logo

иқтисод

БИЗНЕС – ИНКУБАТОР ВАСИЛАИ АМАЛИСОЗИИ НАҚШАҲОИ СОҲИБКОРОН

Коркард  ва истифодаи захираҳои зиёди табиии кишвар  дар истеҳсолот ба фаровонии маҳсулоти ватанӣ мусоидат намуда, амнияти ғизоии аҳолиро таъмин мекунад. Аммо баҳри истифода аз ин имкониятҳо амалисозии тарҳу лоиҳаҳои вижа ва ҷалби сармоя дар ҷойи аввал меистад. Ҳарчанд соҳибкорони зиёди ватанӣ дар ин самт фикру пешниҳодҳои судманд менамоянд, надоштани дониши кофии иқтисодӣ, ҳуқуқиву технологӣ дар замони муосир амалишавии нақшаҳои онҳоро мушкил гардондааст. Ҳамин аст, ки бо мақсади ҳалли масъалаи мазкур имсол бо дастгирии Ҳукумати ҷумҳурӣ дар шаҳру навоҳии мамлакат фаъолияти марказҳои омӯзишии бизнес – инкубаторҳо ба роҳ монда мешавад.
Тадбири мазкур дар доираи татбиқи Барномаи давлатии дастгирии соҳибкорӣ барои солҳои 2012 – 2020  аз ҷониби Кумитаи давлатии сармоягузорӣ ва идораи амволи давлатӣ  роҳандозӣ мегардад. Ҳадаф аз ифтитоҳи чунин марказҳо дар самти  омӯзиши малакаю таҷрибаи нав  дастгирӣ намудани соҳибкорони ватанӣ аз лиҳози касбӣ мебошад.
Фаррух Ҳамрализода, раиси Кумитаи давлатии сармоягузорӣ ва идораи амволи давлатӣ, изҳор дошт, ки имрӯзҳо шояд садҳо нафар сокинони мамлакат ҷиҳати истеҳсоли маҳсулоти маҳаллӣ ё коркарди захираҳои табиии диёри хеш андешаҳои ҷолибу натиҷаовар доранд, вале бо сабаби надонистани роҳҳои амалисозии онҳо коре карда наметавонанд. Бизнес – инкубатор  муассисаест, ки барои амалисозии ғояҳои соҳибкорӣ ё истеҳсолӣ мусоидат менамояд.  Соҳибкороне, ки дар ягон самт мехоҳанд истеҳсолот ё хизматрасониро ба роҳ монанд,  ба воситаи ин муассиса доир  ба қонунгузории соҳа, тарзи омодасозии лоиҳаҳо мутобиқи талаботи сармоягузорон, вазъи бозор, технологияи истифодашаванда, мутахассисони бахш ва роҳҳои ҷалби сармоя донишу таҷрибаи нав меомӯзанд. Соли равон лоиҳаи санадҳои меъёрӣ – ҳуқуқии зарурӣ ҷиҳати таъсиси марказҳои мазкур  омода ва ба Ҳукумати кишвар пешниҳод шуданд. Бовар аст, ки то охири сол дар шаҳри Душанбе ва вилоятҳои Хатлону Суғд  бизнес - инкубаторҳо дарҳои худро барои мардум боз менамоянд.
Раванди зудтағйирёбандаи ҳамаи соҳаҳо, хусусан пешрафти илму техника ва падид омадани шаклу усулҳои нави истеҳсолию хизматрасонӣ, фаъолияти бизнес – инкубаторҳоро тақозо менамояд. Яъне, соҳибкорони маҳаллӣ барои фаъолият дар шароити иқтисоди бозоргонӣ бояд омода бошанд.
Солҳои охир тақвият бахшидани фаъолияти соҳибкорони кишвар аз самтҳои афзали сиёсати иқтисодии давлату Ҳукумати мамлакат қарор гирифта, дар ин самт дастгириҳои зиёди давлатӣ ва фазои мусоид фароҳам оварда шудааст. Аз ҷумла, тибқи тағйиру иловаҳои навбатӣ ба Кодекси андози Тоҷикистон дар самти коркарди ашёи хоми маҳаллӣ аз ҷиҳати пардохтҳои андозӣ 30 сабукӣ муқаррар гардидааст. Ташкили бизнес – инкубаторҳо дар ҷумҳурӣ ба соҳибкорону сокинони шаҳру навоҳӣ имконият медиҳад, ки ҷиҳати истифодаи самараноки имкониятҳои табиӣ ва имтиёзҳои давлатӣ донишу малака ва иттилооти комил пайдо намоянд. Ба ин васила барои ташкили корхонаҳои истеҳсолию хизматрасонӣ дар гӯшаю канори ҷумҳурӣ заминаи мусоид фароҳам меояд. Ҳамчунин, дар доираи бизнес – инкубаторҳо марказҳои таҳилилӣ вобаста ба мушкилоти фаъолияти соҳибкорӣ таъсис меёбанд ва бо ин роҳ пайваста масъалаҳои ҳалталаби соҳа мавриди таҳлил қарор гирифта,  дар асоси онҳо ҷиҳати бартарафсозии камбудиҳои  ҷойдошта чораҳои даркорӣ андешида  мешаванд.
Ташрифулло САЪДУЛЛОЕВ,
«Ҷумҳурият» 


Баёни ақида (0)    Санаи нашр: 07.08.2018    №: 155    Мутолиа карданд: 463
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед