logo

ҳуқуқ

ОТРЯДИ САРҲАДИИ "ПАНҶ". ДЕВОРИ ДИФОИЕ, КИ 90 – СОЛА ШУД

14 августи соли равон аз таъсиси Отряди сарҳадии «Панҷ» 90 сол пур шуд. Ба ин муносибат дар отряди мазкур бо иштироки ҳайати шахсӣ, меҳмонони дохиливу хориҷӣ ва намояндагони аҳли фарҳанг чорабинии бошукӯҳи идона баргузор гардид.
Дар чорабинӣ Раҷабалӣ Раҳмоналӣ, фармондеҳи Қӯшунҳои сарҳадии КДАМ Ҷумҳурии Тоҷикистон, Зубайдулло Алихонов, муовини раиси КДАМ Ҷумҳурии Тоҷикистон, Руслан Мирзоев, фармондеҳи Қӯшунҳои сарҳадии Хадамоти бехатарии Ҷумҳурии Ӯзбекистон, Андрей Корчанов, муовини аввали гурӯҳи сарҳадбонони Хадамоти бехатарии Федератсияи Русия дар Ҷумҳурии Тоҷикистон, собиқадорони отряди сарҳадӣ ва дигар шахсони расмӣ иштирок ва суханронӣ намуданд.
Меҳмонон нахуст бо нишони эҳтиром ба шаҳидони сарҳади давлатӣ дар назди лавҳаи хотира гулчамбар гузошта, сипас, дар фазои тантанавӣ парда аз рӯи рамзи 90 - солагии Отряди сарҳадии «Панҷ» бардоштанд.
Раҷабалӣ Раҳмоналӣ тамоми афсарону сарбозон ва собиқадоронро ба ин муносибат шодбош гуфта, изҳор дошт, ки ин аввалин отряди сарҳадие мебошад, ки 90 сол қабл дар Ҷумҳурии Тоҷикистон ташкил шудааст. Дар солҳои ҷанги шаҳрвандӣ, ки фаъолияти мақомоти ҳифзи ҳуқуқ, аз ҷумла сарҳадчиёни давлатӣ дар кишвар суст гардида буд, кишварҳои ба мо дӯсту бародар - Федератсия Русия ва Ҷумҳурии Ӯзбекистон барои ҳимояи марзи давлатӣ кумакҳои зиёд кардаанд, ки мо ҳеҷ гоҳ онро фаромӯш намекунем. Имрӯз бошад, бо итминон  гуфта метавонем, ки сарҳадбонони мо қодиранд сарҳади давлатии ҷумҳуриро мустақилона муҳофизат намоянд то мардум дар фазои осоишта зиндагӣ кунад.
Руслан Мирзоев, фармондеҳи Қӯшунҳои сарҳадии Хадамоти бехатарии Ҷумҳурии Ӯзбекистон, зимни суханронии худ, аз ҷумла чунин изҳор дошт: «Ман бо ифтихор мегӯям, ки бори аввал хизмати ҳарбиро аз Ҷумҳурии Тоҷикистон оғоз кардаам. Отряди сарҳадии «Панҷ» низ барои ман бегона нест. Ин ҷо мо дар чанд амалиёт ширкат кардаем. Дӯстони  зиёд низ дорам. Дар ин отряд аз аввал барои сарҳадчиён дар баробари омӯзондани маҳорати ҷангӣ, дӯст доштани Ватан ва ҳимояи онро меомӯхтанд. Натиҷаи тамоми корҳои анҷомёфта буд, ки имрӯз аввалин маротиба дар таърихи Ҷумҳурии Ӯзбекистон ва Ҷумҳурии Тоҷикистон омӯзиши якҷояи амалиёти «Ҷайҳун - 2018» дар минтақаи пайвастшавии хати се сарҳад гузаронда шуд. Мақсад аз он пешгирӣ аз ҳамлаи мусаллаҳонаи душманон мебошад. Мо дар паҳлуи ҳам истода ин амалиётро гузарондем, то душманон донанд, ки назорат дар сарҳади давлатии ин ду кишвари бо ҳам дӯст пурзӯр аст ва ҳеҷ нохалафе наметавонад марзро ғайриқонунӣ убур карда, ба ҳаёти осоиштаи мардум таҳдид кунад».
Дар охир аз ҷониби фармондеҳи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ба фармондеҳи Қӯшунҳои сарҳадии Хадамоти бехатарии Ҷумҳурии Ӯзбекистон туҳфаи хотиравӣ тақдим гардид. Ҳамчунин, ба собиқадорон ва афсароне, ки дар иҷрои вазифаҳои хизматӣ ба натиҷаҳои назаррас ноил шудаанд, медалу нишони сарисинагӣ супурда шуд.
Ҳунармандони ансамбли «Марзбон» - и Қӯшунҳои сарҳадии КДАМ бо сурудҳои рӯҳновози худ  ва ҳаҷвнигорони маъруфи кишвар хотири меҳмонону ҳозиринро болида карданд.
Лашкар ШАРИФ,
«Ҷумҳурият»


Баёни ақида (0)    Санаи нашр: 17.08.2018    №: 163    Мутолиа карданд: 369

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед