logo

Хабарҳо

Рӯзноманигорони ӯзбек меҳмони Тоҷикистон

Боиси хушнудист, ки бо ибтикори сарони давлатҳои Тоҷикистону Ӯзбекистон бунбастҳои коммуникатсионию тиҷоратию фарҳангӣ, ки солиёни мадид идома доштанд, рафъ шуда истодаанд. Шак нест, ки ин ҳама тавофуқот ҳам мӯҷиби пешрафти ду давлат мешаванд ва ҳам қавитарин усули густариши дӯстию рафоқат маҳсуб меёбанд.
Дар доираи ҳамин ҳамкориҳо як гурӯҳ рӯзноманигорони Ӯзбекистон, ки воситаҳои ахбори оммаи даврӣ, рақамӣ ва интернетиро намояндагӣ доштанд, ба кишвари мо ташриф оварданд. Дар баробари дидан кардан аз шаҳрҳои зебои Душанбе ва Хуҷанд меҳмонон бо майли том ба ҷойҳои тамошобоб, таърихӣ ва фарҳангии шаҳрҳои Бохтару Кӯлоб ва ноҳияи Данғара сафар анҷом доданд.     
 Чун анъанаи неки тоҷикон меҳмононро дар ҳама гӯшаҳои вилояти Хатлон намояндагони мақомоти иҷроияи ҳокимияти давлатии вилоят, ҷомеаи шаҳрвандӣ ва рӯзноманигорон бо нону намак ва дастаҳои гул истиқбол гирифтанд.
Дар баробари зиёрати оромгоҳи мутафаккири барҷаста Мир Сайид Алии Ҳамадонӣ, шиносоӣ бо шароити таълиму тарбия дар Донишгоҳи давлатии Данғара ва зебоиҳои Маҷмааи фарҳангӣ – фароғатии Хуррамшаҳр, меҳмонон дар маркази маъмурии вилояти Хатлон – шаҳри Бохтар ҳам бо фарҳанги ӯзбектаборони таҳҷоӣ ошно шуданд ва ҳам дар як қатор чорабиниҳои фарҳангӣ ширкат варзиданд.
Ба шарафи намояндагони ВАО - и кишвари ба мо дӯст дар майдони теппаи таърихии Қӯрғон таҳти унвони “Шоми дӯстӣ” барномаи ҷолиби консертӣ доир шуд.
Сипас, аъзои гурӯҳ ба хотири воқиф шудан аз вазъи кору зиндагии мардум ба бозорҳои “Ҳоҷӣ Шариф” ва “Фаровон” ташриф оварданд. Ба намояндагони ВАО - и Ӯзбекистон, хусусан армуғонҳои аз маҳсулоти ватанӣ омодакардаи ҳунармандон ва арзонии нархи бозорҳо бисёр писанд омад.
Дар идомаи сафар меҳмонон бо маҳсулоти дастии ҳунармандони яке аз маҳаллаҳои шаҳри Бохтар шинос шуданд. Ба онҳо самараи ҳунарҳои дуредгарӣ ва таомҳои кадбонуҳои ин маҳал бисёр писанд омад.
Зебо Тӯхтаева, хабарнигори Телевизиони “Ӯзбекистон – 24” пас аз шиносоии наздик бо фарҳанги мардуми тоҷик дар назди худ мақсад гузоштааст, ки дар оянда дар доираи як сафар кории вижа оид ба ҳунарҳои нотакрори тоҷик ва мавзеъҳои таърихию тамошобоби Тоҷикистон гузоришу барномаҳои ҷолиб таҳия кунад.
Рӯзноманигорони ҳамсоякишвар, ҳамзамон бо фаъолияти Театри мазҳакаи мусиқии ба номи Ато Муҳаммадҷонови шаҳри Бохтар ошно гардида, намоиши “Қиёмат” - ро, ки аз рӯйи асари ҳамноми Чингиз Айтматов таҳия шудааст, бо завқ тамошо карданд.
Зокир ҲАСАН, “Ҷумҳурият”


Баёни ақида (0)    Санаи нашр:    №:    Мутолиа карданд: 141

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед