logo

иҷтимоиёт

ОСОРХОНА БАРОИ ОСОРХОНА?!

Осорхонаи геологии Ҷумҳурии Тоҷикистон солҳои 40 – уми қарни гузашта бо мақсади тадқиқоти илмӣ ва ошноии муҳаққиқони бахши геология ба фаъолият пардохтааст. То имрӯз дар  бинои он  3 ҳазор намунаи сангу металлҳои қиматбаҳои сарзамини Тоҷикистон ҷамъоварӣ шудааст, ки  дар пешбурди  корҳои ҷустуҷӯи геологӣ ва дарёфту коркарди ашёи хоми ватанӣ аҳамияти зиёд доранд.
Мунира Шарифова, мудири осорхона, изҳор дошт, ки муассиса аз ҳисоби муштариён ҳеҷ даромад надорад, то ҳадди ақал барои таъмини рӯшноии дохили он фурӯзонак бихарем. 
- Ҳаққи воридшавӣ ба осорхона ҳамагӣ 3 сомонӣ муқаррар шудааст. Аммо баъзе  шаҳрвандон, ҳатто аҳли илму адаб,  вақте мефаҳманд, ки  тамошои дохили осорхона пулакист, аз пардохтани ҳамин маблағи ночиз низ худдорӣ менамоянд ва бо баҳонае аз назди дари осорхона бармегарданд. Аз сабаби даромад надоштан солҳо боз қисми бештари воҳидҳои кории осорхона холианд. Барои таъмини пурраи рӯшноии толори сангу металлҳои қиматбаҳо асбобу таҷҳизоти зарурӣ каманд ва бо ин сабаб шаклу намуди маъданҳои кӯҳӣ, ҳатто ҷилои тилло, дар ин ҷо намоён нест. Бисёре аз соҳибкорону сармоягузорони ватанию хориҷӣ, ки мехоҳанд, дар бораи маъданҳои кӯҳии кишвар маълумот дошта бошанд, аз вуҷуд доштани осорхона огоҳ нестанд. Агар кумитаю вазоратҳо зимни ташрифи ҳайати намояндагони иқтисодию тиҷоратии давлатҳои хориҷа боздиди меҳмонон аз осорхонаи геологиро ба барномаи кориашон ворид намоянд, ба манфиати кор мебошад. Ба ин васила хориҷиён бо дороии табиии кишвар беҳтар ошно шуда,  ин амал барои рушди сармоягузории соҳаи коркарди ашёи хоми ватанӣ ёрӣ мерасонад. Дар акси ҳол аз фаъолияти осорхона натиҷае ба даст нахоҳад омад, - гуфт М. Шарифова.
Бархе аз аз шоирону нависандагони муосири кишвар дар осори худ аз лаълу  ёқути диёрамон   тавсиф менамоянд, вале онҳо иқроранд, ки  ин маъданҳои кӯҳии мамлакатро боре аз наздик надидаанд. Ҳадди ақал барои тамошои ганҷинаи сарзамини кишвар маротибае ба осорхонаи геологӣ   ворид нашудаанд. Пас, чӣ расад ба шаҳрвандони дигари  кишвар?
Ба гуфтаи Мунира Шарифова, тӯли чанд соли фаъолият ба тамошои осорхонаи геологӣ омадани адибонро надидааст.
Маъмулан ҳар чизе, ки аз истифода берун мемонад, моли таърих мешавад ва дар гӯшаи осорхонае гузошта мешавад. Ҳоло осорхонаи геологӣ ҳам аз мадди назарҳо  дур мондааст. Аз сабаби он ки  ҳоло ба ин муассисаи илмӣ таваҷҷуҳи хонандагону донишҷӯён, олимону адибон ва кормандони давлатӣ коҳиш ёфтааст, шояд нигораю маҳсулоти дигари осорхонаро барои рӯнамоӣ ба осорхонаи дигар супоридан беҳтар аст?!
Имрӯзҳо дар доираи Соли рушди сайёҳӣ ва ҳунарҳои мардумӣ вақти он расидааст, ки на танҳо олимону пажӯҳишгарон, балки донишҷӯёну хонандагони муассисаҳои таҳсилоти миёнаи умумӣ ва коргарони соҳаҳои гуногун  ба тамошои осорхона ҷалб карда шаванд. Дар ин ҳол онҳо доир ба ганҷҳои нуҳуфтаи сарзамини мамлакат тасаввуроти дуруст пайдо менамоянд ва чӣ арзиш доштани онҳоро мефаҳманд. Ҳамчунин,  аҳамияти иқтисодии сарватҳои табиии мамлакат  барои онҳо  аён мегардад. Бо ин роҳ соҳибкорону сокинони мамлакат ба коркарди маъданҳои кӯҳӣ бештар майл пайдо менамоянд ва дар самти саноати коркард нақшаю лоиҳаҳои нав ба вуҷуд меоянд.
Ташрифулло САЪДУЛЛОЕВ,
«Ҷумҳурият»

 

 

 

 

 


Баёни ақида (0)    Санаи нашр: 27.08.2018    №: 169    Мутолиа карданд: 359
26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД


Дар сомонаҳои дигари Тоҷикистон хонед