logo

туризм

ХАТЛОН МИНТАҚАИ ХУБИ САЙЁҲӢ

Вилояти Хатлон, ки дар қисмати ҷанубу ғарбии Тоҷикистон  ҷойгир аст, дар самти сайёҳӣ имкониятҳои бузург дорад.  
Бо далели он, ки дар вилоят 582 ёдгории таърихӣ ва фарҳангӣ мавҷуд аст, метавонад ҳамчун макони хуби сайёҳии фарҳангию таърихӣ хидмат кунад. Нигораҳои бозёфтшуда аз ин макон, ки ба асрҳои III - I пеш аз милод тааллуқ доранд, баёнгари онанд, ки ин минтақаи Тоҷикистон дорои таърихи куҳан мебошад. 
Ёдгории дайри буддоии Аҷинатеппа (ноҳияи Вахш), ки мансуб ба асрҳои VI - VII мелодист, кайҳост, ки диққати сайёҳони хориҷиро ба худ ҷалб намудааст. Хусусан, баъди он, ки соли 1966 аз  ин макон бостоншиносон пайкараи Буддоро дар ҳолати нирвана пайдо намуданд, он ба яке аз маконҳои маъруфи таърихӣ табдил ёфт. Албатта, онҳо аз ин макон як силсила муҷассамаҳои дигар низ пайдо карданд, аммо миёни онҳо Буддо дар ҳолати нирвана бо бузургиву шаҳомати худ фарқ мекунад.
Буддо 12 метру 92 сантиметр дарозӣ дорад. Баландиаш 2, 5 метр аст. Онро баъди таъмири  пурра соли 2001 дар Осорхонаи миллии бостоншиносии Тоҷикистон ба намоиш гузоштанд. Бостоншиносон муайян намуданд, ки он 13 аср пеш сохта шудааст. Баъди вайрон намудани Буддои 16 - метра дар Афғонистон, Буддо дар ҳолати нирвана бо бузургии худ дар фарҳанги буддоии ҷаҳон мавқеи намоёнеро соҳиб шудааст. Ин ҷой ҳоло барои мардуми Аврупо макони  дӯстдоштаи сайёҳӣ гардидааст.
Ёдгории Тахти Сангин (асри 4 пеш аз милод), ки замони Искандари Мақдунӣ бино шуда, қисми таркибии калонтарин бозёфти асри ХХ - Ганҷинаи Амударё мебошад, қалъаи Ҳулбук, ки дар асри IХ - Х пойтахти Хатлон ба шумор мерафт, бошишгоҳҳои одамони асри санг - замони ҷамоаи ибтидоии Кӯлдара (миллионсола), хонақоҳи Севодара аз мавзеъҳои дигари сайёҳии вилояти Хатлон ба шумор мераванд.
Дар вилоят мавзеъҳои нодири муолиҷавӣ низ кам нестанд. Масалан, Чилучорчашма. Тибқи маълумот оби чашма шифобахш буда, ба бемориҳои дилу ҷигар, чашму гӯш, устухондард ва чандин дардҳои дигар даво мебошад.  Ин чашмаи шифобахш дар тамоми Осиёи Марказӣ маълуму машҳур аст.
Оби шифобахши чашмаҳои Зардпарвин, Замбурак, Хилватӣ ва Гармоба, ки дар ноҳияи Ховалинг ҷойгиранд, аз ҷумлаи мавзеъҳои дигареанд, ки ҷиҳати рушди сайёҳии муолиҷавӣ нақши созгор гузошта метавонанд.
Чилдухтарон, қаторкӯҳе, ки дар қисмати шимолии ноҳияи Муъминобод ҷойгиранд ва дар назар муҷассамаи олиҳаҳои зеборо мемонанд, беҳтарин макон барои сайёҳии кӯҳнавардӣ ва экологӣ эътироф шудааст.
Ноҳияи Балҷувон бо табиати нотакрораш мавзеи зеботарини кишварамон маҳсуб меёбад. Обу ҳавои мусаффои Сари Хосор, хусусан  шаршараи Сафедоб, ки аз тамошояш кас ҳаловати хосса мегирад, маълуму машҳуранд.
Мадрасаи Хоҷа Машҳад дар ноҳияи Шаҳритуз (асрҳои IХ - Х), ёдгории таърихӣ ва меъмории  мақбараи Мир Сайид Алии Ҳамадонӣ, Мавлоно Тоҷиддин, Имом Зайнуллобуддин, мазори Ҳазрати Султон дар ноҳияи Ховалинг аз беҳтарин мавзеъҳоянд барои сайёҳӣ.
Хатлон макони фарҳангу ҳунар аст. Ба шарофати мардуми минтақа то ба имрӯз ҳунарҳои зиёди аҷдодиамон, ки аслан барои сайёҳон хеле ҷолиб мебошанд, рушд карда истодаанд. Чакан  бо нақшу нигор ва рангорангиаш кайҳост, ки диққати ҷаҳониёнро ҷалб намудааст. Умуман,  вилояти Хатлон макони хубест барои сайёҳии фарҳангию таърихӣ, экологӣ, кӯҳнавардӣ, илмӣ, варзишӣ, маърифатӣ, истироҳативу муолиҷавӣ. Ҷиҳати рафтуомади сайёҳон дар минтақа шароити хуб фароҳам оварда шудааст. Дар ин ҷо ду фурудгоҳи байналмилалӣ, яке дар шаҳри Бохтар - маркази вилоят, дигаре дар шаҳри Кӯлоб мавҷуд аст, ки ба ташрифи сайёҳон мусоидат менамоянд.
Дар ҳудуди вилоят ҳоло 5 ширкати сайёҳӣ, аз ҷумла «Сари Хосор», «Морхӯр», «Ориёӣ» «Пули сангин», «Сайёҳ асри ХХI» дар ноҳияҳои Балҷувон, Шамсиддини Шоҳин ва шаҳрҳои Кӯлобу Нораку Бохтар фаъолият доранд, ки метавонанд ба сайёҳон дар сатҳи баланд хидмат расонанд.
Чанде пеш аз ҷониби мақомоти иҷроияи ҳокимияти давлатии вилояти Хатлон 14 хатсайри сайёҳӣ таҳия гардид. Ҳоло мақомот дар ҳамкорӣ бо намояндагони бахши хусусӣ барои ҷалби  бештари сайёҳон тибқи ин хатсайрҳо тадбирҳоро амалӣ менамоянд.
Фарзона ФАЙЗАЛӢ,  «Ҷумҳурият»


Баёни ақида (0)    Санаи нашр: 18.07.2018    №: 141    Мутолиа карданд: 533

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед