logo

туризм

ДУШАНБЕ БА ШАҲРИ САЙЁҲӢ ТАБДИЛ МЕЁБАД

Душанбеи муосир бо биноҳои хуштарҳу хосси миллӣ, кӯчаву хиёбонҳои сабзу хуррам, фазои орому осоишта, марказҳои гуногуни хизматрасонӣ, меҳмонхонаҳои сатҳи олӣ ба макони дӯстдошта ва писандидаи сайёҳони дохиливу хориҷӣ мубаддал гардидааст.

Таъмиру таҷдиди роҳҳои автомобилгарди пойтахт, ба истифода додани истгоҳҳои замонавӣ дар хиёбонҳои марказӣ, сохтмони чорроҳаҳои сесатҳа дар буриши ҳалқавии хиёбонҳои Нусратулло Махсум ва Бобоҷон Ғафуров  (маҳаллаи 82) ва И. Сомониву А. Сино (маҳаллаи Қаряиболо), ва дигар корҳои созандагиву бунёдкорӣ, ки ба шарофати истиқлолияту ваҳдати миллӣ имконпазир гаштанд, барои пешрафти бахши сайёҳӣ мусоидати бештар хоҳанд кард.
Гуфтан ба маврид аст, ки рӯзҳои Ҷашни Наврӯзи байналмилалӣ аввалин маротиба бо ибтикори Кумитаи рушди сайёҳӣ ва таҳти сарпарастии президенти Федератсияи футболи Тоҷикистон Рустами Эмомалӣ дар шаҳри Душанбе Фестивали фарҳангию сайёҳии «Наврӯз - мероси фарҳангии сайёҳӣ» баргузор гардид. Дар он ҷашнгирии Наврӯзи байналмилалӣ ҳамчун симои (бренди) сайёҳии Тоҷикистон ба доираи васеи сайёҳон, ки дар арафаи Наврӯз ба Тоҷикистон даъват шуда буданд, муаррифӣ гашт. 
Илҳомиддин Сайфуллоев, мудири кафедраи иқтисод ва идораи сайёҳии ДМТ, дар ин хусус иброз медорад, ки Наврӯз ҷашни бесобиқаи аҷдодӣ аст, ки тамоми суннатҳои мардумиро дар худ таҷассум мекунад. Дар рӯзҳои ҷашнгирии он бозиҳои варзишӣ, анъана ва хӯрокҳои миллӣ рӯнамоӣ мешаванд, ки метавонанд, омили муҳими ҷалби сайёҳон гарданд. Ин ҷо танҳо менеҷмент ва маблағгузории хуб лозим аст.
Фаридун Ҳамроев, менеҷери ширкати сайёҳии «Панҷакент Интур», мегӯяд, ки дар бисёр мамлакатҳои дунё фестивалҳо ҳамчун бренди сайёҳӣ таблиғ шудаанд. Чунин идҳо дар Бразилия, Фаронса, Олмон таҷлил мешаванд, ки сайёҳон аз тамоми дунё танҳо барои дидани он мераванд. Дастгириҳои шаҳрдорӣ ва Ҳукумати мамлакат ҷиҳати манзур доштани Наврӯз ҳамчун бренди сайёҳӣ иқдоми хуб мебошад. Дар оянда он метавонад ба механизми доимии ҷалби сайёҳони хориҷӣ табдил дода шавад.
Маврид ба зикр аст, ки чанде пеш дар байни Иттиҳоди Давлатҳои Мустақил пойтахти кишварамон  - Душанбе ба қатори 10 шаҳри дар айёми баҳор барои сайёҳӣ муносиб шомил гардид. Дар ин бора сомонаи агентии таҳлилии “ТурСтат” - и Русия  хабар додааст. Ин иттилоъ дар шабакаҳои интернетӣ васеъ паҳн шудааст, ки ин ҳам яке аз омилҳои ҷалби бештари сайёҳон хоҳад буд. 
Душанберо бештар ҳамчун шаҳри сабз мешиносанд, зеро дар он боғҳои зиёди сарсабзу хуррам бунёд шудаанд. Боғи «Ирам» - и шаҳр бо зебоӣ ва намунаҳои беҳтарину нодиртарини рустаниҳо намои миллӣ ва яке аз объектҳои асосии сайёҳии шаҳр ба ҳисоб меравад. Боғҳо ва гулгаштҳои Устод Рӯдакӣ, Садриддин Айнӣ», «Пойтахт», «Дӯстии халқҳо», «Ғалаба», «Ҷавонон» барои сайру истироҳати сокинону меҳмонони шаҳр мувофиқ мебошанд.
Ҳамчунин, намои меъмории Душанбе пайваста мавриди таҷдид қарор дорад. Сол ба сол зиёд шудани биноҳои баландошёнаи муосир ва дорои тарҳи миллӣ, сабзкориву бунёдкорӣ ба шаҳрамон симои махсус бахшидаанд.
Вале бо вуҷуди заминаҳои мусоиди сайёҳӣ, гуфтан ба маврид аст, ки дар ин самт як қатор  камбудиву мушкилиҳо, аз қабили теъдоди маҳдуди хатсайрҳои байналмилалии ҳавопаймоӣ ба шаҳрҳои Аврупо (Фаронса, Италия, Испания, Шведсия...), норасоиҳо дар хизматрасонии баъзе бахшҳои соҳа (меҳмонхона, тарабхона, ошхона, қаҳвахона, марказҳои дилхушӣ), ба таври дилхоҳ маблағгузорӣ нашудани соҳа ва ғайра ҷой доранд.  Бинобар ин, ташкили босифати чорабиниҳои тарғиботӣ оид ба интихоби дурусти касб, тайёр кардани мутахассисони ихтисосманди соҳа, васеъ намудани муносибати меҳмоннавозона, ҷалби сармоя, саҳмгузорӣ дар беҳтарсозии сифати хизматрасониҳо муҳим мебошанд.
Дар робита ба мавзӯи матраҳ, Илҳомиддин Сайфуллоев, пешниҳод медорад, ки пеш аз ҳама, барои ҷалби сайёҳон дар пойтахти кишвар мисли шаҳрҳои бостонии Хуҷанду Истаравшан ташкили гузари атторон, заргарон, чармгарон, кордсозон, кулолгарон, кандакорон, табақтарошон ва амсоли инҳо ба манфиати кор хоҳад буд.
Бо назардошти муҳимияти соҳаи сайёҳӣ дар пешрафти иқтисодиёти кишвар Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон дар Паём ба Маҷлиси Олӣ соли 2018-ро Соли рушди сайёҳӣ ва ҳунарҳои мардумӣ  эълон доштанд. Вобаста ба ин, аз ҷониби Сарвари давлат нақшаи чорабиниҳои мукаммал ва рамзи сол тасдиқ гардид. Тибқи яке аз бандҳои нақша, андешидани тадбирҳо ҷиҳати ба узвияти Федератсияи ҷаҳонии шаҳрҳои туристӣ пазируфтани шаҳри Душанбе дар назар аст. Дар ин самт корҳои зарурӣ идома доранд ва умед аст, ки то охири сол пойтахти маҳбубамон ба узвияти ин созмони бонуфузи ҷаҳонӣ пазируфта шуда, имкониятҳо барои рушди сайёҳӣ бештар мегарданд.
Ш. ҚУРБОН, “Ҷумҳурият”


Баёни ақида (0)    Санаи нашр: 16.07.2018    №: 139    Мутолиа карданд: 325

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед