logo

иқтисод

ПИЁЗ. ҲОСИЛ ФАРОВОН, СОДИРОТ ЧӢ?

Кишти пиёз солҳои охир барои деҳқонон фоидаи хуб меовард. Маҳсулоти тайёр аз сари замин ба дасти харидор мерасид. Деҳқонон хароҷоташонро мепӯшонданду аз заҳмати кашидаашон фоида гирифта, қаноатманд буданд. Аз соли 2007 то соли 2016 ҳар мавсим аз ҷумҳурӣ ба Федератсияи Русия то 600 ҳазор тонна пиёз содирот мегардид. Соли 2016 интиқоли пиёз ба ин кишвар ҳамагӣ 138 ҳазор тоннаро ташкил дода, соли 2017 талабот ба он якбора паст рафт. Чаро?
Мардум имрӯз аз фаровонию арзонии пиёз хурсанд аст. Як килои он ҳатто дар бозорҳои пойтахт аз 50 то 80 дирам арзиш дорад. Аммо табъи деҳқонони пиёзкор хира аст. Ҳосили рӯёндаашон, бо вуҷуди заҳмати зиёд кашидан, хароҷоташонро намепӯшонад. Чунончи, барои парвариш кардани пиёзи навъи «Чиполлино» дар 1 гектар то 3 тонна нуриҳои маъдании гуногун сарф мешавад, ки маблағи он бештар аз 10 ҳазор сомониро ташкил медиҳад. Ғайр аз ин, 2-3 ҳазор сомонӣ барои безарар гардондани ҳашароти зараррасон сарф мегардад. Барои парвариши он ва ғундоштани ҳосил низ маблағи калон зарур аст. Обёрии пиёз ҳам маблағ металабад. Деҳқонон барои обёрии 1 гектар замин бештар аз 6 ҳазор сомонӣ сарф мекунанд. Дар маҷмӯъ пиёзкорон дар мавсим барои аз 1 гектар ҳосили хуб рӯёндан маблағи хеле калон сарф менамоянд. Боз ин сарфу харҷи маблағҳо ба ҳован об кӯфтанро мемонад, агар тухмӣ ба шароит номутобиқ ва бесифат бошад. Нархи як кило тухмии пиёз вобаста аз сифату навъаш 200 - 400 сомонист ва дар як гектар 12 - 15 кило тухмӣ истифода мешавад.
Олимони соҳа бар он назаранд, ки тухмиҳои аз хориҷи кишвар воридшуда ба иқлими мо мутобиқ нестанд. Соли аввал ҳосили хуб медиҳанд, вале соли дуюм коштани онҳо фоида надорад. Беҳтар он аст, ки корҳои селексионии олимони худамонро дастгирӣ карда, барояшон шароити мусоиди фаъолияту таҷрибагузаронӣ фароҳам биёрем, то тухмиҳои ба иқлими кишварамон мутобиқ биофаранд.
Коршиносон барои аз ин ҳолат раҳондани деҳқонон пешниҳод доранд, ки масъулони соҳаи кишоварзии мамлакат барои фурӯши маҳсулоти онҳо, аз ҷумла пиёз, бозор пайдо кунанд ва содироти онро, хусусан ба Русия ва Қазоқистон, муназзам роҳандозӣ кунанд. Бунёди марказҳои логистикӣ ва анборҳои бузурги сабзавоту мева низ тақозои замон аст, то ки деҳқонон маҳсули заҳмати худро арзон фурӯхта зарар набинанд. Ҳамчунин, ба деҳқонон дасти ёрӣ дароз кардан - арзиши сӯзишвориву равғанҳои молиданӣ, доруҳои маъданиву заҳрхимикатҳо ва обро кам намудан низ ба нафъи кор аст. Агар ин корҳои хайр сурат бигиранд, меваву сабзавот, аз ҷумла пиёзи босифати деҳқони тоҷик, дар хориҷи кишвар харидори доимии худро пайдо хоҳад кард. Дар акси ҳол, деҳқоне, ки имрӯз ба ивази 100 кило пиёз имкони танҳо 2 – 3 дона тарбуз (ё харбуза) харидан дорад, ба гумон аст, ки соли оянда ба коштани пиёз ҳавасманд бошад.
У. МУРОД, «Ҷумҳурият»

 


Баёни ақида (0)    Санаи нашр: 27.07.2018    №: 148    Мутолиа карданд: 719
26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР


Дар сомонаҳои дигари Тоҷикистон хонед