logo

иқтисод

ЛАХШ: ТАРЗИ НАВИ КАРТОШКАПАРВАРӢ

Картошкапарварони Ҷамоати деҳоти Муксуи ноҳия  бо истифода аз таҷрибаи ғании андӯхтаи хеш усули нави картошкапарвариро ба роҳ монданд, ки ба воситаи он  аз 1,5 садяки замин 8 тонна маҳсулот  ба даст хоҳад омад. Ин таҷриба имсол нахустин бор дар таърихи картошкапарварии мамлакат дар ин макон истифода мешавад  ва зироаткорон  онро парвариши халтагӣ ном мебаранд. Онҳо бовар доранд, ки роҳи пешгирифтаашон натиҷаи дилхоҳ медиҳад.
Дар доираи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати вусъат бахшидани кишти картошка дар ҷамоати мо чораҳои зарурӣ андешида шуданд.  Баҳори соли равон  деҳқонони  деҳоти номбурда  майдони картошкаро ба 1036 гектар расонданд. Баробари ин, бо мақсади афзун гардондани ҳосили картошка  пайваста роҳу усулҳои самарабахшро ҷустуҷӯ менамоем. Баҳори имсол дар  ин самт сокини деҳаи Саркенҷа Абдуссалом Абдураҳимов беҳтарин усули парвариши картошкаро рӯи кор овард. Ба боварии ӯ бо ин роҳ аз 1,5 садяки гектар замин 8 тонна картошка гирифта мешавад. Чӣ гуна?
Ӯ дар замин 740 халта хоки тозаро  паҳлуи ҳам гузошта, дар ҳар кадоми онҳо се дона картошкаро аз тухмиҳои гуногун  шинондааст. Ҳоло картошкаҳои халтаҳо қад давондаю яклухт гул кардаанд. Оби бехи онҳо дастӣ таъмин карда мешавад. Аз рӯйи ҳосилбандӣ ва нашъунамои ниҳолҳо А. Абдураҳимов бовар дорад, ки аз як халта 12 килограмм ва аз майдони умумӣ 8 тонна картошка мерӯёнад. Агар ин тарзи парваришро васеъ  ба роҳ монем, он ба афзоиши чандкаратаи истеҳсоли картошка ва кам гардидани хароҷоти кори деҳқонон дар ҷумҳурӣ мусоидат менамояд.  Ин усули зироаткорӣ қувваи кории камро талаб менамояд ва барои он фаъолияти техникаҳои кишоварзӣ тамоман лозим намеояд. Фақат хоки тозаи кӯҳистонро дар халтаҳо дар майдони муайян ҷамъ овардан зарур аст. Барои парвариши картошка бо ин тарз замини кишоварзӣ даркор нест. Онро дар заминҳои санглоху соҳили рӯду дарёҳо ба роҳ мондан имкон дорад. Ин амал дар шароити камзаминӣ  бисёр муҳим ва самарабахш мебошад, - гуфт Боқтурбек Ғаниев, раиси ҷамоат.
Ба роҳ мондани усули нави картошкапарварӣ дар ҷамоати мазкур дастоварди нахустин набуда, дар ин ҷо қариб дар ҳамаи соҳаҳо пешравиҳо ба назар мерасанд. Дар зарфи чанд соли охир аҳли деҳоти ин минтақа  ба дастовардҳои баланди иҷтимоию иқтисодӣ, хусусан дар соҳаи картошкапарварӣ, ноил шудаанд.
Аз соли 2009 инҷониб олимону мутахассисони варзидаи ҷумҳурӣ, ки ба  пойгоҳи илмии  «Лахш» - и ҷамоат барои кор ҷалб гардиданд, якҷо бо кишоварзони пешқадами минтақа навъҳои нави тухмии картошкаро ихтироъ ва ба афзун намудани ҳосилнокии он дар ноҳия замина гузоштанд. Тухмии навъи «Тоҷикистон» натиҷаи фаъолияти  илмию амалии кормандони ин пойгоҳ ва кишоварзони деҳоти мазкур аст, ки ҳоло наздики 80 дарсади картошкапарварон аз он истифода менамоянд. Ҳамчунин, тайи ду соли охир дар ҳамкорӣ бо олимону мутахассисони Академияи илмҳои кишоварзӣ деҳқонон  навъҳои серҳосили тухмии картошкаро бо номи «Элита» ва «Супер элита»  дар истеҳсолот ҷорӣ намуда, натиҷаҳои баланди истеҳсолӣ ба даст оварданд. Имрӯзҳо навъҳои мазкур мавриди истифодаи васеи кишоварзони ноҳия қарор дорад ва аз ин ҳисоб онҳо  картошкаи ватаниро дар бозорҳои кишвар  таъмин намуда истодаанд.
Пешравиҳо дар ҷодаи афзудани ҳосили картошка ва ободонию созандагиҳои деҳоти Муксу аз он шаҳодат медиҳанд, ки мардуми он дастуру ҳидоятҳои Сарвари давлатро сармашқи кор қарор дода, барои расидан ба ҳадафҳои олии давлату Ҳукумат ҳамеша талош менамоянд.

Ташрифулло САЪДУЛЛОЕВ,
«Ҷумҳурият»

АЗ ИДОРА
«Ҷумҳурият»   тасмим  гирифтааст, ки раванд ва натиҷаи татбиқи ин таҷрибаи нави картошкапарвариро дар ноҳияи Лахш пайгирӣ  намояд.


Баёни ақида (0)    Санаи нашр: 1.08.2018    №: 151    Мутолиа карданд: 156

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед