logo

сиёсат

ИФТИТОҲИ МУАССИСАИ ТАҲСИЛОТИ МИЁНАИ УМУМИИ № 31 ДАР ШАҲРИ ДУШАНБЕ

Субҳи 14 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Шоҳмансури шаҳри Душанбе бинои муассисаи таҳсилоти миёнаи умумии рақами 31- ро дар фазои тантанавӣ ифтитоҳ карданд.
Муассисаи мазкур бо таваҷҷуҳи ҳамешагии Президенти Ҷумҳурии Тоҷикистон Эмомалӣ Раҳмон бо мақсади боз ҳам беҳтар намудани шароити таҳсил, бо сифати баланд сохта ба истифода дода шуд.
Бино аз 4 ошёна ва таҳхона иборат буда, бо тарҳи нав ва ҷавобгӯ ба талаботи замони муосир бунёд гардидааст.
Қитъаи замини ҷудогардида барои сохтмони бинои мактаби нав яку ним гектар буда, масоҳаташ 9 ҳазору 660 метри мураббаъро ташкил медиҳад. Мавриди зикр аст, ки санги асос барои бунёди чунин як муассисаи наву муосир аз ҷониби Пешвои миллат гузошта шуда буд.
Сохтмон тибқи қарори раиси шаҳри Душанбе моҳи июли соли 2017 оғоз гардид.
Муассисаи таҳсилоти миёнаи умумии рақами 31 туҳфаи арзандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи Рӯзи дониш ва 27-умин солгарди Истиқлолияти давлатии Ҷумҳурии Тоҷикистон барои ҳайати омӯзгорону хонандагон ба ҳисоб меравад.
Муассиса дар ду баст барои 3 ҳазору 120 ҷойи нишаст пешбинӣ гардидааст. Дар маҷмӯъ бинои нав дорои 61 синфхонаи умумӣ, аз ҷумла 43 синфхонаи таълимӣ, 2 синфхонаи компютерӣ, 5 синфхонаи фаннии физика, кимиё, биология, география ва омодагии  ҳарбӣ мебошад.
Барои омӯзиши забонҳои хориҷӣ 4 синфхона бо тамоми шароит сохта шуда, дар мактаби нав 2 синфхонаи лингафонӣ, синфхонаи суруд, 4 синфхонаи таълими меҳнат: дуредгарӣ, дӯзандагӣ ва қаннодӣ низ амал мекунанд. Ин тадбири муҳим имкон медиҳад, ки хонандагон дар баробари донишомӯзӣ, ҳамчунин касбу ҳунарҳои гуногунро омӯзанд. Дар синфхонаи таълими меҳнат духтарон имкон доранд, ки касби дӯзандагиро азхуд намоянд.  Писарон бошанд, дар синфхонаи таълими меҳнат, ки бо таҷҳизоти нави соҳавӣ муҷаҳҳаз гардонда шудааст, нозукиҳои касби дуредгариро меомӯзанд.
Китобхонаи муассисаи таълимӣ дар масоҳати 192 метри мураббаъ бунёд шуда, бо таҷҳизоти муосир, асарҳои бадеӣ ва китобҳои илмӣ таъмин мебошад.
Китобхонаи электронӣ низ мавҷуд аст, ки он дорои шароити муосир аст. Барои ба варзиш машғул шудани хонандагон толори барҳавои варзиш бо 200 ҷойи нишаст, бунёд шудааст, ки хонандагон метавонанд ба обутоби бадан машғул шаванд. Иншооти муосири таълимӣ дорои ошхона барои 180 ҷой ва маҷлисгоҳ барои 250 ҷойи нишаст мебошад. 
Барои таъмини бехатарӣ ва назорати ҷараёни таълим дар дохил ва атрофи бинои муассисаи таълимӣ  қариб 120 камераи назоратӣ насб гардидааст.
Сарвари давлат зимни шиносоӣ бо синфхонаҳои муассисаи нави таълимӣ ба сифати корҳои сохтмонӣ баҳои баланд доданд. Зимни суҳбат Пешвои миллат муҳтарам Эмомалӣ Раҳмон  омӯзгоронро барои соҳибмаълумот намудани насли наврас, дар рӯҳияи хештаншиносӣ ба камол расондани онҳо даъват намуда, хонандагонро бештар барои омӯхтани илмҳои муосир, махсусан омӯзиши забонҳои хориҷӣ ва технологияи нав ҳидоят карданд.
Муассисаи таълимӣ ду хати озоди баландшиддат аз зеристгоҳи барқӣ ва 2 зеристгоҳи 1000 - киловатта дорад. Бо мақсади дар фасли зимистон бо гармӣ пурра таъмин намудани синфхонаҳо ва ҳуҷраҳои кории муассисаи таълимӣ он бо хати гармидиҳии мутамаркази шаҳрӣ, инчунин, системаи мустақили гармидиҳии муассиса ба се дегхона пайваст мебошад.
Бино бо шабакаи аз сӯхтор огоҳкунанда, интернет ва  радиошунавонӣ таъмин аст. Барои сабзу хуррам гардондани атрофи бино дарахтони сояафкан ва гулу буттаҳои ороишӣ шинонда шудаанд.
Барои ташвиқу тарғиби тарзи ҳаёти солим ва гузарондани мусобиқаҳои гуногуни варзишӣ, аз ҷумла футболи хурд, волейбол ва баскетбол, майдончаҳои муосири варзишӣ ва ҳарбӣ бунёд ёфтаанд. 
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди соҳаи маориф ҳамчун соҳаи пешбарандаи ҷомеа аҳамияти аввалиндараҷа зоҳир менамоянд ва бунёду навсозии муассисаҳои таълимии муосир низ аз ҷумлаи иқдомҳое мебошад, ки барои таъмини пешрафти соҳаи маориф дар шаҳри Душанбе ва дигар шаҳру ноҳияҳои мамлакат амалӣ карда мешаванд.


Баёни ақида (0)    Санаи нашр: 15.08.2018    №: 161    Мутолиа карданд: 285

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед