logo

иқтисод

“ТОҶИКСТАНДАРТ”. ҲИМОЯИ БЕҲТАРИ ҲУҚУҚИ ИСТЕЪМОЛКУНАНДА ДАР МАДДИ АВВАЛ

Дар натиҷаи гузарондани назорати давлатӣ,  дар нимсолаи якуми соли ҷорӣ аз ҷониби кормандони Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») дар 2349  ҳолат ба миқдори қариб 1 миллиону 150 ҳазор килограмм маҳсулоти ғизоии гуногун  ошкор гардид, ки ба талаботи стандартӣ  ҷавобгӯй набуданд. Қисми зиёди ин маҳсулот воридотист. Ҳамчунин, дар бозори истеъмолӣ аз тарафи нозирон маҳсулоти пастсифат - зарфҳои пластикии дубора истифодашуда (1200 дона), масолеҳи сохтмонӣ (1164,85 кг), фурӯзонакҳои тафсон (841дона), фурӯзонакҳои каммасраф (1183 дона), сӯзишворӣ (57561 литр), бозичаҳо (31293 дона), тамоку (811 қуттӣ), маводи парфюмерӣ (51,3 кг), ноқил (2000 метр) ва ғайра, ки ба талаботи стандартҳои меъёрӣ - техникӣ ҷавобгӯй набуданд, ошкор ва аз муомилот гирифта шудаанд.
Диловар Пирназарзода, муовини якуми директори агентии “Тоҷикстандарт”, дар суҳбат бо хабарнигори рӯзнома дар бораи ин ва самтҳои дигари фаъолияти агентӣ ибрози андеша намуд, ки фишурдаи он пешниҳод мегардад.
- Бо  мақсади  таъмини бехатарии маҳсулоти хӯрокворӣ таҷҳизоти озмоишгоҳҳои ташхиси маҳсулоти дастгоҳи марказии агентӣ ва марказҳои  минтақавии «Тоҷикстандарт»  ба талаботи стандарти байналмилалӣ мутобиқ  гардонда мешаванд. Ҷиҳати тавсеа додани базаи техникии озмоишгоҳҳо, ҷорӣ намудани усулҳои замонавии ташхис, хусусан дар ҷодаи бехатарии маҳсулоти хӯрокворӣ, бо дастгирии Ҳукумати ҷумҳурӣ таҷҳизоти зиёди муосир ва дигар воситаҳои ченкунӣ дастрас  ва насб гардиданд. Бояд зикр кард, ки барои нигоҳдории сатҳи баланди ташхисӣ ва иҷроиши талаботи  стандарти ИСО/МЭК 17025:2013 (п 4.14) мувофиқ ба нақша ва барномаи Маркази ташхисӣ аз тарафи мутахассисони таҷрибадор дар озмоишгоҳ пайваста аудити дохилӣ гузаронда мешавад. Инчунин, дар ҳамкорӣ бо шарикони хориҷӣ (Ҷумҳурии Мардумии Чин ва Олмон) оид ба дастрас намудани таҷҳизоти насли охирин барои муайян намудани нишондодҳои бехатарии маҳсулот, аз қабили антибиотикҳо, витаминҳо ва ғайра корҳои зиёд ба сомон расонда шуданд. 
Назорати масъалаи бо либоси ягона таъмин будани фурӯшандагони нуқтаҳои савдо ва бозорҳо пурзӯр карда, тибқи Кодекси ҳуқуқвайронкунии маъмурии Ҷумҳурии Тоҷикистон барои вайрон кардани қоидаҳои савдо (хусусан барои вайрон намудани талаботи муқарраргардида оид ба либоси ягона)  нисбат ба вайронкунандагони талаботи муқарраргардида дар 485 ҳолат ба маблағи умумии 108650 сомонӣ ҷаримаҳои маъмурӣ таъйин карда шудааст.
Дар нимсолаи аввали соли равон мутахассисони шуъбаи менеҷменти сифат дар 15 корхонаи ватанӣ корҳои сертификатсионӣ гузаронданд. Дар маҷмӯъ, то имрӯз дар 219  корхонаи ватанӣ ҷорӣ намудани низоми идоракунӣ ва корҳои сертификатсионӣ тибқи талаботи стандартҳои байналмилалӣ ба сомон расонда шудааст, ки аз ин шумора айни ҳол 171 корхона дорои сертификати амалкунанда мебошанд.
Бо мақсади дастгирии соҳибкорон ва тақвияти рушди содирот, барои таҳияи стандартҳои маҳсулоти кишоварзӣ ва бе монеа роҳ ёфтан ба бозори ҷаҳонӣ бо ташаббуси  “Тоҷикстандарт” дар ҳамкорӣ бо созмонҳои байналмилалӣ барои содироти маҳсулоти ватанӣ ба хориҷи кишвар гурӯҳи кории техникӣ ташкил карда, машварату тавзеҳот барои содирот ва назорати сифати маҳсулоти пиёзи барвақтӣ ва хурмо таҳия шуданд. Дар доираи ин ҳамкориҳо оид ба меваҳои тару тоза  аз тарафи агентӣ стандартҳои «Себи хушк», «Олуи хушк» ва «Зардолуи хушк» ҳамчун стандарти миллӣ таҳия ва  қабул гардиданд.
Нозирони агентӣ ҷиҳати иҷрои Фармони Президенти Ҷумҳурии Тоҷикистон  «Дар бораи эълон намудани мораторий ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолӣ» фаъолияти санҷиширо дар корхонаҳои истеҳсолӣ пурра қатъ ва ба корҳои фаҳмондадиҳӣ иваз намуда, давоми нимсолаи аввали соли равон 1077 маротиба  оид ба талаботи регламентҳои техникӣ, 803 маротиба оид ба талаботи ҳуҷҷатҳои меъёрӣ - техникӣ ва 43 маротиба оид ба талаботи стандартҳои байналмилалӣ дар корхонаҳои истеҳсолӣ корҳои фаҳмондадиҳӣ гузаронданд. 
Матлубаи АБДУҚАҲҲОР, “Ҷумҳурият”


 


Баёни ақида (0)    Санаи нашр: 20.08.2018    №: 164 - 165    Мутолиа карданд: 280
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед