logo

иҷтимоиёт

ШӮРОИ ҶАМЪИЯТӢ.ҶОЙГОҲИ ОН ДАР МУАРРИФИИ САЙЁҲӢ ВА ҲУНАРҲОИ МАРДУМӢ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон иброз намуданд, ки «сайёҳӣ яке аз соҳаҳои муҳими бо шуғл фаро гирифтани аҳолии қобили меҳнат, баланд бардоштани сатҳи зиндагии мардум, рушди дигар соҳаҳои хизматрасониву истеҳсолӣ, инчунин, муаррифии таъриху фарҳанг, табиат ва анъанаҳои миллӣ ба ҳисоб меравад».

Мавзӯи рушди сайёҳӣ дар нақшаи кори Шӯрои ҷамъиятӣ соли 2017 ворид гардида буд. Моҳи июли соли гузашта, дар ҷаласаи Шӯрои ҷамъиятӣ дар шаҳри Душанбе якҷо бо Кумитаи рушди сайёҳии назди Ҳукумати Ҷумҳурии Тоҷикистон мавзӯи «Саҳми ниҳодҳои ҷамъиятӣ ва ташкилотҳои ғайриҳукуматӣ дар рушди сайёҳии кишвар» мавриди баррасӣ қарор гирифт. Дар рафти ҷаласа 23 пешниҳод аз ҷониби ташкилотҳои аъзои Шӯрои ҷамъиятӣ - ҳизбҳои сиёсӣ, иттиҳодияҳои ҷамъиятӣ, иттифоқҳои эҷодӣ, ташкилотҳои динӣ, ҷамъиятҳои миллию фарҳангӣ ва дигар созмонҳои ҷамъиятӣ ироа гардид,  ки барои ҳалли проблемаҳои мавҷуда дар самти рушди сайёҳӣ созгор буд.
Бо мақсади дар амал татбиқ намудани сиёсати созанда ва пешбарандаи Пешвои миллат, Президенти Ҷумҳурии Тоҷикистон, Раиси Шӯрои ҷамъиятии Ҷумҳурии Тоҷикистон муҳтарам Эмомалӣ Раҳмон, Шӯрои ҷамъиятӣ бо шӯрои ҷамъиятии вилояти Суғд 18 июли соли равон дар маркази таълимӣ - истироҳатии Бонки миллии Тоҷикистони шаҳри Гулистон ҷаласаи сайёрро дар мавзӯи «Аҳамияти ташаббуси Раиси Шӯрои ҷамъиятӣ доир ба эълон гардидани соли 2018 – Соли рушди сайёҳӣ ва ҳунарҳои мардумӣ дар Ҷумҳурии Тоҷикистон. Омӯзиши таҷрибаи вилояти Суғд» баргузор намуд.
Дар ҷаласа Р. Аҳмадзода – раиси вилояти Суғд, Ш. Азиззода - мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Н. Саидов - котиби ҳамоҳангсози Шӯрои ҷамъиятии Ҷумҳурии Тоҷикистон, Ҳ. Амирбекзода – муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон, кормандони масъули дастгоҳи раиси вилоят ва намояндагони ҷомеа иштирок ва андешаву пешниҳодҳои муфидро барои пешбурди самараноки соҳа иброз намуданд.
Ба сифати коршиносони мустақил А. Раҳимов - мудири шуъбаи рушди сайёҳии мақомоти иҷроияи ҳокимияти давлатии вилояти Суғд, Ҷ. Юсуфов - директори «Ассотсиатсияи тараққиёти туризми Зарафшон» дар шаҳри Хуҷанд, М. Мирзобаҳодурова - директори иҷроияи «Ассотсиатсияи миллии занони соҳибкори Тоҷикистон» сухан ронда, ҷанбаҳои гуногуни проблемаҳои рушди сайёҳиро дар вилоят иброз намуданд.
Дар мубоҳиса Б. Раҳимова - сардори раёсати  ташкилоти ҷамъиятии «Чашмаи ҳаёт», Ш. Ҳасанова - раиси шӯрои машваратии иттиҳодияҳои ҷамъиятӣ дар  вилоят, Ш.Сангинов – роҳбари Ширкати сайёҳии “Марғгузор”, И. Музаффаров – директори ҶДММ «Исфарафарфор»-и шаҳри Исфара, Қ. Мирзоева – котиби якуми Кумитаи вилоятии Ҳизби коммунисти Тоҷикистон, М. Юсуфов – раиси Кумитаи иҷроияи Ҳизби сотсиалистии Тоҷикистон, Ҳ. Мӯсозода - сархатиби масҷиди “Шайх Муслиҳиддин” - и шаҳри Хуҷанд, С. Фаттоҳзода - раиси Кумитаи иҷроияи Ҳизби Халқии Демократии Тоҷикистон дар вилоят ва Д. Самадова – раиси бахши вилоятии Ҳизби сотсиал - демократии Тоҷикистон оид ба ҳалли мушкилоти соҳа пешниҳодҳои муфид иброз доштанд, ки онҳо дар айни замон аз ҷониби котиботи Шӯрои ҷамъиятии Ҷумҳурии Тоҷикистон ба мақомоти дахлдор ирсол мешаванд.
Бо ибтикори шуъбаи рушди сайёҳии вилоят дар назди толори баргузории ҷаласа намоишгоҳи ҳунарҳои мардумии вилояти Суғд доир шуд, ки дар он намудҳои гуногуни маҳсули дасти ҳунармандони шаҳру ноҳияҳои вилоят манзури тамошобинон гардиданд.
Мақомоти иҷроияи ҳокимияти давлатии вилояти Суғд барои рушди устувори сайёҳӣ ва ҷалби таваҷҷуҳи ҷомеа ба имконият ва захираҳои сайёҳии вилоят, ҳавасманд гардондани субъектҳои хоҷагидор ва омодасозии мутахассисони соҳа корҳои зиёдеро анҷом медиҳанд.
Бо қарори раиси вилоят дар сохтори мақомоти иҷроияи ҳокимияти давлатии вилоят шуъбаи рушди сайёҳӣ ва дар сохтори мақомоти иҷроияи ҳокимияти давлатии шаҳрҳои Истаравшан, Исфара ва Панҷакент бахшҳои рушди сайёҳӣ таъсис дода шудаанд, ки онҳо ҷиҳати амалисозии сиёсати давлатӣ дар бахши сайёҳӣ дар маҳалҳо ҳамаҷониба мусоидат менамоянд.
Айни замон дар вилоят 24 ширкати сайёҳӣ, беш аз 50 меҳмонхона, 13 осоишгоҳ, 26 осорхона барои сайёҳон хизмат мерасонанд.
Дар қаламрави вилоят, дар доираи Соли рушди сайёҳӣ ва ҳунарҳои мардумӣ корҳои фаҳмондадиҳӣ, баргузории конфронсу семинарҳо оид ба дарёфти роҳҳои ҷалби сайёҳони хориҷӣ ба минтақаҳои сайёҳии кишвар ва андешидани тадбирҳои дигари муассир ба роҳ монда шуда, дар ин замина аъзои шӯрои ҷамъиятии шаҳру ноҳияҳои вилоят барои пешрафти масъалаҳои ҳалталаби соҳа саҳми хешро гузошта истодаанд.
Аз таҳлилҳо бармеояд, ки рушди сайёҳӣ ва ҳунарҳои мардумӣ дар вилоят дорои заминаҳои хуби инкишоф мебошанд.
Тарзу усули ба роҳ мондани чорабиниҳои мазкур дар вилояти Суғд натиҷаҳои дилхоҳ ба бор меоранд ва метавонанд дар дигар минтақаҳои кишвар низ мавриди омӯзиш қарор гиранд.  
Н. САИДОВ,
котиби ҳамоҳангсози Шӯрои ҷамъиятии
Ҷумҳурии Тоҷикистон


Баёни ақида (0)    Санаи нашр: 06.08.2018    №: 154    Мутолиа карданд: 362
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед