logo

сиёсат

ПЕШВОИ МИЛЛАТ ДАР НЕРУГОҲИ БАРҚИ ОБИИ РОҒУН

Субҳи имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади шиносоӣ аз ҷараёни корҳои сохтмонӣ ба Неругоҳи барқи обии Роғун ташриф оварданд.

Пешвои миллат муҳтарам Эмомалӣ Раҳмонро Сарвазири мамлакат Қоҳир Расулзода ҳамроҳӣ намуд. Онҳо аз ҷараёни корҳои сохтмонии иншоот, ки айни замон дар 78 қитъа бо сатҳу сифати баланд, шабонарӯзӣ идома доранд, шинос шуда, бо муҳандисону кормандони техникӣ мулоқоту суҳбатҳои судманд анҷом доданд.
Шиносоии Сарвари давлат нахуст аз мавзеи бунёди навбати аввали сарбанди неругоҳ, ки яке аз марҳилаҳои муҳими сохтмони ин иншооти гидроэнергетикии мамлакат ба ҳисоб меравад, оғоз гардид.
Дар ин ҷо ба Президенти мамлакат Эмомалӣ Раҳмон иттилоъ доданд, ки ҳангоми сохтмони марҳилаи аввали сарбанд баробари иҷрои корҳои заминӣ, васлу насби асбобҳои санҷишӣ - ченкунӣ низ амалӣ гардид.
Тибқи иттилои масъулон, то ба имрӯз дар сарбанди неругоҳ 48 асбоби санҷишӣ - ченкунӣ васлу насб ва дар асоси лоиҳа беш аз 45 ҳазор метри мураббаъ масолеҳи сохтмонии геомембрана, ки ҳамчун маводи зиддиполоишӣ асосан дар кишварҳои Аврупо истеҳсол карда мешавад, истифода гардидааст.
Геомембрана дар қисмати пеши сарбанд қисм - қисм ва қабат ба қабат дар якҷоягӣ бо дигар маводи зиддиполоишӣ насб гардида, ба гуфтаи масъулони сохтмон, амалӣ намудани ин тадбир имкон фароҳам меорад, ки оби дохили обанбор аз пешдарғот нагузарад.
Пешвои миллат муҳтарам Эмомалӣ Раҳмон коргарони муҳандисию техникии НБО - и Роғунро ҳидоят карданд, ки ҳар амали  сохтмонӣ дар асоси лоиҳа бо сатҳу сифати баланд иҷро карда шавад, зеро иншооти мазкур ҷузъи асосии неругоҳ ба ҳисоб рафта, бунёди саривақтии он, пеш аз ҳама, дар роҳи расидан ба яке аз ҳадафҳои стратегии Ҳукумати мамлакат - таъмини истиқлолияти энергетикӣ нақши калидӣ хоҳад дошт.
Баъди шиносоӣ бо ҷараёни корҳо дар қисматҳои алоҳидаи сарбанди НБО - и Роғун Президенти Ҷумҳурии Тоҷикистон Эмомалӣ Раҳмон дар маросими мавриди баҳрабардорӣ қарор гирифтани марҳилаи аввали хати конвейерӣ иштирок намуданд.
Бунёди хати конвейерӣ, ки асосан барои интиқоли маводи сарбанд, аз ҷумла сангу шағал басо мусоид аст, аз ҷониби ширкати “Салини Импреҷило” сурат гирифта, дар ҳоли ҳозир 4 ҳазору 200 метрро ташкил медиҳад. Корҳои заминӣ ва оҳану бетониро дар ин минтақа мутахассисони Ширкати сохтмонии «Тоҷикгидроэлектромонтаж» ба анҷом расонда, васлу насби таҷҳизот аз ҷониби ду ширкати хориҷӣ амалӣ карда шудааст.
Дастгоҳу таҷҳизоти хати конвейерӣ, ки истеҳсоли ширкатҳои бонуфузи Италия, Фаронса ва Олмон мебошанд, дар як соат имкони интиқол додани 3 ҳазор тонна сангу шағалро дорад. Акнун, бо мавриди баҳрабардорӣ қарор гирифтани он, аз конҳои алоҳида бе харҷи зиёдатӣ ва сарфаи вақт сангу шағал ва дигар ҷинсҳои кӯҳӣ ба мавзеи бунёди сарбанди асосӣ интиқол дода мешаванд.
Ёдовар мешавем, ки барои бунёди сарбанд ва дигар иншооти неругоҳ беш аз 50 миллион метри мукааб омехтаи сангу шағал ва дигар намуди ҷинсҳои кӯҳӣ захира карда шудаанд ва имрӯзҳо дар ин самт бо истифода аз техникаю механизмҳои замонавӣ корҳо бо суръат идома доранд.
Дар саргаҳи хати конвейерӣ, ҳамзамон, ду коргоҳи коркарди маводи шағалзамин сохта шудааст, ки вобаста ба зарурат тариқи автоматӣ ҳама гуна ҷинсҳои кӯҳиро барои истифода дар сарбанд мутобиқ месозад. Бо бунёди марҳилаи дуюм масофаи хати конвейерӣ маҷмӯан ба 9 километр мерасад, ки нуқтаи ниҳоии он мавзеи сохтмони садди асосӣ хоҳад буд.
Воқеан, коргарони муҳандисию техникии НБО - и Роғун ҳар амали сохтмониро бо ҳисси баланди масъулиятшиносӣ иҷро мекунанд. Зеро рафти сохтмони неругоҳ таҳти назорати бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад ва ин омил асоси босифат ва мувофиқи нақша пеш рафтани корҳои сохтмонӣ мебошад.


Дар идомаи сафар Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Сарвазири мамлакат Қоҳир Расулзода бо вазъи имрӯзаи иншооти сойи Оби Шӯр ва садди муҳофизатӣ, ки дар ин ҷо ҳанӯз соли 2015 сохтмонаш ба анҷом расида буд, шинос шуданд.

Садди мазкур дар қисмати поёнии сойи Оби Шӯр сохта шуда, барои ҳимояи иншооти Неругоҳи барқи обии Роғун дар рӯзҳои боришоти зиёд пешбинӣ гардидааст. Садд бо баландии 75 ва паҳноии 20 метр бунёд гардида, шиддати харобиовари селро барҳам медиҳад. Дар ин иншоот ба миқдори 250 ҳазор метри мукааб бетон хобонда шуда, ҳаҷми арматураи басташуда зиёда аз 7 ҳазор тоннаро ташкил медиҳад. Зимни боздид аз ин мавзеъ, Сарвари давлат ба масъулон ҷиҳати ҳифз намудани иншоот ва сари вақт тоза намудани қабатҳои муҳофизатии он дастуру супоришҳо доданд.
Сипас, Пешвои миллат муҳтарам Эмомалӣ Раҳмон аз майдончаи назоратӣ бо рафти корҳои арматурбандӣ ва бетонрезӣ дар қитъаи гузариши нақбҳои сохтмонии СТ-1 ва СТ-2, бинои идоракунии неругоҳ, корҳои берунии бинои таҷҳизоти элигазии тақсимкунандаи барқ, ҳолати имрӯзаи садди асосӣ ва фаъолияти сохтмончиён дар иншооти дигари ин мавзеъ шинос шуданд. Тавре аён гардид, сохтмончиён то имрӯз корҳои анкергузорӣ, арматурбандии деворҳо ва бетонхобониро дар қитъаи гузариши нақби сохтмонии СТ-2 ба анҷом расонда, ҳоло ба арматурбандии қисмати сақф машғуланд. Корҳои арматурбандӣ ва бетонхобонӣ дар каф ва деворҳои қисмати нақби сохтмонии СТ-1 бо суръат ва сатҳу сифати баланд идома доранд.
Теъдоди умумии сохтмончиён дар ин мавзеъ аз 200 нафар бештар буда, барои онҳо шароити мусоиди корӣ фароҳам гардида, ҷиҳати пешрафти корҳо масолеҳи сохтмонӣ ва техникаву механизми зарурӣ муҳайёанд. Дарозии нақби сохтмонии қабати 1-ум 1365 метр ва нақби қабати 2-юм 1382 метрро ташкил медиҳад.
Президенти мамлакат Эмомалӣ Раҳмон дар Неругоҳи барқи обии Роғун бо таҷҳизоти элигазии тақсимкунандаи барқ, ки дар масоҳати 1850 метри мураббаъ васлу насб гардидааст, шинос шуда, аз ҷараёни корҳои сохтмонӣ дар ин мавзеъ дидан намуданд. Дар ин иншооти болопӯшида 19 дастгоҳи элигазии 500 кВ ва 4 дастгоҳи элигазии 220 кВ насб гардидаанд. Масъулон таъкид доштанд, ки дар ин ҷо корҳои васлгарӣ беш аз 90% ба анҷом расидаанд. Ба Сарвари давлат иттилоъ дода шуд, ки интиқоли неруи барқ аз ин иншоот ба системаи ягонаи энергетикии мамлакат тавассути шаш хати барқи ҳавоии 500 кВ сурат мегирад. Ҳамчунин, аз таҷҳизоти мазкур тавассути як хати дузанҷираи 220 кВ то зеристгоҳи барқии шаҳри Роғун неруи барқ интиқол дода хоҳад шуд. Дар маҷмӯъ, бино аз толори таҷҳизоти элигазӣ, долонҳои ноқилгузар, низоми автоматии оташхомӯшкунӣ ва низоми ҳавотозакунӣ иборат мебошад. Дастгоҳу таҷҳизоти худкори низоми оташхомӯшкунӣ пурра васлу насб гардидааст ва он дар сурати сар задани сӯхтор ба таври автоматӣ    фаъол гардида, иншоотро эмин нигоҳ медорад.
Бунёди майдончаи таҷҳизоти берунӣ бошад, дар қисмати чапи иншоот бомаром ҷараён дорад. Дар ин мавзеъ 6 автотрансформатори 500/220/25.75, 3 реактори заминпайванди 500 кВ ва 2 трансформатори эҳтиёҷоти дохилии неругоҳ васлу насб карда мешаванд. Корҳои бетонхобонӣ дар таҳкурсии баромадгоҳи 500 кВ пурра иҷро гардидаанд.
Дар шафати иншооти таҷҳизоти тақсимкунандаи барқ бинои технологии иборат аз 5 ошёна ва таҳхона бунёд гардида, айни замон корҳои рангуборкунии дохили бино ва васлу насби дастгоҳу таҷҳизот идома доранд. Тибқи маълумот, дар ошёнаи якуми бино таҷҳизоти эҳтиёҷоти дохилӣ ва шкафҳои низоми ҷараёни доимӣ васлу насб карда шуда, ошёнаҳои дуюм ва сеюм барои озмоишҳои химиявӣ, ҳуҷраҳои аккумуляторӣ, озмоишгоҳҳои электротехникӣ ва гузарондани ноқилҳо пешбинӣ шудаанд. Ошёнаи чорум бошад, бо шкафҳои ҳимояи релейӣ ва автоматикунонӣ муҷаҳҳаз мегарданд. Ошёнаи панҷуми бино барои ҳуҷраҳои корӣ дар назар аст.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба суръату сифати корҳои сохтмонӣ баҳои баланд дода, аз масъулон ва бунёдгарони неругоҳ даъват ба амал оварданд, ки минбаъд низ ҳангоми иҷрои корҳо ба сифати масолеҳи сохтмонӣ аҳамияти аввалиндараҷа диҳанд ва иншо-отро ҷавобгӯ ба талаботи имрӯза бунёд намоянд, то садсолаҳо ба мардум хизмат расонад.

 


Баёни ақида (0)    Санаи нашр: 26.07.2018    №: 147    Мутолиа карданд: 525
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед