logo

фарҳанг

МАҚСАДИ АСОСӢ - МУАРРИФИИ КИШВАР

Тоҷикистон дар арсаи ҷаҳон ҳамчун сарзамини дорои қуллаҳои баланд, чашмаҳои мусаффо, дарёҳои ҷӯшон ва ҳайвоноти нодир шинохта шудааст. Табиати зебои ҳамешабаҳор, ганҷҳои зеризаминӣ, обҳои равону зулол ва дармонбахши ватани азизамон касро бетаваҷҷуҳ гузошта наметавонанд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии хеш ба Маҷлиси Олии кишвар зикр намуданд, ки сайёҳӣ яке аз соҳаҳои муҳими бо шуғл фаро гирифтани аҳолии қобили меҳнат, баланд бардоштани сатҳи зиндагии мардум, рушди дигар соҳаҳои хизматрасониву истеҳсолӣ, инчунин, муаррификунандаи таъриху фарҳанг, табиати биҳиштосои кишварамон ба ҳисоб меравад.
Пешвои муаззами миллат рушди сайёҳиро ҳамчун самти афзалиятноку ояндадори кишвар таъкид намуда, пайваста дастгирӣ менамоянд. Имрӯз Тоҷикистон узви фаъол, эътирофшуда ва соҳибэҳтироми ҷомеаи байналмилалист ва мақоми шоистаи худро дар олами зудтағйирёбанда мунтазам таҳким бахшида, ҳама гуна ҳамкориҳои судмандро бо кишварҳои пешрафтаи ҷаҳон ҷонибдорӣ менамояд ва имконияти ривоҷ додани ҳама намудҳои сайёҳиро доро мебошад.
Тӯли солҳои соҳибистиқлолии кишвар соҳаи сайёҳӣ дар ҷумҳурӣ хеле рушд намуда, имрӯз кишвари мо узви комилҳуқуқи Созмони ҷаҳонии сайёҳӣ гардидааст. Шароити гуногуни табиӣ ва мавҷудияти ёдгориҳои таърихию меъморӣ ба мо имкон медиҳанд, ки дар кишварамон намудҳои гуногуни соҳаи сайёҳиро инкишоф дода, дар ғанӣ гардондани Буҷети давлат саҳми худро гузорем. Метавон гуфт, ки имрӯз барои рушди соҳа тамоми шароит фароҳам оварда шудааст, аз ин ҷост, ки диққати ҷаҳониён ба кишвари мо нигаронда шудааст.
Ба ҳамагон маълум аст, ки дар тамоми ҷаҳон осорхона маконест муаррифгари таъриху дастовардҳои кишварҳо. Осорхонаи миллии Тоҷикистон низ яке аз марказҳои илмӣ, фарҳангӣ ва маърифатӣ ба шумор рафта, сайёҳонро ба табиати зебои Тоҷикистон, аз ҷумла оид ба  мавқеи географии он, канданиҳои фоиданок, обу ҳаво, иқлим, набототу ҳайвонот, баландкӯҳҳо, мамнӯъгоҳҳо,  парваришгоҳҳояш  шинос мекунад.
Осорхона аз се ошёна иборат буда, табақаи якум ва дувумро шуъбаи «Таърихи бостон ва асрҳои миёна» дар бар мегирад. Он яке аз шуъбаҳои калонтарини осорхона ба шумор меравад. Дар ошёнаи якум намоиш аз харитаи ёдгориҳои таърихии Тоҷикистон оғоз меёбад. Ҳамзамон, ёдгориҳои толорҳои намоишии ин ошёна оид ба бозёфтҳои мансуби асри санг дар Тоҷикистон, Саразм, фарҳанги зардуштӣ, императории Ҳахоманишиҳо, давлатдории замони юнону бохтариҳо, Кӯшониён, Сосониён, Ҳайтолиён маълумот медиҳанд.
Ошёнаи дувуми осорхона бо ёдгориҳои маҳфузмондаи замони Сомониён шурӯъ мешавад, ки дар толори намоиши мансуби ин давр ёдгориҳои аз қалъаи Ҳулбук ёфтшуда, намунаҳои сафолии мунаққашу катибадори асри Х, меҳроби чӯбии Искодар, кандакории болоичӯбии болооби Зарафшон, намунаи матоъҳо аз Бозордара, лавозимоти ҳарбии асрҳои XI – XVI, кошиҳо ва намунаҳои хушнависии аҷдодони тоҷикон дар санг, зарфҳои мисӣ ва коғаз ба тамошобинон пешниҳод мешавад.
Дар ошёнаи сеюм намоиши шуъбаи санъати тасвирӣ ва амалии осорхона оид ба жанрҳои гуногуни ин намуди санъат, чун портрет, пейзаж, натюрморт, триптих, ҳайкалтарошӣ, санъати амалӣ - ороишӣ ба тамошобинон маълумот медиҳанд. Намоишгоҳи шуъбаи мазкур аз маҳсули эҷоди мусаввирони солҳои 30 – юми асри ХХ оғоз шуда, давра ба давра рушди ин намуди ҳунарро дар ҷумҳурӣ инъикос менамояд.
Инчунин, яке аз экспозитсияҳое, ки сайёҳони дохиливу хориҷӣ ба он мароқ зоҳир менамоянд, ин «Водии Чилдухтарон» - и ноҳияи Муъминобод мебошад. Гӯшаи «Водии Чилдухтарон» яке аз сертамошотарин толорҳои шуъбаи «Табиат» - и осорхона ба шумор меравад.
Осорхонаи миллии Тоҷикистон тамоми имконият ва шароитҳоро дорад, ки сайёҳони ба ин ҷо омадаро бо дастовардҳои соҳаҳои мухталифи кишварамон дар солҳои соҳибистиқлолӣ шинос намояд. Тамошои осорхона  ба сайёҳон ғизои маънавӣ бахшида, маълумоти мушаххаси илмиро пешниҳод созад.

Арафа САЛИМОВА,
сармутахассиси Осорхонаи миллии Тоҷикистон


Баёни ақида (0)    Санаи нашр: 17.08.2018    №: 163    Мутолиа карданд: 232

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед