logo

сиёсат

ТОҶИКИСТОН. ВАҲДАТ, СУБОТ ВА РУШД

Бо кӯшишу талошҳои пайгиронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар такя ба ақлу заковати азалӣ, бисту як сол қабл, баъди музокироти тӯлонӣ ба хотири ҳифзи якпорчагии марзу хоки Ватан, таъмини сулҳу субот, Созишномаи умумии истиқрори сулҳ ва ризояти миллӣ ба имзо расид, ки минбаъд ин ҳуҷҷат санади сарнавиштсоз шинохта шуд.

Маҳз сулҳу субот ва ваҳдати миллӣ омили рушди ҳама соҳаҳои ҳаёти ҷомеа гардид. Зеро ба имзо расидани созишномаи мазкур ба ҷанги таҳмилии шаҳрвандӣ хотима бахшида, барои оғози давлатдории Тоҷикистони соҳибистиқлол ва ҳаёти орому осудаи мардуми он шароити мусоид фароҳам овард.
Бар асари нобасомониҳои солҳои охири асри гузашта, кор ба ҷое расид, ки дар байни мардум бадбиниву таҳдид ва душманҷӯиву сангаргирӣ доман паҳн намуд, ки оқибат боиси сар задани ҷанги шаҳрвандӣ гардид. Ҳазорҳо хона хароб, муассисаю корхонаҳо аз фаъолият бозмонда, теъдоди қурбониёну фирориҳо ҳамарӯза афзоиш меёфт. Ҷанг ва нооромӣ дар зеҳни мардум рӯҳафтодагӣ ва тафаккури манфиро ба вуҷуд овард.
Баъди ба имзо расидани ин санади таърихӣ дар мамлакат марҳилаи нав - барқарорсозии харобаҳои ҷанг ва рушди мамлакат оғоз шуд. Ба шарофати сулҳу субот ва иродаи матини мардуми шарифи Тоҷикистон, сиёсати созандаи Ҳукумати мамлакат рушди муназзами иқтисодиву иҷтимоӣ ва фарҳангиву маънавии кишвар таъмин шуд. Аз баракати сулҳу ваҳдат имкон пайдо гардид, ки барои рушди ҳамаҷонибаи ҷомеа, густариши равандҳои демократӣ ва таъсиси институтҳои ҷомеаи шаҳрвандӣ шароити зарурӣ муҳайё шавад.
Сарвари давлат муҳтарам Эмомалӣ Раҳмон дар суханронии хеш ба ифтихори Рӯзи Ваҳдати миллӣ дар шаҳри Конибодом таъкид намуданд:  «Сулҳи тоҷикон таҷассуми олии майлу иродаи мардуми сулҳпарвари мо, яъне хизмати таърихии халқи қаҳрамони тоҷик мебошад. Аз ин лиҳоз, ба наслҳои наврас ва ҷавонон ҳамчун сабақи ибратомӯз фаҳмондани моҳият ва арзиши сулҳу оромӣ, суботи сиёсӣ ва ваҳдати миллӣ ниҳоят муҳим мебошад». 
Моро зарур аст, ки ҳамарӯза барои баланд бардоштани сатҳи маърифату шуури миллии мардуми кишвар, фарҳанги сиёсии ҷомеа, тақвияти ваҳдату ҳамдигарфаҳмӣ, беҳсозии шароити иқтисодиву иҷтимоии аҳли ҷомеа ва рушду тараққиёти мамлакатамон аз тамоми имкониятҳо самаранок истифода намоем.
Авзои ҷаҳон, хусусан он мушкилоте, ки ба сари баъзе мамлакатҳо ва мардуми мусалмони ҷаҳон омадааст, ба касе пӯшида нест. Қудратҳои ҷаҳонӣ ва минтақавӣ барои манфиати худ мамлакатҳои том ва ҷомеаҳои рӯ ба рушдро гирифтори буҳрон, таҳрим ва ҷанги дохили намуда, ҳатто аз мудохилаи ҳарбӣ рӯй наметобанд. Ин вазъ моро водор менамояд, ки дар атрофи ҳам муттаҳид шуда, зидди омилҳои харобиовар муқовимат намоем. Амнияту рушди доимиро дар ҷомеа таъмин созем. Нагузорем, ки дигар ягон бадхоҳ дар байнамон роҳ ёбад ва ваҳдати миллиамонро халалдор созад.
Дар ин росто ҳизбҳои сиёсии мамлакат, созмонҳои ҷамъиятӣ ва воситаҳои ахбори оммаро зарур аст, ки ҳангоми арзёбӣ ва инъикоси масъалаҳои сиёсиву иҷтимоии ҷомеа ба хотири ҳимояи Истиқлолияти давлатӣ, манфиатҳои миллӣ ва суботи сиёсиву оромии ҷомеа ва таҳкими ваҳдати миллӣ эҳтиёткору бомулоҳиза бошанд. Сулҳу ваҳдат неъмати Худодод аст ва онро ҳамчун сарвати бебаҳои миллӣ бояд ҳифз кард.
Фаромаз МАРДОНӢ,
коргузори шуъбаи таъминоти ҳуқуқи мониторинги қонунгузорӣ ва маркази матбуоти Прокуратураи генералии Ҷумҳурии Тоҷикистон


Баёни ақида (0)    Санаи нашр: 17.07.2018    №: 140    Мутолиа карданд: 377
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед