logo

туризм

ИСТАРАВШАН – МАКОНИ САЙРУ САЁҲАТИ ФАРОҒАТӢ ВА ТАБОБАТӢ

Сабаби соли 2018 - ро Соли рушди сайёҳӣ ва ҳунарҳои мардумӣ эълон кардани Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори дигар ба ҷаҳониён муаррифӣ намудани фарҳанги миллати куҳанбунёдамон ва сарзамини биҳиштосоямон мебошад.

Дар ҳақиқат, Ватани маҳбубамон бо мардуми ҳунарманд ва табиати биҳиштосояш мавриди таваҷҷуҳи сайёҳони кишварҳои гуногуни олам қарор дорад. Ва яке аз шаҳрҳои диёри афсонавиамон, ки таърихи бою пурғановат ва манзараҳои зебо дорад,  Истаравшан аст.
Бояд гуфт, ки дар бораи маънои Истаравшан ривоятҳои зиёде мавҷуданд. Яке аз онҳо чунин  аст:  «Духтари шоҳи Эронзамин – Равшан  бемор мешавад. Табибон маслиҳат медиҳанд, ки барои шифо ёфтан, ӯро бояд ба маконе баранд, ки иқлимаш муътадил бошад. Шоҳдухтарро бо корвони калоне ба сафар гусел мекунанд ва огоҳ месозанд, ки ҳар ҷое шоҳдухтар худашро хуб эҳсос кунад, зуд хабар диҳед. Якчанд муддат мегузарад ва рӯзе ба шоҳ хабар медиҳанд, ки духтаратон  ба макони хушобу ҳаво расида ва дар он ҷо саломатиаш рӯз ба рӯз беҳтар мегардад. Баробари инро фаҳмидан, шоҳ нидо мебарорад: «Ист,  Равшан»».
Воқеан, шаҳри Истаравшан дорои ҳавои софу беғубор ва чашмаҳои табобатӣ буда, барои ривоҷи сайёҳии экологӣ ва солимгардонӣ имкониятҳои фаровон дорад. Ҳоло дар шаҳр осоишгоҳҳои «Ҳавотоғ», «Ӯротеппа», «Авис Сити», «Авитсенаи Истаравшан» ва «Шифо» фаъолият менамоянд, ки миёни сайёҳон маъруфияти зиёд доранд.  Махсусан, осоишгоҳи «Ҳавотоғ» бо обҳои шифобахши худ дорои шуҳрати беандоза мебошад ва дар он бемориҳои урологӣ, асаб, экзема, пӯст, артрид, радикулит ва зоб табобат карда мешаванд.
Ба ҷуз ин, иқтидори сайёҳии фарҳангӣ – таърихии шаҳр низ бузург аст. Зеро дар он 150 ёдгории бостонӣ мавҷуд аст, ки бо санъати баланди меъморӣ бунёд гаштаанд, дили ҳар бинандаро тасхир месозанд. Ҳамзамон, солҳои соҳибистиқлолии кишвар иншооти гуногун мавриди баҳрабардорӣ қарор гирифтаанд, ки ба зебоии шаҳр ҳусни дигар зам намуданд.
Боиси ифтихору сарфарозист, ки  бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли равон  дижи қадимаи Истаравшани бостонӣ – Қалъаи Муғ таҷдиду азнавсозӣ гашта, намои худро ба куллӣ тағйир дод. Қалъа деворбандӣ карда шуда, дар он амфитеатр бо 6000 ҷойи нишаст ва қариб 100 дукони ҳунармандӣ сохта шуд.
Бешубҳа, ояндаи соҳаи сайёҳии шаҳри Истаравшан неку дурахшон аст ва корҳои созандагиву ободонӣ, ки дар он идома доранд, сол ба сол теъдоди туристони дохиливу хориҷиро ба ин шаҳри бостонӣ бештар хоҳад кард.
Сайфулло МАҲКАМОВ,  рӯзноманигор


Баёни ақида (0)    Санаи нашр: 16.07.2018    №: 139    Мутолиа карданд: 523

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед