logo

иқтисод

МУОМИЛОТИ ҒАЙРИНАҚДӢ. ЧАРО СОҲИБКОРОН БА ОН ҲАВАСМАНД НЕСТАНД?

«Таҳлилҳо  нишон медиҳанд, ки гарчанд соли сипаришуда шумораи дорандагони кортҳои пардохтӣ 5,5 фоиз зиёд шуда, 1,7 миллион нафарро ташкил додааст, вале то ҳол 95 фоизи амалиёти кортӣ бо гирифтани пули нақд вобаста мебошад. Дар робита ба ин, Бонки миллӣ бояд назорати татбиқи Стратегияи рушди низоми пардохтро пурзӯр карда, доир ба насби терминалҳои пардохтӣ ва истифодаи васеи кортҳо чораҷӯӣ намояд».
Эмомалӣ РАҲМОН

Воқеан, бо  сабаби  ниҳоят кам будани муомилоти ғайринақдӣ  дар мамлакат ҳанӯз иқтисоди пинҳонӣ мавҷуд буда, манбаъҳои зиёди андозбандӣ аз истифода берун мондаанд.  Тибқи ҳисоботи расмӣ, имрӯзҳо дар ҷумҳурӣ 372 ҳазор субъекти соҳибкорӣ фаъолият менамояд, аммо дар марказҳои савдою хизматрасонӣ ва корхонаю ташкилотҳои ҷумҳурӣ  ҳамагӣ 679 банкомат ва 3935 терминали электронӣ мавриди истифода қарор дорад, ки  хеле кам аст.
Яке аз ҳадафҳои дигари ташкили ҳисоббаробаркунии ғайринақдӣ аз байн бурдани иқтисоди пинҳонӣ ва  фаъолияти шаффофи субъектҳои соҳибкорӣ мебошад. Далелҳо нишон медиҳанд, ки барои роҳандозии муомилоти ғайринақдӣ соҳибкорону тоҷирони ҷумҳурӣ ҳавасманд нес-танд ва аз он канораҷӯӣ менамоянд. Аз ҷумла,  дар марказҳои савдою фурӯшгоҳҳои  шаҳри Душанбе истифодаи терминалҳои электронӣ хеле кам ба назар мерасад. Бо ин сабаб бисёри шаҳрвандон маош ва нафақаашонро аз бонкамат гирифта, дар мағозаю фурӯшгоҳҳо  молу маҳсулотро ба таври нақдӣ  мехаранд. 
Ҷамшед Нурмуҳаммадзода, раиси Бонки миллии кишвар, изҳор дошт, ки вусъат бахшидани муомилоти ғайринақдӣ - яке аз дастурҳои Сарвари давлат  ҳоло дар мадди аввали фаъолияти роҳбарону масъулони бонк қарор дорад. Аммо натиҷаҳои ба дастомада тайи нимаи аввали сол моро қаноатманд намесозанд.
- Аксари соҳибкорону тоҷирон намехоҳанд, ки ҳаҷми даромадашон  ошкор бошад. Зеро дар натиҷаи ба роҳ мондани муомилоти ғайринақдӣ  ҳаҷми гардиши савдои молу маҳсулоти онҳо ҳамчун манбаи  ситондани андоз аён мегардад. Ин ҳолат яке аз монеаҳои асосӣ барои зиёд намудани харидуфурӯши ғайринақдӣ мебошад. Бинобар ин, роҳбарияти бонк дар ҳамкорӣ бо Кумитаи андози назди Ҳукумати ҷумҳурӣ дар самти муомилоти ғайринақдӣ санадҳои меъёрӣ – ҳуқуқии алоҳидаро таҳия намуда истодааст. Дар асоси қабули санадҳои мазкур низоми ташкили савдои ғайринақдӣ барои тоҷирону савдогарон осонтар гардида, арзиши тарофаҳои он аз ҷониби ташкилотҳои қарзӣ  арзон карда мешавад. Ба ин васила афзоиши амалиёти ғайринақдӣ имконпазир хоҳад буд.  Айни замон дар мамлкат 4,5 дарсади муомилот ғайринақдӣ иҷро мешавад. Дар  кишварҳои ҳамсоя ин нишондиҳанда наздики 20 дарсадро ташкил медиҳад, - гуфт номбурда.
 Коршиносони  соҳаи бонкдорӣ бар замми монеаҳои  зикршуда, ҳамчунин, маърифати молиявии мардум ва коҳиш ёфтани боварии тоҷирону соҳибкоронро ба ташкилотҳои қарзӣ омилҳои рушд наёфтани муомилоти ғайринақдӣ арзёбӣ менамоянд. Ҳарчанд имрӯзҳо шумораи зиёди шаҳрвандон корти бонкӣ доранд, аммо ҳангоми харид  ба истифодаи он дар фурӯшгоҳҳо таваҷҷуҳи кам зоҳир менамоянд. Аз ин рӯ, хуб мешуд, ки дар назди хазинаи марказҳои савдо доир ба истифодаи корти бонкӣ зимни харид гӯшаҳои таблиғотӣ насб шаванд. Коҳиши боварӣ  ба фаъолияти  муассисаҳои бонкӣ  низ аз монеаҳоест, ки рафъи он чораҳои заруриро тақозо дорад. Азбаски тайи чанд соли охир бонкҳои тиҷоратӣ мушкилоти пардохти пасандози муштариёнро ба вуҷуд оварданд, шояд аз ин ҷиҳат тоҷирону соҳибкорон аз роҳандозии ҳисоббаробаркунии ғайринақдӣ тариқи ташкилотҳои қарзӣ ҳарос доранд.

Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 06.08.2018    №: 154    Мутолиа карданд: 373
27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД


Дар сомонаҳои дигари Тоҷикистон хонед