logo

иқтисод

МУЪМИНОБОД. АФЗАЛИЯТ БА КАРТОШКАПАРВАРӢ

Картошкапарварӣ яке аз соҳаҳои сердаромади хоҷагии халқи кишвар буда, дар таъмини амнияти озуқаворӣ – яке аз ҳадафҳои стратегии давлат ва Ҳукумати Ҷумҳурии Тоҷикистон нақши муҳим дорад. Муъминобод яке аз ноҳияҳои калонтарини картошкапарварии вилояти Хатлон ба ҳисоб рафта, иқлими муътадили он барои парвариши ин зироат хеле мувофиқ аст.
Майдони картошка дар ноҳия дар ҳамаи шаклҳои хоҷагидорӣ 1920 гектарро ташкил медиҳад. Бино ба иттилои раиси ноҳия Тоҳирхон Амиршозода, ҳосили баланди картошка аз интихоби тухмии  аълосифат вобастагии калон дорад. Картошкапарварони ноҳия имсол зиёда аз 4 ҳазор тонна тухмии хушсифати навъҳои хориҷии «Пикассо», «Кардинал», «Жуковский», «Сонбе», инчунин, тухмиҳои ватанӣ кошта, дар натиҷаи коркарди хуби агротехникӣ ҳосили баланд парвариш карда расонданд.
Боронҳои пайдарпайи охири баҳори имсола ҳам барои рӯёндани ҳосили фаровон ва ҳам барои сарфаи об мусоидат намуданд. Метавон гуфт, ки бисёр заминҳои лалмӣ ба обӣ табдил ёфтанд. Ҳоло ҷамъовариву дар анборҳо захира кардани картошка дар хоҷагиҳои деҳқонию ҷамъиятӣ ва инфиродӣ идома дорад. Деҳқонон дар мавсими ҷамъоварӣ аз  техникаҳои ҳосилғундор, аз ҷумла тракторҳое, ки КВДҶ «Агролизинг» ба онҳо туҳфа кардааст, самаранок истифода бурда истоданд. То имрӯз аз 286 гектар замин картошкаи хушсифат ҷамъоварӣ карда, истеҳсоли маҳсулот ба 6 ҳазору 656 тонна расонда шуд. Ҳосилнокӣ аз ҳар гектар 260 - сентнериро ташкил дод. Тавре сардори раёсати кишоварзии ноҳия Ҷумъахон Сафарзода зимни суҳбат ба хабарнигори «Ҷумҳурият» гуфт, имсол барои картошкапарварон соли бобарору пурфайз омад. Новобаста аз он, ки деҳқонон имсол ҳар кило тухмиро бо нархи 3 сомонӣ хариданд, ҳосили баланд хароҷотро барзиёд мепӯшонад ва боз даромади калон меорад. Деҳқонон ҳини парвариши картошка аз нуриҳои минералӣ, пору ва бар зидди ҳашароти зараррасон, хусусан гамбусаки калоридӣ, аз заҳрхимикатҳои сахттаъсир хеле моҳирона истифода бурданд.
Кишоварзони ноҳия дар назди худ мақсад гузоштаанд, ки имсол истеҳсоли картошкаро ба 50 ҳазору 960 тонна ва ҳосилнокиро аз ҳар як гектар ба 350 - сентнерӣ расонда, дар таъмини амнияти ғизоии мамлакат саҳми арзандаи худро гузоранд.
Холназар КАСИРОВ, «Ҷумҳурият»   


Баёни ақида (0)    Санаи нашр: 22.08.2018    №: 166    Мутолиа карданд: 254

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед