logo

фарҳанг

ВАО ВА ТАҲКИМИ ДӮСТИИ ХАЛҚҲО

Гурӯҳи калони кормандони васоити ахбори оммаи Ҷумҳурии Ӯзбекистон, ки нашрияю расонаҳои электронии ин кишварро дар ҷумҳурии мо намояндагӣ доранд, ҷиҳати шиносоӣ  бо ҳаёти иқтисодӣ, иҷтимоӣ ва фарҳангии Тоҷикистон ба вилояти Суғд ташриф оварданд. Тибқи барнома дар оғози сафар журналистони кишвари ҳамсоя  бо шароити кории ҳамкасбони худ шинос шуда, дар бинои “Кохи матбуот” бо аҳли қалам, адибон, устодони макотиби олӣ мулоқот доир карданд.

Рустам Раҳматзода, муовини аввали раиси вилояти Суғд, ҳайати меҳмононро ба сарзамини Тоҷикистон хайрамақдам гуфта, аз густариши ҳамкориҳо миёни ду мамлакати ҳамсоя ва дӯст сухан гуфт.
- Маҳз иқдоми хирадмандонаи ду сарвари давлат буд, ки шурӯъ аз моҳи марти соли равон марзҳо кушода шуда, омадурафти бемонеаи мардум таъмин гашт, - таъкид  дошт Рустам Раҳматзода. - Имрӯзҳо садҳо нафар ҷиҳати  ҳамкорӣ дар бахши соҳибкорӣ, шиносоӣ аз мавзеъҳои таърихию фарҳангӣ ба кишварҳои ҳамдигар сафар анҷом медиҳанд. Ҳамоишҳои муштараки иқтисодиву фарҳангӣ баргузор шуда, иқдомҳои мазкур аз таҳкими қавии минбаъдаи муносибатҳо гувоҳӣ медиҳанд.
Шарофат Эрматова, раиси Маркази фарҳангии миллии тоҷикони Ҷумҳурии Ӯзбекистон "Ориён", аз истиқбол ва пазироии гарму самимии масъулини мақомоти иҷроияи ҳокимияти давлатии вилояти Суғд изҳори сипос  кард.
- Дар Ӯзбекистон низ мардум аз густариши дӯстиву ҳамкорӣ миёни ду мамлакат  самимона изҳори шодмонӣ доранд, - иброз дошт Ш. Эрматова. Дӯстии ин ду халқро, сарфи назар аз баъзе мушкилиҳо, ҳеҷ чиз халалдор сохта наметавонад, садсолаҳо мо бо ҳам будему дӯстиву рафоқату бародарӣ бо мо буд. Ҳоло дар  245 муассисаи таҳсилоти миёнаи умумии Ӯзбекистон таълим бо забони тоҷикӣ буда, аз оғози соли нави таҳсил дар бисёр донишгоҳҳои минтақаҳои гуногун, ки  аҳолии тоҷикнишин доранд, риштаҳои омӯзиши забон ва адабиёти тоҷик ба фаъолият оғоз мекунанд, ки аз тасмимҳои ҷиддии роҳбарияти ҷумҳурии мо дарак медиҳад.
Ҳайати журналистони кишвари ҳамсоя дар ҷараёни сафар, ҳамчунин, аз Минтақаи озоди иқтисодии “Суғд”, Маҷмааи таърихию фарҳангии “Қалъаи Хуҷанд”, бозори машҳури “Панҷшанбе”,  масҷиди ҷомеи Шайх Маслиҳитдини шаҳри Хуҷанд, шаҳру навоҳиии Бӯстон, Гулистон, Бобоҷон Ғафуров, Истаравшан, Шаҳристон боздид ба амал оварданд.
Ҷовиди АШТӢ, “Ҷумҳурият”


Баёни ақида (0)    Санаи нашр: 10.08.2018    №: 158    Мутолиа карданд: 118

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед