logo

фарҳанг

ПАДИДАИ БЕНАЗИР. МУНОСИБАТ ВА МУОШИРАТ

Табиист, ки муносибат ва муошират байни инсонҳо, хосса байни миллатҳо, пеш аз ҳама, муҳити мувофиқ ва созгорро тақозо мекунад. Ҳамин муносибат ва муошират дар мисоли ду мусоҳиб собит месозанд, ки наздикӣ ва ҳамфикрӣ беҳтарин омили расидан ба аҳдоф аст. Яъне барои анҷоми ин аъмол наздикӣ ва ҳамфикр будани инсонҳо хеле мувофиқи матлаб мебошад. Андак назаре ба ҳамсоягӣ ва ҳамзистии ҳазорсолаи ду миллати таърихӣ ва фарҳангӣ, яъне тоҷику ӯзбек кофист, то андешаҳое оид ба ин миллатҳо ва чигунагии муносиботи байни онҳо иброз карда шавад.
Тавре сарчашмаҳои таърихию адабӣ гувоҳӣ медиҳанд, тоҷикон ва ӯзбекҳо аз миллатҳои таҳҷоии Осиёи Марказӣ ба шумор рафта, тӯли садсолаҳо паҳлу ба паҳлуи ҳам аз як ҳаво нафас гирифтаву аз як замин нону об хӯрдаанд. Ин дар навбати худ далолат бар он мекунад, ки тоҷикон ва ӯзбекҳо дар гузаштаи начандон дури таърих гӯяндаи як забон ё ду забони хеле ба ҳам наздик будаанд, ки зарурат ба исбот надорад. Зеро, агарчи, имрӯз ҳамзабонӣ ҷой надошта бошад ҳам, ҳамдилии ин ду миллат ҳанӯз побарҷост ва шакке нест, ки «ҳамдилӣ аз ҳамзабонӣ беҳтар аст».  Маҳз ҳамдилии ин миллатҳо сипарест пешорӯи душманонашон, ки бо вуҷуди талошҳои пайваста онҳоро аз ҳам ҷудо накардаву кардан натавонанд. Тоҷикон ва ӯзбекҳо на танҳо дар асрҳои қадим ва миёна, балки дар замони муосир ҳам аз ҳаққи ҳамсоягию ҳамҷаворӣ бархӯрдор буданду ҳастанд. Ҳамзистии онҳо дар замони шӯравӣ мисоли рӯшанест, ки барои ҷудо карданашон бузургтарин ақлҳо оҷиз монда, ба гумони ғолиб, таваккалан эшонро ба марзҳо тақсим кардаанд.
Воқеан, тану ҷон ё ҷисму рӯҳ асоси ҳастии инсон аст, ки набудани яке мавҷудияти дигарро имконнопазир мегардонад. Пас, метавон тасаввур кард, ки тоҷику ӯзбек чун тану ҷони як одам ва бо мақсади ҳастӣ ҷудонашавандаанд. Аз таснифоти Мир Алишер Навоӣ дар сӯзу азодории Мавлоно Абдураҳмони Ҷомӣ аст:

З-ин азо дар ҳама олам на гадо монду на шоҳ,
Ки кашиданд ба сӯги ту дусад нолаву оҳ.
Абрсон гирякунон, наъразанон соя фиганд,
Бар сари наъши ту хуршеди карам – зилли Илоҳ.
Гар муяссар шудияш, наъш кашидӣ бар дӯш,
Чун мани сӯхтадил ҷониби мадфан ҳама роҳ.

дигар шубҳае дар ҳастии ҷовидонаи тану ҷони тоҷику ӯзбек набояд бошад.
Аз ин рӯ, ин ҷониб, ки толиби ҳамзистии абадии ин миллатҳоям, мегӯям:

Ин ҳақиқат, ки намудам ба ду-се ҷумла баён,
Нест аз фикри ману фикри чу ман ҳадсзанон.
Ростӣ, миллати  тоҷик ва ӯзбек  ҳанӯз,
З-аҳди Ҷомию Навоӣ шуда ҳамчорагарон.
Дарди ин дарди ҳам он буд, даво низ ҳамон,
Шодию ғусса баробар бикашиданд ба ҷон.
Рӯзҳо рафту маҳу сол бад-ин сон бигузашт,
Монд ин ҷисму ҳам ин рӯҳ, ки Ҳақ хост чунон.
Боз карданд ба ҳам саъю талош аз ду тараф,
Ҷон ба тан, тан сӯи ҷон, бар сифати роҳбарон.
Шукргӯянда Муродӣ ба сухан гуфт фақат,
Он чи дид аз Банӣ Раҳмону Банӣ Мирамон.

Абдумумин МУРОДИЁН,
сардори раёсати марҳилаи
назоратии Суди Олӣ


Баёни ақида (0)    Санаи нашр: 14.08.2018    №: 160    Мутолиа карданд: 467

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед