logo

иқтисод

САНОАТИ САБУК РӮ БА РУШД АСТ

Тибқи маълумоти оморӣ, дар шашмоҳаи аввали соли ҷорӣ рушди соҳаи саноати сабук, ки қисми таркибии соҳаи саноати кишварро ташкил медиҳад, якҷо бо корхонаҳои пахтатозакунӣ 7,4 дарсадро ташкил дод. Дар корхонаҳои соҳа ба маблағи 772 миллиону 385 ҳазор сомонӣ маҳсулот истеҳсол гардид, ки нисбат ба ҳамин давраи соли гузашта 236 миллиону 800 ҳазор сомонӣ зиёд аст.
Дар соҳаи саноати сабук қариб 20 номгӯи асосии маҳсулоти саноатӣ истеҳсол карда мешавад. Истеҳсоли нахи пахта дар корхонаҳои пахтатозакунӣ ба 16365,9 тонна расид. Дар корхонаҳои ресандагӣ бошад, 8540 тонна риштаи пахтагин истеҳсол гардид. Корхонаҳои бофандагӣ 2169,5 ҳазор метри мураббаъ матоъҳои пахтагин истеҳсол намуданд. Корхонаҳои «Ҷавонӣ», «ИИ Нассоҷии тоҷик», «САТН», «Ресандаи Қӯрғонтеппа» ва «Нассоҷи Хуҷанд» матоъҳои пахтагини рақобатпазир истеҳсол намуда, дар баробари таъмини эҳтиёҷоти истеҳсолоти худӣ, ҳамзамон, ба хориҷи кишвар матоъ ва маҳсулоти тайёри дӯзандагӣ содир менамоянд. Дар натиҷаи ҷорӣ намудани хатҳои нави технологӣ, дар «Нассоҷи Хуҷанд», «Ҷавонӣ» ва «САТН» истеҳсоли матоъҳои омехта (пахтагин ва полиэфирӣ), ҳамчунин, рангубори онҳо ба роҳ монда шудааст.
Дар ҷумҳурӣ танҳо аз ҳисоби корхонаю марказҳои истеҳсолию таълимӣ 21,1 ҳазор метри мураббаъ адрас истеҳсол гардидааст. Корхонаи «Атласи Хуҷанд» 10 ҳазор метри мураббаъ атлас истеҳсол намудааст, ки нисбат ба ҳамин давраи соли гузашта 4,1 ҳазор метри мураббаъ  зиёд аст. Истеҳсоли маҳсулоти дӯзандагӣ 33 дарсад зиёд гардида, ба 132,6 миллион сомонӣ расонда шуд. Корхонаю коргоҳҳои соҳа 321397 адад либоси мактабӣ истеҳсол намуданд, ки нисбат ба моҳҳои январ - июни соли гузашта 201626 адад зиёд мебошад. Дар назди корхонаҳои азими истеҳсолии «ИИ Нассоҷии тоҷик», «Гулистони Душанбе», «Даҳбед-Д», «Ресандаи Қӯрғонтеппа» ва «Нассоҷи Хуҷанд» ба таври доимӣ марказҳои намоиш - фурӯши либосҳои мактабӣ амал мекунанд.
Корхонаҳои мебелбарорӣ (суръати афзоиш 23,9 дарсад), қолинбофӣ (358 ҳазор метри мураббаъ зиёд), ҷӯроббофӣ (наздики ним миллион ҷуфт зиёд) ва пойафзолбарорӣ низ нисбат ба ҳамин давраи соли гузашта бештар маҳсулот истеҳсол намудаанд.
Айни ҳол дар корхонаҳои соҳа ба истеҳсоли маҳсулоти ивазкунандаи воридот таваҷҷуҳи хос зоҳир мешавад. Ҷиҳати истеҳсоли бештари маҳсулоти дӯзандагӣ (либосҳои низомӣ, кории махсус, мактабӣ, барои ҳоҷиён, барои кӯдакони навзод, ҷиҳози нарм, парчам, чарчинворӣ, кимоно, рахти хоб ва маҳсулоти ҳунарҳои нафиса), ҷӯроб, қолин, мебел ва халта тадбирҳои зарурӣ роҳандозӣ мегарданд.
Корхонаҳои соҳа дар нимсолаи якуми соли равон барои васеъгардонии истеҳсолот, таъсиси коргоҳҳои нави истеҳсолӣ ва ҷойҳои кор ба маблағи 163,6 миллион сомонӣ дастгоҳу таҷҳизот ворид намудаанд.

Шаҳбоз АБРОР, «Ҷумҳурият»


Баёни ақида (0)    Санаи нашр: 2.08.2018    №: 152    Мутолиа карданд: 146

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед