logo

сиёсат

ҲНИ ВА ТАМОЮЛҲОИ ТУНДГАРОӢ ДАР РАВАНДИ СИЁСӢ

Оғози давлатдории мустақили тоҷикон бо шиддатгирии равандҳои сиёсӣ – тазоҳуроту табаддулот дар заминаи фалаҷгардии ҳокимияти давлатӣ бо дахолати неруҳои сиёсии хориҷа рост омад. Нақшаи табаддулоти давлатӣ дар Тоҷикистон иқдоми ногаҳонӣ набуда, ҳанӯз солҳои 80 - уми қарни XX аз ҷониби тарроҳони хориҷӣ таҳия шуда буд.
Тавре маълум аст, дар ибтидои Истиқлолияти давлатӣ бо кӯшиши гурӯҳҳои манфиатҷӯ вазъият дар мамлакат мураккаб гардида, ҳамоишҳои бомусолимат якбора ба муноқишаҳои яроқнок табдил ёфтанд. Қатли пешвоён, шахсиятҳои фарҳангиву равшанфикрони миллат, таъқиби рақибони сиёсӣ, маҳалгароӣ ва ғасби ҳокимияти давлатӣ шурӯъ гашта, ҷанги шаҳрвандиро ба миён овард, ки ба ин раванд ташкилоти террористӣ - экстремистии Ҳизби наҳзати исломӣ сарварӣ мекард.
Хушбахтона, бо талошҳои беназири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пеши роҳи ҷанги таҳмили шаҳрвандӣ гирифта шуда, бо имзои Созишномаи умумии истиқрори сулҳ ва ризоияти миллӣ дар Тоҷикистон марҳилаи нави давлатсозӣ оғоз гардид. Ҷумҳурии Тоҷикистон таҳти сарварии ин сиёсатмадори сатҳи ҷаҳонӣ ба низоми сиёсии ҷадид – эътирофи гуногунандешии сиёсӣ, ташкили низоми бисёрҳизбӣ ва порлумони дупалатагӣ ворид гашт. Самараи сулҳу ваҳдати миллӣ буд, ки Тоҷикистон тавонист, дар муддати кӯтоҳи таърих ба қатори 11 давлати рӯ ба инкишоф шомил шуда, ҳаёти давлативу ҷамъиятӣ ба маҷрои рушди муътадил ворид гардад.
Рушди бонизоми кишвар ва иттиҳоди миллӣ ба аъзои ТТЭ ҲНИ хуш наомад, ки ахиран ба ҷиноятҳои вазнин, ташкили задухӯрдҳои мусаллаҳона дар ҳудуди кишвар, кӯшиши амалӣ намудани табаддулоти давлатӣ даст заданд. Ҳаракатҳои ҷинояткоронаи ин гурӯҳи террористӣ бо далелҳои қотеъ исбот шуда, ниҳоят 29 сентябри соли 2015 фаъолияти он аз ҷониби Суди Олии Ҷумҳурии Тоҷикистон дар қатори 16 ҳизбу ҳаракати террористию экстремистӣ мамнӯъ эълон гардид. 
Шаҳрвандони фирефташуда ва гумроҳ якояк аз аъзогии ин ҳизби террористию экстремистӣ баромада, саркардаҳояш ба хориҷи кишвар ба назди хоҷагони худ фирор намуданд. Имрӯзҳо ТТЭ ҲНИ бо зиёда аз 20 ҳизбу ҳаракат ва гурӯҳу ташкилотҳои террористию экстремистӣ, ба монанди «Ҳаракати исломии Туркистони ғарбӣ», «Ҳизби исломии Туркистон» (собиқ Ҳаракати исломии Ӯзбекистон), «Ихвон - ул - муслимин», «Ҳизб - ут - таҳрир», «Ҷамоати Ансор - ул - лоҳ», «Салафия», «Давлати исломӣ», «Ҷабҳат - ун - Нусра», ҳамкорӣ дошта, аъзои он бо амалҳои ифротию террористии худ дар амри ангезиши зиддияти фарҳангу тамаддунҳо, давлату миллатҳо ва мардуми осоишта талош меварзанд. Ташкили ҳамоишҳо дар Дортмунди Олмон (моҳи июли соли 2018), нишастҳои матбуотӣ ва эълони ҷанги иттилоотӣ тавассути шабакаҳои иҷтимоии интернетӣ ва дигар расонаҳои иттилоотӣ бозгӯи ин иқдоманд. Гузашта аз ин, зиёда аз 1000 нафар аъзои ҲНИ дар муноқишаҳои Сурия, Ироқу Яман, Афғонистон ва Фаластин иштирок дошта, ҳамарӯза таҳдиди вуруд ба Тоҷикистонро доранд.
Хайрияҳои ТТЭ ҲНИ, ки асосан аз ҷониби ташкилотҳои ғайриҳукуматии хориҷа маблағгузорӣ мешаванд, ҳамасола барои ташкилу баргузории чорабиниҳои зидди Тоҷикистон ва суботи ҷомеаи он равона мегарданд. Ин аст, ки аз соли 2017 дар фазои Созмони Аҳдномаи Амнияти Дастаҷамъӣ ТТЭ ҲНИ ҳамчун ташкилоти террористию экстремистӣ дар қатори 500 ташкилоти террористӣ эътироф  гардида, аъзои он дар ҷустуҷӯи ҷиноятӣ қарор доранд.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чандин маротиба дар суханрониҳои худ иброз намуданд, ки Созишномаи умумии истиқрори сулҳ ва ризоияти миллӣ дар Тоҷикистон миёни Ҳукумати Тоҷикистон ва Иттиҳоди неруҳои мухолифин имзо шуда, бо ТТЭ ҲНИ ҳеҷ рабте надорад.
ТТЭ ҲНИ ҳамчун неруи сиёсӣ аз лаҳзаи ташкилёбиаш дорои консепсия ва ё назарияи пешнавиштае набуда, фалсафаю ҷаҳонбинӣ ва ҳадафу ормони мустақили худро доро набуд. Ҳатто, аз рӯзи расман эътироф шуданаш ҳамчун ҳизби сиёсӣ мавриди интиқоди сахти рӯҳониёни бонуфузи кишвар оид ба ҳизб эҳтиёҷ надоштани ислом ё худ гирифтани вожаи «ислом» аз номи ҳизб гардида буд.
ҲНИ нахуст чун гурги дар пӯстини гӯсфандбуда, ҳамчун як созмони ислоҳотхоҳи иҷтимоӣ солҳои 90 - уми асри гузашта дар Тоҷикистон ба майдони сиёсат омада, бо мурури замон ба як неруи сиёсии низомӣ ва ниҳоят ба ташкилоти террористию экстремистии  фаромиллӣ табдил ёфт.
Тамоюли сиёсикунии ислом тибқи дурнамои ин гуна мамолик, ташкилот ва корпоратсияҳои фаромиллии исломӣ ба мақсад ва манфиатҳои исломӣ хос набуда, сабаби «исломҳаросӣ», пастшавии нуфузу шуҳрати олами ислом ва вазниншавии ҳаёти мусулмонон дар рӯи Замин гаштааст.
Баргузории Конфронси байналмилалии илмӣ - тадқиқотӣ оид ба фаъолияти ташкилотҳои террористию экстремистии Ҳизби наҳзати исломӣ ва «Ихвон - ул - муслимин» дар шаҳри Қоҳираи Ҷумҳурии Арабии Миср (1 августи соли 2018) бозгӯи ба неруи террористии байналмилалӣ табдил ёфтани ин гурӯҳҳо буда, тибқи банди 5 қатъномаи он аз Эрон дахолат накардан ба корҳои дохилии мамлакатҳои арабӣ ва дигар кишварҳои хориҷӣ, бахусус Тоҷикистон, худдорӣ аз дастгирии сиёсӣ, низомӣ ва молиявии созмонҳои террористӣ ба мисли «Ихвон - ул - муслимин» ва ҲНИ, эҳтироми истиқлолияту соҳибихтиёрии кишварҳо талаб карда шудааст.
Новобаста аз таҳдиду ҳаракатҳои тундгароёнаи ТТЭ ҲНИ итминон дорем, ки сулҳу субот ва ваҳдату якдилии тамоми халқи Тоҷикистон бебозгашт буда, халқи мо бо фарҳанги таҳаммулгаро ва ҷаҳонгири тоҷикона, бо маърифат ва номусу шарафи тоҷикона, бо азму талошҳои пиру барнои Ватан ва тоҷику тоҷикзабонони тамоми дунё, бо иродаву раҳнамоиҳои Пешвои муаззами миллат муҳтарам Эмомалӣ Раҳмон ба ҳадафҳои олии миллат ноил гардида, мавқеи геополитикӣ ва геостратегии худро боз ҳам таҳким мебахшад!
Ҷамшед ҶӮРАЗОДА,
ректори ДДХ ба номи академик Бобоҷон Ғафуров,
доктори  илмҳои таърих, профессор


Баёни ақида (0)    Санаи нашр: 27.08.2018    №: 169    Мутолиа карданд: 313

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед