logo

иқтисод

ДАР ФАЗОИ ДӮСТӢ. САНОАТЧИЁНИ ТОҶИКИСТОН БА ӮЗБЕКИСТОН САФАР КАРДАНД

Ҳайати намояндагони соҳаи нассоҷӣ ва дӯзандагии Тоҷикистон аз сафари ҳафтаинаи омӯзишӣ ба Ӯзбекистон баргашт. Чунин иқдом, тибқи андешаи мутахассисони соҳа, ҷиҳати омӯзиши таҷриба барои кормандони соҳаи нассоҷӣ ва дӯзандагии Тоҷикистон, ҳамчунин барои роҳандозии ҳамкориҳои тиҷоратӣ миёни корхонаҳои нассоҷию дӯзандагии ду кишвар, хеле муҳим аст.
Ҳайати Тоҷикистон аз намояндагони ҳабдаҳ корхонаи нассоҷиву дӯзандагӣ, ду ширкати консалтингӣ, ду донишгоҳ, Палатаи савдою саноат, Иттифоқи рушди бахши хусусӣ, созмонҳои байналмилалӣ ва кормандони масъули соҳа иборат буда, сафар дар чаҳорчӯбаи барномаи ҷаҳонии нассоҷӣ ва дӯзандагии Маркази тиҷорати байналмилалӣ дар  Тоҷикистон муштаракан аз ҷониби Палатаи савдою саноати кишвар, иттиҳодияи “Узтекстилпром”, ширкатҳои консалтингии тоҷикистонии “ACT Development Group” ва “Business Consulting Group” бо дастгирии Ҳукумати мамлакат созмон дода шуд.
Дар доираи сафар намояндагони Тоҷикистон бо фаъолияти корхонаҳои нассоҷӣ ва дӯзандагии шаҳру вилояти Тошканд, донишгоҳҳои соҳа, иттиҳодияҳои тиҷоратӣ ва марказҳои фурӯши либосҳои маҳаллӣ ошно гашта, бо ҳамтоёни ӯзбек ба роҳ мондани ҳамкориҳо дар сатҳҳои гуногунро баррасӣ карданд.
Саидмуъмин Камолов, раҳбари дафтари Маркази тиҷорати байналмилалӣ дар Тоҷикистон, зимни суҳбат иброз дошт, ки айни ҳол саноати нассоҷӣ ва дӯзандагии кишвар соҳаи муҳими содиротӣ маҳсуб ёфта, босуръат рушд мекунад. Дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон оид ба гузариш аз кишвари агросаноатӣ ба индустриалию аграрӣ ва барномаю стратегияҳои давлатӣ, аз ҷумла Стратегияи миллии рушди Ҷумҳурии Тоҷикистон барои давраи то соли 2030, кормандони соҳа мақсад гузоштаанд, ки аз содироти маҳсулоти хому нимтайёр зина ба зина ба содироти маҳсулоти тайёри саноатӣ гузаранд. Ӯзбекистон низ аз нигоҳи истеҳсоли пахта дар қатори даҳ кишвари аввали ҷаҳон қарор дорад ва ҳоло фурӯши риштаи пахтагин ба хориҷа 60%-и содироти умумии маҳсулоти нассоҷии ин кишварро ташкил медиҳад. Ҳамкории кормандони бахши нассоҷию дӯзандагӣ ба манфиати ҳар ду кишвар хоҳад буд.
- Мо аз гардиши куллӣ дар муносибатҳои Тоҷикистону Ӯзбекистон, ки бар пояи талошҳо ва дӯстию бародарии сарони ду кишвар муҳтарам Эмомалӣ Раҳмон ва Шавкат Мирзиёев ба вуқӯъ пайваст, хеле хушҳолем. Маҳз ба гармӣ гароидани робитаҳо ба мо имкон дод, то бо кишвари дӯсту ҳамсоя дар соҳаҳои гуногун ҳамкориҳои судмандро ба роҳ монем. Ин сафар барои намояндагони соҳаи нассоҷӣ ва дӯзандагии Тоҷикистон бобарор сурат гирифта, робитаҳои доимию мустақими шарикӣ барқарор шуданд ва дари бозори наве ба рӯи ширкату корхонаҳои мо боз гардид, - гуфт Саидмуъмин Камолов.
Ҳайати нассоҷию дӯзандагии Тоҷикистон тайи сафари ҳафтаина бо фаъолияти рӯзмарраи ширкатҳои нассоҷӣ ва дӯзандагии Ӯзбекистон, ҳамчунин, бо фазои корӣ ва равандҳои соҳибкорӣ дар кишвари ҳамсоя ошно шуданд. Омӯзиши бозори хариди ашёи хом, маҳсулоти нимтайёр, матоъ, риштаи синтетикӣ, имконияти роҳандозии ҳамкориҳои дуҷониба, аз ҷумла таъсиси корхонаҳои муштарак, аз ҳадафҳои асосии сафар арзёбӣ шудаанд.
Маркази тиҷорати байналмилалӣ дар Тоҷикистон ҳадаф дорад, то сатҳи рақобатпазирии соҳаи нассоҷиву дӯзандагии Тоҷикистонро боло барад. Барои иҷрои ин ҳадаф ба корхонаҳои хурду миёна ва ниҳодҳои марбути пуштибони тиҷорат пайваста ёрии вижаи соҳавӣ расонда мешавад.
С. РАҶАБЗОДА, «Ҷумҳурият»

 

 

 


Баёни ақида (0)    Санаи нашр: 13.08.2018    №: 159    Мутолиа карданд: 406
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед