logo

иқтисод

ДОРУСОЗӢ. АЗ ИМКОНИЯТҲО ФАРОВОН ИСТИФОДА НАМЕБАРЕМ, ЧАРО?

Хадамоти назорати давлатии тандурустӣ ва ҳифзи иҷтимоии аҳолӣ ба таҳия ва амалисозии тадбирҳои гуногун иқдом намуд, ки бо дастгоҳҳои муосир таҷҳизондани озмоишгоҳҳои марказӣ ва минтақавии хадамот, баланд бардоштани сатҳи дониши мутахассисон, ташкили вохӯриҳо бо роҳбарони ширкатҳои фармасевтӣ дар бораи пешгирии қочоқи маводи доруворӣ аз ин шуморанд.

Тавре Султон Бекмуродзода, сардори хадамот, ба хабарнигори рӯзнома гуфт, ки барои ба роҳ мондани фаъолияти корхонаи нави дорусозӣ мушкилоти зиёд вуҷуд дорад. Аввалан, дар бунёди корхонаи истеҳсолии фармасевтӣ барои анҷом додани корҳои бунёди сохтмон, мувофиқгардонии ҳуҷраҳо ба хати истеҳсолӣ, корҳои илмию тадқиқотӣ, таҳияи технологияи истеҳсоли дору, дастрасӣ ба ашёи хом, барасмиятдарории ҳуҷҷатҳо, тарбия ва ҷобаҷогузории кормандон маблағ ва вақти зиёдро талаб менамояд. Корхонаи дорусозӣ маъмулан танҳо баъди 4 - 5 соли дуруст ташкил намудани фаъолият ва дастгирии давлатӣ метавонад бо иқтидори пурраи истеҳсолӣ маҳсулот истеҳсол намояд.
Қабл аз ҳама бояд корхонаи истеҳсолӣ ба манбаи ашёи хом, инчунин, ба бозори истеъмолӣ наздик бошад, он гоҳ истеҳсолоти бетаваққуфи маҳсулоти дорои арзиши камтари аслӣ таъмин мегардад. Тоҷикистон махзани табиии рустаниҳои доруӣ аст, аз ин рӯ, дар асоси захираҳои табиӣ - рустаниҳои худрӯй ва парваришшаванда ба роҳ мондани истеҳсолот айни муддао мебошад. Барои ин мақсад бояд хоҷагиҳои махсусгардонда оид ба парвариш, нигоҳубин, ҷамъоварӣ, захирасозӣ, коркарди аввалия ва таҳияи субстансияю маҳсулоти нимтайёр аз рустаниҳо то ба истеҳсолоти маҳсулоти тайёр расондан ташкил карда шаванд, - гуфт С. Бекмуродзода.
- Тоҷикистон дар соҳаи дорусозӣ дар сурати фароҳам овардани заминаи созгор метавонад мақоми сазовор дошта бошад. Ҳангоми мусоидат намудан ба фурӯши маҳсулоти ин корхонаҳо дар давоми ду - се сол метавонанд бо имконияти молии худӣ иқтидори истеҳсолиашонро такмил диҳанд. Аввалин ҳадафе, ки дорусозони ватанӣ бояд анҷом диҳанд, ин бо маводи аввалияи доруворӣ ва тиббӣ таъмин намудани аҳолии кишвар мебошад. Хурсандиовар аст, ки ба ин соҳа таваҷҷуҳи хосса зоҳир намудани Сарвари давлат дар мавриди рушди саноати дорусозии кишвар ба ҳалли мушкилоти соҳа мусоидат намуда, боиси рӯҳбаландии соҳибкорон гардид, - иброз дошт Маҳмадалӣ Давлатов, сардори Сарраёсати назорати давлатии фаъолияти фармасевтӣ.
Воқеан, ҳоло 27 ширкати кишвар истеҳсоли зиёда аз 200 номгӯй маводи доруворӣ ва молҳои тиббиро ба роҳ мондаанд. Корхонаҳои «Тиб барои шумо», «Шаҳром - 2010», «Ясмина мед», «Кӯҳҳои Тоҷикистон», «Аввалин», «Фароз», «Амон - Ш», «Фарм Суғд» ва «Вежа фармасевтикал» аз ҷумлаи ин ширкатҳои дорусозӣ мебошанд ва ҳар кадоме аз 8 то 80 номгӯй маводи доруворӣ истеҳсол менамоянд. Аксари доруҳои истеҳсолшуда аз бобуна, чойкаҳак, барги зуф, бӯйи модарон, коснӣ, решаи ширинбия, решаи чоқила, меваи хуч, самари дӯлона, пудина ва гиёҳҳои дигари шифобахши ватанӣ таркиб ёфтаанд. Аз доруҳои ампулагӣ новокаин, лидокаин, димидрол, аналгин, папаверин, инчунин, гурӯҳи витаминҳои В, маҳлулҳои инфузионии глюкоза, хлориди натрий, маҳлули Рингер, метрогил ва ғайра алҳол дар Тоҷикистон истеҳсол мешаванд.
Яке аз роҳҳои пешгирии воридоти маҳсулоти пастсифату қалбакӣ омӯзиши таҷрибаи дигар мамлакатҳо, дар баробари ин, ба роҳ мондани истеҳсолоти ватанӣ ва афзоиш додани ҳаҷми истеҳсоли маҳсулоти воридотивазкунанда ба шумор меравад. Маҳз дар асоси ашёи хом ва субстансияҳои ватанӣ ба роҳ мондани истеҳсоли доруворӣ назорати онро дар тамоми марҳилаҳо - аз истеҳсолот то муомилот осон мегардонад.

Шаҳбоз АБРОР,
«Ҷумҳурият»


Баёни ақида (0)    Санаи нашр: 2.08.2018    №: 152    Мутолиа карданд: 450
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед