logo

иқтисод

НАМАКИ ЙОДНОК ХУРУҶИ АКСАР БЕМОРИҲОРО ПЕШГИРӢ МЕКУНАД

(Бардошт аз мизи мудаввар)
Дар маҷмаи «Душанбе Плаза» доир ба мавзӯи «Роҳҳои татбиқи босамари Қонуни Ҷумҳурии Тоҷикистон «Дар бораи йоднокгардонии намак» мизи мудаввар баргузор гардид.
Таъкид гашт, ки ҳадафи асосии ташкили ин чорабинӣ пешгирӣ аз бемориҳое, ки аз норасоии йод сар мезананд ва роҳҳои ҳалли мушкилоти дар ин самт ҷойдошта мебошад. Норасоии йод инсонро ба бемориҳои гуногун, аз ҷумла ҷоғар, камхунӣ, заъфи қувваи ҳофиза, камақлӣ, тавлиди кӯдаки мурда, қобилияти ками биноӣ, шунавоӣ, нутқ, беқувватӣ, ҳассосият, фарбеҳӣ, қадпастӣ оварда мерасонад. Ба гуфтаи мутахассисон, тайи солҳои охир дар ҷаҳон ин гуна бемориҳо афзоиш ёфта истодаанд. Яке аз роҳҳои афзали пешгирӣ намудани аксари ин бемориҳо йоднок намудани маводи хӯрока, махсусан намак  ва таъмин намудани организм бо йод мебошад. Дар кишвари мо низ айни ҳол занону кӯдакони мубталои ин беморӣ  зиёданд. Воқеан, нарасидани йод дар ҳама марҳилаҳои инкишофи ҷисмонии инсон таъсири худро мерасонад.
Лучиано Колостин, роҳбари Хазинаи кӯдакони СММ дар Тоҷикистон, аз ташкили чунин чорабинии хеле муҳим бо изҳори қаноатмандӣ андешаи худро чунин баён намуд:
- Қонуне, ки дар ин самт қабул шуда, тайи яку ним даҳсола амал мекунад, хеле муҳим ва саривақтӣ мебошад. Шурӯъ аз ба даст овардани истиқлолият дар саноати хӯроквории Тоҷикистон мо пешравиҳои хеле зиёдро шоҳид гаштем. Вале ҳанӯз ҳам кори мо ба анҷом нарасидааст. Гумон мекунам, ки масъалаи таъмини ғизои солим аз ҳама муҳим маҳсуб меёбад. Ҳарчанд нисбат ба солҳои қаблӣ вазъият хеле беҳтар шуда бошад ҳам.
Махсум Саидов, муовини раиси КВД «Хӯрокворӣ», доир ба ҳолати имрӯзаи истеҳсолоти намаки ошии йоднок ва йоднокгардонии намак дар Тоҷикистон  маълумоти муфассал дода, зикр намуд, ки намаки ошӣ маҳсулоти ҳаррӯзаи истеъмолии аҳолӣ мебошад. Маҳз бо роҳи йоднокгардонӣ  мо аҳолиро аз бемориҳои камбуди йод, хусусан ҷоғари эндемикӣ, эмин медорем.                                                                           
Тибқи маълумоти Агентии омори назди Президенти Ҷумҳурии Тоҷикистон, то имрӯз 12 корхона ба истихроҷ ва коркарди намаки ошӣ машғул мебошад. Айни ҳол намак асосан аз ҳисоби конҳои намаки ноҳияҳои Ашт ва Восеъ истихроҷ шуда истодааст.
Дар 7 моҳи соли ҷорӣ корхонаҳо  8199 тонна намаки ошӣ  истеҳсол намудаанд. Тибқи талаботи қонунҳои амалкунандаи кишвар, истихроҷ ва коркарди  намак танҳо дар сурати доштани иҷозатномаи махсус бояд ба роҳ монда шавад. Ба намаки истеъмолӣ бояд  мутобиқи  меъёр 60 грамм йод дар як тонна илова карда, ба фурӯш бароварда шавад.
Иштирокдорони мизи мудаввар аз он изҳори нигаронӣ намуданд, ки баъзе  корхонаҳо  йодро дар истеҳсоли намак нисбат ба солҳои пешин кам кардаанд. Ҳамчунин, дар нуқтаҳои савдо намакҳои йоднокнашуда ва ғайристандартӣ ба фурӯш гузошта шудаанд. Ё ин ки дар рӯи халтачаҳои намак навиштаҷоти «Намаки йоднокшуда» зикр шуда, дар асл таркиби онҳо тамоман йод надорад. Намакҳои воридотӣ низ дар таркибашон йод надоранд. Ин аст, ки аз тарафи кормандони  Хадамоти назорати давлатии тандурустӣ ва ҳифзи иҷтимоии аҳолии Ҷумҳурии Тоҷикистон  дар 6 моҳи соли равон зиёда аз 40 тонна намаки ошии ғайристандартӣ аз муомилот гирифта шуд. Мушкилоти соҳаи таъмини аҳолӣ бо намаки йоднок аҳамияти умумиҷумҳуриявӣ дошта, ҳалли он ҳамкории дастаҷамъонаро талаб менамояд.
Матлубаи АБДУҚАҲҲОР, «Ҷумҳурият»

 

 

 

 


 


Баёни ақида (0)    Санаи нашр: 22.08.2018    №: 166    Мутолиа карданд: 108

26.09.2018


ЗАБОН ВА ҲУВИЯТИ МИЛЛӢ

Идомаи машқҳои зиддитеррористии «Иссиқкӯл - 2018» дар Қирғизистон

Ёрӣ ба 17 кишвари Иттиҳоди Аврупо ҷиҳати бартарафсозии оқибати хушксолӣ

Иттиҳоди Аврупо Осиёи Марказиро маблағгузорӣ мекунад

Қазоқистону Ӯзбекистон моҳвораи муштарак сохтанианд

ҶАҲОН ДАР ЯК САТР

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд


Дар сомонаҳои дигари Тоҷикистон хонед