logo

иқтисод

ВОСЕЪ. ДАСТОВАРДҲО ДАЛЕЛИ ПЕШРАФТАНД

Аҳли заҳмати ноҳия дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кор қарор дода, барои расидан ба ҳадафҳои олӣ шабу рӯз ҷаҳду талош намуданд ва қариб дар ҳамаи соҳаҳо ба дастовардҳо ноил шуданд. Ҷамъбасти нимаи аввали соли равон бо нишондиҳандаҳои баланди иҷтимоию иқтисодӣ, бунёди иншооти маишию хизматрасонӣ ва истеҳсолӣ, аз ҷумла мактабу беморхонаҳои замонавӣ ва вусъати кишти зироатҳо, аз пешрафту шукуфоӣ далолат менамоянд.
Мардум  шоҳиди онанд, ки бо ташаббус ва иқдомҳои Сарвари давлат  ин гӯшаи зебоманзар сол ба сол зеботару ободтар мешавад ва зиндагии сокинони он ранги дигар мегирад. Ба воситаи тараққӣ  ёфтани бахши истеҳсолоти ноҳия ва истифодаи самараноки майдонҳои кишт буҷети маҳаллӣ ғанитар шуда, даромади нимсола ба зиёда аз 15 миллиону 280 ҳазор  сомонӣ баробар гардид, ки дар муқоиса ба соли пешӣ 1 миллиону 19  ҳазор сомонӣ беш мебошад. 
Дар заминаи татбиқи Барномаи мусоидат ба шуғли аҳолӣ дар ноҳия тайи шаш моҳи сипаришуда 538 нафар бо  ҷои кор таъмин гардид. Ҳамчунин,  тибқи барнома ба 150 сокини ноҳия  кумакпулӣ таъйин карда шуд.
Ба шарофати таваҷҷуҳ ва талошҳои Президенти Ҷумҳурии Тоҷикистон муҳтарам Эмомалӣ Раҳмон дар ноҳия соҳаи саноат рӯ ба пешрафт дорад. Дар нимсолаи якуми соли ҷорӣ ҳаҷми истеҳсоли маҳсулоти саноатӣ ба 34 миллиону 528 ҳазор сомонӣ расид ва  суръати афзоиш нисбат ба ҳамин давраи соли гузашта 124,7 дарсадро ташкил дод. Қариб 420 тонна маҳсулоти гӯштӣ, беш аз 14,5 ҳазор  тонна орд,  178,4 тонна равған, 18,3  тонна  маҳсулоти қаннодӣ,  наздики  5 ҳазор  адад  либоси мактабӣ,  зиёда аз 2,5 ҳазор метри мураббаъ  маҳсулоти пластикӣ - филизӣ ва 1 миллиону 110 ҳазор дона хишт  истеҳсол шуд. Ҳаҷми умумии гардиши мол дар соҳаи савдо назар ба ин давраи соли рафта  20 миллиону 465,7 ҳазор сомонӣ афзуда, қариб ба 108  миллион сомонӣ расид.  Бо мақсади боз ҳам равнақ бахшидани рушди соҳаҳои иҷтимоию иқтисодӣ, аз ҳисоби ҳамаи манбаъҳои сармоягузорӣ зиёда аз 21 миллиону 700  ҳазор сомонӣ сармояи асосӣ азхуд карда шуд.
Имсол дар доираи омодагиҳо барои истиқболи сазовори Ҷашни 30 – солагии Истиқлолияти давлатӣ дар ноҳия корҳои созандагию бунёдкорӣ  вусъати тоза гирифтаанд. Аз ҷумла, дар арафаи Наврӯз дар деҳаҳои Анористони Ҷамоати деҳоти ба номи А. Рӯдакӣ, Қайнар ва Заркорони Ҷамоати деҳоти М. Вайсов ва Ҷамоати шаҳраки Ҳулбук нуқтаҳои шустушӯи нақлиёт, боғчаҳои кӯдакон ва коргоҳҳои истеҳсолӣ  бунёд ёфта, имрӯзҳо дар хизмати мардум қарор доранд. Ҳамчунин, роҳҳои маҳаллӣ таъмиру навсозӣ ва барои  зимистонгузаронӣ омода карда шуданд. Ҷиҳати омодагӣ ба мавсими тирамоҳу зимистони дар пешистода 350  метри мукааб маводи зиддилағзиш, 11 тонна намаки техникӣ, 2400 литр сӯзишвории дизелӣ ва ҳезум захира гардида, техникаҳои роҳнигоҳдорӣ аз таъмир бароварда шуданд.
Қариб дар 27 ҳазор гектар зироат кишт шуд. Аз ин, ғалла наздики 15 ҳазор, зироатҳои техникӣ беш аз 9 ҳазор, сабзавот 1600, полизӣ 557, картошка 450 ва алафҳои хӯроки чорво 560 гектарро ташкил медиҳад.  Ҳаҷми истеҳсоли маҳсулоти кишоварзӣ дар ҳамаи шаклҳои хоҷагидорӣ  164 миллиону  84,1 ҳазор сомониро ташкил дод,  ки нисбат ба ҳамин давраи соли пешӣ 5 миллиону 240  ҳазор сомонӣ зиёд мебошад.
Тадбирҳои андешидаи Ҳукумати ҷумҳурӣ дар соҳаи кишоварзӣ ба рушди бахши чорводории ноҳия низ такон бахшид. Айни замон, дар ноҳия зиёда аз 46 ҳазор сар чорвои калон,  наздики 100 ҳазор сар  моли майда, беш аз 67 ҳазор сар мурғ,  1934 сар асп  ва  2195 оилаи занбӯри асал мавҷуд мебошад. Дар нимсола 1300 тонна гӯшт, зиёда аз 12 ҳазор тонна шир, беш аз 1 миллиону 600  ҳазор дона тухм,  215,3  тонна пашм,  8,9 тонна пилла ва 6,2 тонна моҳӣ истеҳсол карда шудааст.  
Давоми шаш моҳи соли равон ба муносибати Соли рушди сайёҳӣ ва ҳунарҳои мардумӣ дар ноҳия тадбирҳои зарурӣ амалӣ гардида, дар мавзеъҳои табобатӣ ва фарҳангию таърихӣ баҳри ҷалби сайёҳони дохилию хориҷӣ хизматрасонии сатҳи баланд ба роҳ монда шуд. Танҳо  ба мамнӯъгоҳи таърихию фарҳангии «Ҳулбук» қариб 3 ҳазор  сайёҳ  ташриф овард. Ҳамчунин, дар маконҳои фароғатию истироҳатӣ ҷиҳати болидарӯҳии сайёҳон чорабиниҳои фарҳангӣ барпо шуданд.
Пешравиҳои зиёди иҷтимоию иқтисодӣ тайи муддати кӯтоҳ дар ноҳия аз иҷрои саривақтии супоришҳои Президенти ҷумҳурӣ муҳтарам Эмомалӣ Раҳмон ва дар заминаи он фароҳам омадани шароити мусоиди фаъолияти соҳибкорӣ шаҳодат медиҳанд. Умед аст, ки аҳли заҳмати ноҳия дар ҳамаи бахшҳо боз дучанд заҳмат кашида, ба дастовардҳои нав ноил мешаванд ва шуҳрати ноҳияро дар ҷумҳурӣ афзун месозанд.
Мӯсо ҒАФФОРЗОДА,
раиси ноҳияи Восеъ

 


Баёни ақида (0)    Санаи нашр: 15.08.2018    №: 161    Мутолиа карданд: 230

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед