logo

иҷтимоиёт

ХОВАЛИНГ. ОМОДАГИҲО БА ХОТИРИ ТАҶЛИЛИ САЗОВОРИ ҶАШНИ МИЛЛӢ

Дар ноҳияи Ховалинг ба истиқболи сазовори Ҷашни 30 – солагии Истиқлолияти давлатии Ҷумҳурии Тоҷикистон корҳои ободониву созандагӣ вусъати тоза касб мекунанд. Тибқи нақша то соли 2021 дар ҳудуди ноҳия иншооти зиёди ҷашнӣ - биноҳои маъмурию фарҳангӣ ва корхонаҳои истеҳсолию хизматрасонӣ бунёд ёфта, марҳила ба марҳила мавриди баҳрабардорӣ қарор мегиранд.
Дар давоми шаш моҳи соли равон барои татбиқи 8  лоиҳа ба маблағи 21,34 миллион доллари ИМА корҳо азхуд карда шудаанд. Дар ин муддат ҳаҷми истеҳсоли маҷмӯи маҳсулоти дохилӣ ба 108450 ҳазор сомонӣ расонда шуд, ки нисбат ба ҳамин давраи соли гузашта 17390 ҳазор сомонӣ зиёд мебошад. Нақшаи ҷамъоварии андозҳо дар 6 моҳи соли 2018 барзиёд таъмин гардид. Ба буҷети маҳаллии ноҳия 7900,7 ҳазор сомонӣ ворид шуд, ки баробари 100,3 фоизи нақша мебошад. Аз ҳисоби иҷрои барзиёди қисми даромади буҷет барои рушди соҳаҳои иҷтимоӣ ва ободонии ноҳия 327 ҳазор сомонӣ ҷудо ва харҷ карда шудааст. Инчунин, сохтмони 4 муассисаи таҳсилоти миёнаи умумӣ барои 1180 ҷойи идома дорад. Рӯзҳои наздик сохтмони боз 2 муассисаи таълимӣ ва 2 маркази саломатӣ оғоз меёбад.
- Дар ноҳия 226,4 километр роҳҳои байналмилалӣ ва маҳаллии автомобилгард мавҷуданд. Бо дастури Пешвои миллат роҳи автомобилгарди байналмилалии Восеъ – Ховалинг пурра таъмиру навсозӣ гардид ва ин рӯйдод барои рушди соҳаҳои иқтисодиву иҷтимоӣ заминаи боэътимод гузошт, - гуфт зимни суҳбат раиси ноҳияи Ховалинг Мирзозода Нурулло.
Алҳол ба истиқболи 30 – солагии Истиқлолияти давлатии Ҷумҳурии Тоҷикистон бунёди боз даҳҳо иншооти таъйиноти гуногун идома дорад. Ноҳияи бостонии Ховалинг сол то сол аз ҳисоби созандагиҳо ҳусни тоза мегирад.
Бино ба гуфти ҳамсуҳбати мо, тайи шаш моҳ ҳаҷми хизматрасониҳои пулакӣ ба 14305,6 ҳазор сомонӣ расид, ки нисбат ба ҳамин давраи соли гузашта 833,7 ҳазор сомонӣ зиёд мебошад. Ҳаҷми умумии истеҳсоли маҳсулоти кишоварзӣ 15946,2 ҳазор сомониро ташкил дода, назар ба ҳамин давраи соли гузашта 2446,4 ҳазор сомонӣ афзуд. Дар 6367 гектар зироати кишоварзӣ, аз ҷумла 400 гектар ғалладона, 200 гектар картошка ва 66 гектар сабзавоту полезӣ кишт шудааст. Ҷиҳати таъмини иҷрои барномаи рушди соҳаи боғу токпарварӣ 10 гектар боғи куҳна барқарор ва 120 гектар боғи нав бунёд ёфт, ки аз ин 1 гектараш боғи интенсивӣ мебошад. Кормандони муассисаи давлатии хоҷагии ҷангали ноҳия 166 гектар ҷангалу боғи нав ва 2,5 гектар парваришгоҳи ниҳол бунёд намуданд. Танҳо баҳори имсол дар ноҳия қариб 30 ҳазор бех ниҳоли мевадиҳандаю сояафкан ва 60 ҳазор бех гулу буттаҳои ороишӣ шинонда шудааст.
Ховалинг бо ёдгориҳои беназири таърихӣ, аз қабили шаҳри қадимаи Мунк, деҳаи Хонақоҳ, Дараи Мухтор - зодгоҳи қаҳрамони халқи тоҷик Восеъ, мавзеъҳои Чилчанор, чашмаҳои Дашти Меш, Кӯлдара, Чепако, Уштурчаро, Ёкунҷ, Сурсақова, Қазғин, оромгоҳҳои Султон Увайси Қаранӣ, Хоҷа Айюби Ансорӣ, Амир Сайид Шафеӣ, Авлиёи Зелолак ва осорхонаи таърихиву кишваршиносии Восеъ мавриди таваҷҷуҳи хоссаи сайёҳони дохилию хориҷӣ қарор гирифтааст. Соли рушди сайёҳӣ ва ҳунарҳои мардумӣ эълон шудани соли 2018 ба рушди бахши сайёҳӣ дар ноҳия такони тоза бахшид. Аз рӯи таҳлилҳои оморӣ, ҳар рӯз ба ноҳия зиёда аз 600 сайёҳ ворид мешавад. Ҳоло барои бунёди инфрасохтори замонавии сайёҳӣ соҳибкорони ноҳия ва мамлакат ҷалб шудаанд.
- Бо боварии комил гуфта метавонем, ки Ховалинг дар солҳои наздик ба дастовардҳои аз ин ҳам баландтар соҳиб гашта, ба ин васила сатҳу сифати зиндагии мардум боз ҳам беҳтару хубтар мегардад, - гуфт дар хотимаи суҳбат Мирзозода Нурулло.
Холназар Касиров, «Ҷумҳурият» 

 

 

 


Баёни ақида (0)    Санаи нашр: 20.08.2018    №: 164 - 165    Мутолиа карданд: 351
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед