logo

иқтисод

ВАНҶ. БУНЁДИ 246 ИНШООТ ДАР СОЛҲОИ СОҲИБИСТИҚЛОЛӢ

Имрӯзҳо бо дастуру ҳидоятҳои Сарвари давлат дар  доираи  омодагиҳо ба Ҷашни бузурги  миллӣ – 30 - солагии  Истиқлолияти давлатӣ дар тамоми манотиқи ҷумҳурӣ корҳои ободонӣ ва созандагӣ вусъати  тоза  касб  кардаанд. Дар ноҳияи  Ванҷ  ҳам  дар  ин  самт  бунёдкориҳои  зиёд  ба назар мерасанд.
Тавре Давлатбибӣ Раҷабова, раиси ноҳия, иброз намуд, симои  маркази ноҳия ва  деҳоти он тайи 27 соли соҳибистиқлолӣ  бо қомат афрохтани иншооти гуногун  комилан дигаргун шуд. Дар  ин  давра дар  ноҳия танҳо бо  маблағгузориҳо аз  Буҷети  давлатӣ  246 иншоот ба маблағи 250 миллион сомонӣ сохта ба истифода дода шудааст, ки дар онҳо садҳо нафар сокинони  ноҳия бо ҷойи кор таъмин гардиданд. То  Ҷашни  30 - солагии  Истиқлолияти  давлатӣ  дар  ноҳия  аз  ҳисоби ҳамаи сарчашмаҳои  маблағгузорӣ  сохтмони  боз  105  иншооти  муҳими  иқтисодӣ, иҷтимоию фарҳангӣ  дар  назар  аст. Мардуми   ноҳия  ҳамаи ин созандагиҳоро ба таваҷҷуҳу дастгириҳои  Пешвои миллат муҳтарам Эмомалӣ Раҳмон ба ин сарзамин марбут медонанд.
Ба  гуфтаи  раиси  ноҳия, танҳо  соли  равон дар арафаи таҷлили  ҷашни миллӣ 15 иншооти хурду  бузург мавриди истифода  қарор мегирад. Ин бунёдкориҳо баробари зам намудани зебоӣ ба симои ноҳия барои таъмини садҳо нафар бо ҷойи кори доимӣ заминаи мусоид фароҳам меоваранд.
Бо дастгирии Ҳукумати ҷумҳурӣ имрӯзҳо раванди корҳои созандагӣ дар иншооти ҷашнии ҳудуди ноҳия  авҷи тоза касб кардааст.
Имрӯзҳо дар маркази ноҳия сохтмони биноҳои муассисаи таҳсилоти миёнаи умумии №4, мақомоти иҷроияи маҳаллии ҳокимияти давлатии ноҳия, Қасри фарҳанг, майдонҳои Нишон ва Парчами давлатӣ, муҷассамаи шоҳ Исмоили Сомонӣ, навсозию  асфалтпӯшонии роҳҳои марказӣ босуръат идома дорад. Хишти  аввали  аксари  ин  иншоотро  моҳи  августи  соли  2016  ҳангоми  сафари  кории  навбатӣ  ба  вилоят  Сарвари давлат  муҳтарам  Эмомалӣ  Раҳмон  гузошта  буданд. Аҳли  шаҳраки  Рохарв, ҳамчунин, ба ободонии атроф ва кабудизоркунӣ низ таваҷҷуҳи хосса зоҳир менамоянд.  Дар кӯчаи  марказии  шаҳрак бинои сеошёнаи мақомоти иҷроияи ҳокимияти давлатии ноҳия  қомат  меафрозад. Иншооти мазкур аз ҷониби Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон бунёд ёфта, бо  ин  мақсад  бештар  аз  8 миллион  сомонӣ  ҷудо  гардидааст. Бо ҷаҳду талоши сохтмончиён имрӯзҳо корҳои рангуборкунӣ ва пардозгарии бино дар арафаи анҷомёбианд. Дар бунёди иншоот 70 нафар коргарон, ки  аксарияташон сокинони  маҳаллӣ  мебошанд, саҳм мегузоранд. 
Дар  наздикии  бинои  мақомоти иҷроияи маҳаллии ҳокимияти  давлатии  ноҳия  сохтмони бинои нави муассисаи  таҳсилоти  миёнаи  умумии   рақами 4  дар  арафаи  анҷомӣ қарор дорад. Ин  иншоот аз 3 ошёна иборат буда, барои 640 хонанда дар як баст пешбинӣ  шудааст. Барои   бунёди  он  аз ҳисоби буҷети давлатӣ  15 миллион сомонӣ ҷудо гардидааст. Дар  ин  ҷо 86  нафар сохтмончиёни  маҳаллӣ  ба  кор  машғуланд.
Корҳои  сохтмонӣ  дар бинои  Қасри  фарҳанги  ноҳия низ дар  арафаи  анҷомёбианд. Бино дуошёна буда,  онро  меъморони  вилояти  Суғд бо  тарҳи хоссаи меъмории миллӣ  пардоз ва ороиш  медиҳанд. Он дорои толори калони консертӣ, айвонҳо, толори тамрин ва ҳуҷраҳои корӣ буда, шабакаи ягонаи гармидиҳӣ   дорад.   Барои сохтмони  Қасри  фарҳанг  аз ҳисоби буҷети давлатӣ 8,5 миллион сомонӣ равона шудааст.
Айни  замон корҳои азнавсозӣ, васеъ, тахту  ҳамвор  ва  чароғонкунии роҳу  кӯчаҳои  маркази  ноҳия дар доираи нақшаи генералӣ идома  доранд. Бо  ин  мақсад  зиёда аз 13 миллион сомонӣ ҷудо  гардидааст. Дар  ин  ҷо аллакай  қариб  80    дарсади  корҳо  анҷом  дода  шудаанд.
Ҳамчунин, дар шафати роҳи марказӣ бо ҷалби маблағҳои буҷетӣ  ва соҳибкорону шаҳрвандони саховатпеша майдонҳои Нишони давлатӣ бо баландии 12 метр, Парчами давлатӣ бо баландии 30 метр ва муҷассамаи шоҳ Исмоили Сомонӣ бо баландии зиёда аз 10 метр бунёд мегарданд. Раиси ноҳия бунёди майдонҳои Парчаму Нишон ва муҷассамаи Исмоили Сомониро дар ноҳия нишонаи эҳтиром  ба муқаддасоти миллӣ арзёбӣ кард. Ӯ зикр  намуд, ки сокинони  ин  ноҳияи  дурдаст бо  шукргузорӣ  аз  Истиқлолияти  давлатӣ  ва   сулҳу  субот дастуру  супоришҳои  Сарвари  давлат муҳтарам  Эмомалӣ   Раҳмонро  сармашқи  кори  худ  карда,  дар  ободониву  шукуфоии  кишвари  азизамон бо ҳисси баланди ватандӯстӣ  саҳмгузорӣ мекунанд.
Раҳмони  ГУЛЗОР,
«Ҷумҳурият»

 

 

 


Баёни ақида (0)    Санаи нашр: 20.08.2018    №: 164 - 165    Мутолиа карданд: 132

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед