logo

сиёсат

ДИДАИ ИБРАТ КУШОЕМ

Бардошт аз мулоқоти Пешвои миллат бо намояндагони ҷомеаи кишвар
Суханҳои пурмуҳтавои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо намояндагони ҷомеаи кишвар, аслан, дастуреанд барои кору фаъолияти тамоми сокинони мамлакат, хусусан кормандони мақомоти иҷроияи маҳаллии ҳокимияти давлатӣ.

Пешвои миллат дар ин вохӯрӣ оид ба муҳимтарин масъалаҳои доғи ҷомеа, монанди вазъи ноороми сиёсии кишварҳои ҷангзада, густариши бесобиқаи терроризми байналмилалӣ ва ҷинояткории муташаккил, муомилоти ғайриқонунии воситаҳои нашъаовар ва силоҳ, шиддат гирифтани мушкилоти экологӣ ва иҷтимоӣ, танқисии бархе мамлакатҳо аз нарасидани неъматҳои моддӣ, назири озуқа, оби ошомиданӣ, ки имрӯз боиси нигаронии башарият гардидаанд, сухан гуфта, аз намояндагони ҷомеаи кишвар даъват ба амал оварданд, ки барои ҳифзу ҳимояи арзишҳои муқаддаси миллӣ - сулҳу субот, ваҳдату истиқлолият, пойдории онҳо талош намуда, ба қадри ин неъматҳои бузург бирасанд ва онҳоро пос доранд.
Аксаран, нооромию ҷангу ҷидол дар кишварҳо аз ноогоҳию нодонии гурӯҳе аз сокинон сар мезананд. Бархе аз қишрҳои ҷомеа ҳатто намефаҳманд, ки ба осиёби кӣ об мерезанд ва фирефтаи бозиҳои сиёсии дигарон мешаванд. Аз ин рӯ, моро зарур аст, ки зиракии сиёсиро аз даст надода, наврасону ҷавононро дар рӯҳияи ватандӯстӣ, хештаншиносӣ ва омӯзиши илму ҳунар тарбия намоем.
Имрӯзҳо Тоҷикистон ба шарофати талошҳо ва ташаббусҳои башардӯстонаи Сарвари хирадманди худ оид ба ҳалли мушкилоти вобаста ба об дар арсаи байналмилалӣ нуфузу эътибори баланд пайдо намудааст. Зеро иқдомҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон на танҳо ба манфиати миллати тоҷик, балки барои ҳалли мушкилоти доғи тамоми ҷомеаи башарист.
Пешвои муаззами миллат бори дигар оид ба зарурат ва моҳияти қабули қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросим дар Ҷумҳурии Тоҷикистон» ибрози андеша намуда, ба аҳли ҷомеаи кишвар барои риояи муқаррароти қонунҳои зикршуда дастурҳои зарурӣ доданд.
Сокинони ноҳияи Варзоб дастуру супоришҳои Сарвари давлатро сармашқи кори худ медонанд. Ҷиҳати шарҳи нуктаҳои суханронии Пешвои миллат дар ҷамоатҳои шаҳраку деҳоти ноҳия бо сокинон вохӯрию суҳбатҳо баргузор гардиданд. Фаъолони ноҳия дар асоси ҳидоятҳои Сарвари давлат нақшаи тадбирҳо тартиб дода, барои татбиқи амалии онҳо талош менамоянд.
Мавриди зикр аст, ки бо дастгирии Президенти мамлакат муҳтарам Эмомалӣ Раҳмон Варзоб ҳамчун минтақаи истироҳатӣ ва сайёҳӣ симои худро ба куллӣ тағйир дода, боз ҳам зебою дилрабо ва ҷойи дӯстдоштаи сайёҳон гардидааст. Бунёди як қатор муассисаҳои табобатию истироҳатӣ, биноҳои хушсохту замонавии ҷавобгӯ ба меъёрҳои байналмилалӣ ва боло бурдани сатҳи хизматрасонӣ ба меҳмонони дохилию хориҷӣ ба рушди сайёҳӣ дар ноҳия мусоидат менамояд.
Сокинони ноҳия тамоми дастоварду муваффақияти худро натиҷаи ғамхорию дастгирӣ ва тадбирҳои хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дониста, барои дар амал татбиқ намудани дастуру ҳидоятҳои Сарвари давлат ҷиҳати ҳифзи истиқлолияту ваҳдат ва ободии диёри азизамон саъю талош меварзанд. Дар ҳақиқат, ҳимояи Ватани азиз, арзишҳои миллӣ ва созандагӣ бояд асли мароми мо бошад. Мо бояд аз ободонию оромӣ ва шукуфоии Тоҷикистони азизамон шукрона намоем, ба вазъи мардуми Ироқу Сурия, Яман, Сомалӣ, Либия, Афғонистон ва кишварҳои дигари ҷангзадаю харобазор ва мардуми зору гурезаю бехонумон бо дидаи ибрат нигарем, дар атрофи Сарвари хирадманди худододи худ муттаҳид бошем ва нагузорем, ки ягон нохалаф ваҳдату ягонагӣ ва осудагию шукуфоии моро халалдор созад.
Муҳаммадулло ШЕРАЛИЗОДА,
раиси ноҳияи Варзоб


Баёни ақида (0)    Санаи нашр: 19.07.2018    №: 142    Мутолиа карданд: 327

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед