logo

ҳуқуқ

ҚУВВАҲОИ МУСАЛЛАҲ. НАТИҶАГИРӢ АЗ МАШҒУЛИЯТҲОИ МЕТОДӢ – ТАЪЛИМӢ

Аз 8 то 11 июли соли равон бо ҷалби ҳайатҳои роҳбариву фармондеҳии Вазорати мудофиаи Ҷумҳурии Тоҷикистон ҷамъомад ё худ машғулиятҳои методӣ - таълимӣ баргузор гардиданд.

Тавре аз маркази матбуоти Вазорати мудофиа ба рӯзномаи «Ҷумҳурият» иттилоъ доданд, машғулиятҳои методӣ - таълимӣ давоми 4 рӯз дар гарнизонҳои Душанбеву Хатлон ва пойгоҳи қисмҳои низомии тобеи Вазорати мудофиа ба таври назариявию амалӣ ҷараён гирифтанд. Ба машғулиятҳо муовинони вазири мудофиа, фармондеҳони ҷузъу томҳои Қувваҳои Мусаллаҳ, комиссарони ҳарбии вилоятҳо, командирони қисмҳои низомӣ ва муовинони онҳо ҷалб карда шуданд.
Рафти ҷамъомади мазкур таҳти назорати қатъии роҳбарияти Вазорати мудофиа ҷараён гирифта, аз иштирокчиён масъулияти баланд дар омӯзиши фанҳои дақиқи низомӣ ва пурра аз бар намудани мавзӯъҳои пешбинишуда талаб карда шуд.
Иштирокчиёни ҷамъомад вобаста ба мақому сатҳи вазифавӣ дар Артиши миллӣ ба гурӯҳҳо тақсим шуда, ба омӯзиши машғулиятҳои гуногуни ҳарбӣ, рондану тирпарронӣ аз тӯп ва техникаҳои мухталифи вазнини зиреҳпӯши ҷангӣ, силоҳу муҳимоти оташфишонии сабуки ҳарбӣ ва ба санҷиши омодагии ҷисмонӣ ҷалб шуданд.
Ҳадаф аз баргузории ҷамъомади методӣ - таълимӣ ин дар амал нишон додани роҳу усулҳои нави омӯзишӣ дар Қувваҳои Мусаллаҳ мебошад, яъне ташаккул додани назару муносибати ягона ба масоили омодагии ҷангӣ, ташкили хидмати дохилии қӯшунҳо мувофиқ намудани ҳудуди шаҳракҳои ҳарбӣ, майдончаҳои варзишӣ ва дигар мавзеъҳои таълимии афсарону сарбозон ба талаботи ойиномаҳои ҳарбии Қувваҳои Мусаллаҳ.
Дар қисмҳои низомие, ки машғулиятҳои намунавии методӣ - таълимӣ ҷараён гирифтанд, 15 бинову иншооти муҷаҳҳаз, аз қабили ҳаммоми сарбозӣ, нуқтаҳои таълимӣ, мавзеъҳои ёрирасони коммуналӣ ва амсоли ин мавриди истифода қарор гирифтанд. Ба ҳамин тартиб, дар давоми чанд соли охир ҳатто дар қисмҳои низомии навтаъсиси Вазорати мудофиа заминаҳои намунавии моддиву таълимӣ, хидматӣ ва шароитҳои маишиву фароғатии афсарону сарбозон дар сатҳи баланд муҳайё карда шудаанд.
Натиҷаи ҷамъомади методӣ - таълимӣ ва фаъолияти 6 - моҳаи ҳайати шахсии ҷузъу томҳои Вазорати мудофиа, бо иштироки котиби Шӯрои амнияти ҷумҳурӣ Абдураҳим Қаҳҳоров, роҳбарияти Вазорати мудофиа, масъулони КДАМ, Сарпрокурори ҳарбӣ ва дигар шахсони дахлдор мавриди таҳлилу баррасӣ қарор гирифтанд.
Дар баробари баррасии масъалаҳои гуногун ва вобаста ба дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид гардид, ки бо назардошти пешравиҳои ҷомеаи муосир, вазъи зудтағйирёбандаи минтақа ва ҷаҳон, вобаста ба таҳдиду хатарҳои эҳтимолӣ мо бояд доимо дар ҳолати омодабош қарор дошта бошем ва бо масъулияти баланди ватандӯстӣ вазифаи муқаддаси хешро сарбаландона адо намоем.
Лашкар ШАРИФ,
«Ҷумҳурият»


Баёни ақида (0)    Санаи нашр: 16.07.2018    №: 139    Мутолиа карданд: 439

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед