намудани мутахассисони соҳаи фармасевтӣ низ  метавонад ба сатҳи хизматрасонӣ таъсири манфии худро расонад. Ҳолати бад ҳангоми аз ҳад зиёд омода намудани мутахассисон ба вуҷуд меояд. Таносуби кормандони соҳаи фармасевтӣ низ аз истеъмолкунандагони доруворӣ вобаста аст. Аз ин рӯ, ҳар чи зиёд гаштани миқдори кормандони соҳаи тиб ва фармасевтӣ ба зиёд гаштани ҳаҷми хароҷоти буҷети соҳа ва оилаҳо оварда мерасонад.
Истеҳсоли маҳсулоти фармасевтӣ ин меҳнати зеҳнӣ аст. Таҳияи технологияи истеҳсоли як намуд доруи генетикӣ дониши мукаммали тахассусӣ, маблағ ва вақти зиёдро талаб менамояд. Фаъолияти зеҳнӣ ин муаррификунандаи сатҳи маънавии ҳар як давлату миллат аст. Ширкатҳое, ки ба ин фаъолият даст задаанд, бояд ҳамаҷониба дастгирӣ карда шаванд. Дар навбати аввал имконият фароҳам овардан лозим аст, ки ширкати истеҳсолкунандаи маҳсулоти фармасевтӣ дар бозори кишвар мавқеъ пайдо намояд. Сохторҳои давлатӣ бо истифода аз фишангҳои танзимкунанда, инчунин, ба роҳ мондани кор бо воридкунандагони маҳсулоти фармасевтӣ ва истеҳсолкунандагони ватанӣ метавонанд ин масъалаи муҳимро ҳал намоянд.
Миқдори дорухонаҳо ва ҷойгиршавии онҳо низ метавонад ба сифати хизматрасонӣ, нархгузорӣ, дастрас будани доруворӣ таъсири худро расонад. Баръакси асосҳои иқтисоди бозаргонӣ миқдори зиёди дорухонаҳо ва наздик ҷойгир будани онҳо метавонад хизматрасонии соҳаро бад намуда, ба рақобати носолими онҳо оварда расонад. Дорухонаҳоро соҳибкорон дар навбати аввал барои гирифтани манфиати иқтисодӣ бунёд менамоянд. Дар навбати худ, бозори фармасевтӣ меъёри муайян вобаста ба гирифтории аҳолӣ ба бемориҳоро дорад. Вақте ки дорухонаҳо зиёд ва наздик ҷойгир шудаанд, наметавонанд он даромадеро, ки дар нақша доранд, ба даст биёранд. Аз ин рӯ, рақобати носолим пайдо гардида, аз ҳад паст намудани нарх бо мақсади зиёд фурӯхтан ва баланд мондани нарх бо мақсади ҳар чи зиёд даромад гирифтан ба вуҷуд меояд.
Бақайдгирии маҳсулоти фармасевтӣ бошад, яке аз талаботи асосии назорати гардиши доруворӣ ва таъмини сифати он мебошад. Солҳои пешин Ҷумҳурии Тоҷикистон ниёз дошт, ки ширкатҳои истеҳсолкунандаи хориҷӣ маҳсулоти худро дар кишвар ба қайд гирифта,  воридот намоянд. Имрӯзҳо ин эҳтиёҷ аз байн рафтааст. Дар оянда сохторҳои дахлдор бояд бақайдгирии дорувории истеҳсоли хориҷиро дар асоси таҳқиқи имкониятҳои истеҳсолии ширкатҳои хориҷӣ ба роҳ монанд. Аз ин лиҳоз, ба мутахассисони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон лозим меояд, ки ҳар сол дар асоси дурнамо (ба ҳисоб гирифтани ҳама омилҳо) талаботи аҳолӣ ва муассисаҳои тиббиро ба дору муайян намоянд. Дар асоси ин дурнамо ба ширкатҳои истеҳсолкунандаи доруи ватанӣ ҳамкорӣ карда, аз рӯйхати дурнамо кадом миқдор доруҳоро онҳо метавонанд истеҳсол кунанд ва он миқдоре, ки дар ҷумҳурӣ имконияти истеҳсолаш нест, ба ширкатҳои дорусозии хориҷӣ фармоиш дода шавад. Аммо, истеҳсол ва фурӯши доруи ватанӣ дар мадди аввал бояд бошад. Бо назардошти ин ҳама, рушди соҳаи дорусозии ватанӣ ва бо дору таъмин кардани аҳолӣ ва муассисаҳои тиббии ҷумҳуриямон ба танзим дароварда мешавад.
Д. ХАЛИФАЕВ,
доктори илмҳои фармасевтӣ, профессор, 
Ф. САЙФУЛЛОЕВ,
номзади илмҳои тиб


Баёни ақида (0)    Санаи нашр: 16.07.2018    №: 139    Мутолиа карданд: 289

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед