logo

фарҳанг

КИТОБХОНАИ МИЛЛӢ ДАР РАВАНДИ ҶАҲОНИШАВӢ ВА БАРХӮРДИ ТАМАДДУНҲО

Раванди ҷаҳонишавӣ ва бархӯрди тамаддунҳо нақши китобхонаҳоро ҳам дар рушди тафаккури инсонҳо бузург кардааст. Мутобиқи нуқтаи назари директори Китобхонаи миллии Тоҷикистон профессор Абдусалом Мирализода, бо вуҷуди он ки инкишофи техника истилоҳеро бо номи “китобхонаҳои электронӣ” ба вуҷуд овардааст, он натавонистааст ҷойгоҳи китобхонаҳоро танг кунад. Мисоли равшани он сол ба сол афзоиш ёфтани теъдоди хонандагон мебошад. Вобаста ба ин, маъмурияти Китобхонаи миллӣ илова ба толорҳои мавҷуда толорҳои нави хониш ҷудо кард, то эҳтиёҷи хонандагонро бароварда кунад.
Хабарнигори рӯзнома ба Абдусалом Мирализода сари ҳамин мавзӯъ суҳбат намуд, ки ба таври фишурда пешниҳоди хонанда мегардад.
- Шумо ёдовар шудед, ки вобас-та ба афзоиши хонандагон илова ба толорҳои хониши мавҷуда боз толорҳои навро мавриди истифода қарор додед. Мехоҳам дар ин хусус суҳбатро идома бидиҳед.
- Дар зарфи шаш моҳи охир 10 ҳазору 972 нафар хонанда ба узвияти Китобхонаи миллӣ пазируфта шудааст. Теъдоди нафароне, ки дар ин шаш моҳ аз толорҳои хониш, мутолиаи электронӣ, феҳриствораҳо, гӯшаҳои кишварҳои хориҷӣ ва дигар нуқтаҳои хизматрасонӣ истифода намудаанд, ҳудудан 255 ҳазор нафарро ташкил медиҳад. Ба ҳисоби миёна ҳар рӯз кормандони китобхона ба беш аз 1450 хонанда хизмат расондаанд. Дар шаш моҳ ин теъдоди бузурги хонандагон 445 ҳазору 334 нусха адабиёт фармоиш додаву мутолиа кардаанд. Яъне, мо ба омори рӯ ба афзоиши хонандагон рӯ ба рӯ ҳастем. Албатта, дар ин ҳол зарурати ҷудо намудани толорҳои хониш ба вуҷуд омад. Фикр мекунам, ки дар оянда боз ин гуна зарурат меафзояд.
 - Асри мо асри пешрафтҳои техникист ва инсонҳо ба он талош меварзанд, ки дар фаъолияти ҳамарӯзаи хеш аз дастовардҳои олами техника бештар истифода баранд. Китобхонаи миллӣ дар ин самт чӣ мавқее дорад?
- Айни замон муҳимтарин дастовард дар раванди фаъолияти китобдорӣ ин татбиқи амалии барномаи ALEPH аст. Барномаи мазкур аз панҷ модул иборат буда, пурра ба фаъолияти китобдорӣ марбут мебошад. Ин барнома беҳтарин барномаи санҷидашуда дар олами китобу китобдорӣ маҳсуб мешавад ва китобхонаҳои муътабари дунё аз он истифода мебаранд. Албатта, ҳама кӯшиши мо дар ин самт ба роҳандозии технологияҳои роиҷи китобхонаҳои маъруфи олам равона гардидааст. Чанде пеш сомонаи “Кӯдакона”-и Китобхонаи миллии Тоҷикистон барои дастёбии хонандагони то синни мактабӣ омода ва ба истифодаи санҷишӣ пешниҳод гардид. Инчунин, веб - барномаи “Барӯйхатгирии теъдоди хонандагон”-и толорҳои хониши Китобхонаи миллии Тоҷикистон барои дақиқ шумуридани теъдоди хонандагони толорҳои хониш ба таври онлайн омода ва ба истифодаи санҷишӣ пешниҳод шуд. Домени www.nlt.tj, elib.nlt.tj барои дастрасӣ пайдо намудани хонанда ба веб-барномаи Китобхонаи миллии электронии Тоҷикистон дар домени tj ба қайд гирифтем. Ҳамчунин, дизайни нави веб - барномаи Китобхонаи электронӣ омода гардид.
Тибқи омори веб - барномаи Китобхонаи электронии Китобхонаи миллии Тоҷикистон дар шашмоҳаи якуми соли 2018 зиёда аз 2030 хонандаи маҷозӣ дар дохил аз веб - барномаи мазкур васеъ истифода намуданд.
- Як бахши муҳими фаъолияти Китобхонаи миллӣ табъу нашр ва пажӯҳишҳои илмист. Дар ин самт соли равон чӣ корҳое ба фарҷом расиданд?
- Табъу нашр ва роҳандозии корҳои илмӣ - таҳқиқотӣ ҳамеша дар мадди назар аст, чунки  китобхона наметавонад бе пажӯҳишу чопи китоб вуҷуд дошта бошад. Дар шашмоҳаи аввали соли 2018 суханрониҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба забони давлатӣ дар ҳаҷми 160 саҳифа, китоби “Таърихи Бухоро, Қӯқанд ва Қошғар”, китоби “Вожасозии таърихии забони форсӣ”, “Феҳристи дастнависҳои тоҷикӣ - форсӣ” (ҷилдҳои 1-2 барои чопи дуюм), дастурҳои биб-лиографии “85 - солагии китобхонаҳои Тоҷикистон: феҳристи адабиёт”, “Фазлиддин Муҳаммадиев: феҳристи адабиёт”, “Китобҳо оид ба Тоҷикистон: феҳристи адабиёт”, “Ҳунарҳои мардумии Тоҷикистон”, “Ҳунарҳои мардумӣ - ифтихори миллат”, “Арбобони илми тоҷик (асри ХХ – аввали асри ХХl): энсиклопедия” ва “Таснифоти даҳгонаи универсалӣ” ба чоп омода карда шуданд.
Китобҳои “Забонбозтоби замон, фарҳанг ва андеша”, “Шеъри муосири Эрон: аз Баҳор то Шаҳриёр”, “Табақоти Носирӣ” (ҷилди аввал), нусхаи хаттии “Дастур - ул - илоҷ” аз хати арабиасос ба сирилик, инчунин, феҳристи “Библиографияи забоншиносӣ” дар ҳаҷми 545 саҳифа ва китоби “Динкарт” дар ҳаҷми 335 саҳифа таҳрир ва 6 ҷузъи китоби “Аҷоибнома” - и Закариёи Қазвинӣ баргардон карда шуд.
Албатта, корҳои неки баанҷомрасида зиёданд ва вобаста ба истиқболи Ҷашни 30 – солагии Истиқлолияти давлатӣ нақша – чорабиниҳоро тартиб додаем, ки бояд дар сатҳи баланд ва сари вақт иҷро шаванд.
Мусоҳиб Абдулқодири РАҲИМ,
«Ҷумҳурият»


Баёни ақида (0)    Санаи нашр: 15.08.2018    №: 161    Мутолиа карданд: 355

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед