logo

иҷтимоиёт

РӮЗГОРЕ БАРОИ ИБРАТ

Пиримқул Сатторӣ пас аз хатми факултаи таъриху филологияи Донишкадаи  давлатии педагогии шаҳри Душанбе ба номи Т. Г. Шевченко (ҳоло Донишгоҳи давлатии омӯзгории Тоҷикистон ба номи С. Айнӣ) ба нашрияи «Ифтихори Вахш» (ҳоло «Вахш») - и ноҳияи Вахш ба кор фиристода мешавад. Ҳамин тавр, ӯ тақдирашро бо журналистика пайваста, дар роҳи хизмат ба халқу Ватан содиқона заҳмат мекашад. «Агар аз ман бипурсанд, ки рӯзномаи «Вахш» ба ту чӣ дод, фавран ҷавоб медиҳам: ҳама чизро. Пеш аз ҳама, чӣ тавр зистан, бо камбудиҳо оштинопазир будан, дӯст доштан, навиштану омӯхтан ва ғайраро ёд дод», - гуфта буд Сатторӣ.
Ҷаҳду талошҳои ӯро дида  ба рӯзномаи вилоятии «Ҳақиқати Қӯрғонтеппа» (имрӯза «Хатлон») ба кор даъват карданд. То охири умр ӯ дар ин даргоҳ содиқона хизмат намуд. Дар баробари ин, роҳбарии маҳфили адабии «Гулбарг» - ро ба уҳда дошт, ки худаш онро дар назди рӯзнома таъсис дода буд.
Ман он замон ходими рӯзномаи ноҳиявӣ будам ва гоҳ – гоҳ хабару мақола навишта, ба идораи «Ҳақиқати Қӯрғонтеппа» меовардам. Ҳамеша медидам, ки хоҳ дар рӯйи ҳавлӣ бошад, хоҳ дар дафтари корӣ  ҷавонон дар гирди Сатторӣ ҳалқа зада, аз ҳар боб суҳбат менамуданд. Мавсуф бештар аз шеъру мавқеи шоир дар зиндагӣ сухан мегуфт. Аз ашъори классикон байтҳои пурҳикмат мехонду камҳавсалагии ҷавононро мазаммат мекард.
Аз камҳавсалагии ҷавонон шикоят бурданаш шояд ҷон дошту маънии дигар. Зеро Сатторӣ ҳамчун шоир дар ҷодаи суханварӣ, бо тозагии фикру мавзӯъҳои асрорангез ранҷи бисёр кашида, синнаш ба 50 расида бошад ҳам, ашъораш ҳанӯз ҳам дар дафтари сиёҳнависаш мехобид. Ҳамагӣ як китобаш бо номи «Пайғом» (соли 1979) ба дасти ҳаводорони шеър расида буд.
Танҳо баъди он ки замона дигар шуду қадри суханвар ҳам баланд рафт, асарҳои Пирумқул Сатторӣ низ бо номҳои «Боли парвоз» (1986), «Хӯшаи парвин» (1989), «Дуди ҳасрат» (дар ҳамкорӣ бо Алимуҳаммад Муродӣ, 1993), маҷмӯаи дастаҷамъии «Посира» (дар якҷоягӣ бо Алимуҳаммад Муродӣ,  Зариф Ибод, баъди маргаш) ба дасти чоп расиданд. Шоир дер ҳам бошад, ба узвияти Иттифоқи нависандагони Тоҷикистон пазируфта шуд.
Ҳунарпешаи халқии Тоҷикистон Зафар Нозим ва Ҳофизи халқии Тоҷикистон Тағоймурод Хушвақтов шеърҳои ӯро ба оҳанг дароварда замзама мекарданд. Т. Хушвақтов дар бораи Сатториву эҷодиёташ чунин гуфта буд: «Ёру дӯстон аз ашъори классикону шоирони рӯз шеърҳои зиёд наздам қироат мекарданд, фарзандон дар хона аз ҳар гуна ҳафтаномаву маҷалла, ки дастрас мешуд, шеърҳояшро бароям мехонданд. Вале лаҳзаеро ҳеҷ фаромӯш намекунам. Рӯзе фарзандам як шеъре бароям хонд. Гӯё дилам аз қафаси синаам берун шуда бошад, тапиши набзамро бараъло мешунидам. Пурсидам: Моли кист? Гуфт, ки шеъри Сатторист, дар рӯзномаи «Ҳақиқати Қӯрғонтеппа» чоп шудааст. Ҳамон шабу рӯз шеърро якчанд маротиба бароям хонданд. Зуд аз худ шуд, оҳангаш ҳам ба зудӣ пайдо гашт. Акнун дилам дигар хел хурӯш мекард, табли шодӣ мезад. Аз ҳамон вақт худамро шахси хушбахт меҳисобам, ба саҳна хушҳол мебарояму бо ҳамон табъи болида суруд мехонам.
Ман ошиқам ба духтари зебои зиндагӣ,
Бар ғунчаи шукуфтаи раънои зиндагӣ».
Исматулло ҲАСАНОВ,
ноҳияи Абдураҳмони Ҷомӣ

 


Баёни ақида (0)    Санаи нашр: 22.08.2018    №: 166    Мутолиа карданд: 399
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед