logo

иқтисод

МЕЪМОРӢ ВА СОХТМОН. ОҒОЗИ МАРҲИЛАИ НАВИ СОЗАНДАГӢ

Дар даврони   соҳибистиқлолии кишвар бо дастгирии Ҳукумати ҷумҳурӣ ширкатҳои ватании сохтмонию лоиҳакашӣ ва сохтмончиёну меъморони баландихтисоси дорои донишу малакаи замонавӣ дар ҷумҳурӣ ба арсаи созандагӣ омаданд. Имрӯзҳо меъморони ватанӣ на танҳо дар дохили кишвар, балки берун аз он низ фаъолияти пурсамар доранд ва беҳтарин тарҳҳои биною иншоотро омода ва амалӣ месозанд.
Баробари  ин, барои рушду инкишофи соҳаи меъморию сохтмон дар ҷумҳурӣ шароити мусоид фароҳам оварда шудааст. Ҳамин аст, ки ҳамасола бо заҳмати меъморону сохтмончиёни ватанӣ иншооти муҳташаму хуштарҳ дар гӯшаю канори мамлакат бунёд меёбанд. Сохтмони  манзил, меҳмонхонаҳо ва иншооти иҷтимоию фарҳангӣ, бахусус дар шаҳри Душанбе, васеъ ба роҳ монда шудааст. Тайи ду соли охир намуди пойтахтамон дигаргун, зебо ва боҳашамат гардида, Душанбе ба шаҳри замонавии беназир табдил ёфт.  Чунин дигаргуниҳои хушҳолкунанда на танҳо дар пойтахт, балки дар тамоми шаҳру навоҳии кишварамон ба амал омада истодаанд.
Ташаббускори азнавсозиҳо ва илҳомбахши сохтмони иншооти муосир дар кишвар Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон буда, соҳаи сохтмону меъморӣ  ҳамеша зери таваҷҷуҳи давлату Ҳукумат қарор дорад. Бовар аст, ки  сарзамини хуршедии мо таҳти сарварии Пешвои миллат дар ояндаи наздиктарин ҳамсафи кишварҳои тараққикарда  мегардад.
Бунёд  ва ободии шаҳру ноҳияҳои кишвар аз таҳияи мукаммали нақшаҳои генералӣ вобастагӣ дорад. Дар асоси рушди босуръати иҷтимоию иқтисодии мамлакат ва тадбирҳои андешидаи Ҳукумати кишвар марҳила ба марҳила нақшаҳои генералӣ аз нав таҳия гардида, барои бо низоми муайян бунёд намудани бинову иншооти хуштарҳу замонавӣ ва кӯчаҳои васею хиёбонҳои зебо заминаи мусоид фароҳам оварда шудааст. Аз ҷониби кумита ба татбиқи босифати нақшаҳои генералии шаҳру ноҳияҳои ҷумҳурӣ диққати махсус дода мешавад. Айни замон, аз 65 шаҳру ноҳияи мамлакат нақшаи генералии 57 шаҳру ноҳия пурра таҳия гардида, тибқи қарорҳои дахлдори Ҳукумати мамлакат мавриди амал қарор доранд.
Мутахассисони кумита дар ин давраи соли 2018 дар  шаҳру ноҳияҳои мамлакат назорати сифати корҳои сохтмон ва риояи талаботи меъморию шаҳрсозиро боз ҳам пурзӯр карда, сохтмони 680 иншоотро таҳти назорати давлатӣ қарор доданд ва 1403 санҷиш гузаронида, ба масъулини сохтмонҳо 701 амрнома пешниҳод намуданд.
Ҳамчунин, кормандони кумита вазифаҳоеро, ки аз Стратегияи миллии рушд барои давраи то соли 2030, паёмҳои Президенти ҷумҳурӣ ба Маҷлиси Олии кишвар ва  сафарҳои кории Сарвари давлат  ба шаҳру ноҳияҳо ба фаъолияти онҳо вогузор шудааст, самтҳои асосии кори худ қарор дода, баҳри иҷрои саривақтии онҳо талош менамоянд.
Дар рафти омодагиҳо ба Ҷашни фархундаи 30 – солагии Истиқлолияти давлатӣ барои масъулони кумита ва меъморону лоиҳакашони шаҳру ноҳияҳои ҷумҳурӣ  марҳилаи нави созандагиҳо оғоз меёбад. Иҷрои Амри Президенти Ҷумҳурии Тоҷикистон аз 22 майи соли 2018, № АП1059 24 ба ифтихори Ҷашни 30 – солагии Истиқлолияти давлатии Ҷумҳурии Тоҷикистон анҷом додани корҳои ободонию бунёдкорӣ самти муҳими фаъолияти сохтмончиёну меъморон қарор гирифтааст. Аллакай аз ҷониби мутахассисону кормандони кумита, лоиҳаҳои намунавии синфхонаҳои иловагӣ, биноҳои бунгоҳи тиббӣ, маркази саломатӣ, таваллудхона, боғчаи кӯдакон, ҳаммом, сартарошхона, кошонаи ҳусн, сехи дӯзандагӣ, коргоҳҳои ҳунарҳои мардумӣ, дигар корхонаҳои истеҳсолӣ ва майдончаҳои варзишӣ барои  ҳар як деҳу маҳали аҳолинишини мамлакат таҳия гардидаанд.  Масъулони вазорату идораҳо, мақомоти иҷроияи маҳаллии ҳокимияти давлатӣ, соҳибкорон ва шахсони дигари воқеию ҳуқуқӣ имкон доранд, ки  вобаста ба маҳал лоиҳаи заруриро интихоб намоянд.
Ҷамшед АҲМАДЗОДА,
раиси Кумитаи меъморӣ ва сохтмони
назди Ҳукумати Ҷумҳурии Тоҷикистон


Баёни ақида (0)    Санаи нашр: 10.08.2018    №: 158    Мутолиа карданд: 130

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед