logo

иҷтимоиёт

РӮЗГОРЕ БАРОИ ИБРАТ

Ин бардошт аз  воқеият аст. Зеро аз фаъолияти чунин шахсиятҳо кам достону қиссаҳо китобат намешаванд. Ва ҳар он касе, ки ба ин шараф даст меёбад, мондагори таърих аст. Фарзандону набераҳои  зиндаёд бобои Мулло Саид, ки парвардаи обу хоки мавзеи баландкӯҳи Сари Хосор мебошанд, соҳиби ҳамин гуна рисолатанд. Ҳама аҳли фаҳм, пешоҳанг, донишманд, оқилу олим ба воя расида, бо накухоҳию хизматрасонӣ ном баровардаанд.
Ғайбулло фарзанди хурдии  раиси  Авзал  буд. Ӯ баъди аъло хатм намудани Донишкадаи кишоварзӣ (ҳоло ДАТ ба номи Шириншоҳ Шоҳтемур) корро аз лабораторияи байтории вилояти вақти Кӯлоб ба ҳайси духтури ҳайвонот оғоз менамояд. Баъдтар ӯро ба ноҳияи Темурмалик, ки вазъи чорводориаш аз паҳн  гардидани бемории сил ва бурселлёз хеле ташвишовар буд, мефиристанд. Кор хеле сахт буд. Ба мутахассиси ҷавон зарур  омад, ки ҳамроҳи чорводорон шабу рӯзро сипарӣ бикунад. Масъулиятшиносӣ ва мушкилнописандӣ ва аз ҳама муҳимаш дониши ҳаматарафаи соҳаи байторӣ ба ӯ имкон доданд, ки дар давоми ду сол   бемориҳои хатарнокро пурра аз байн бибарад ва ба забҳи маҷбурии чорво хотима диҳад. Ин комёбии калони мутахассиси ҷавон бо ифтихорномаҳои ноҳиявию вилоятӣ қадр шуд.
Ғайбуллои Авзалро ба хоҷагии зотпарварии «Ҳисор» - и ноҳияи Фархор роҳхат доданд. Гап сари он буд, ки гӯсфандҳои ҳисорӣ  ба бемории қарасон гирифтор шуда буданду рӯзе 15 - 20 сар талаф меёфт.
Ғайбулло тамоми чорворо аз муоина гузаронд. Гӯсфандони касалро ҷудо намуда, зери карантини сахт қарор дод ва ба дармонбахшиашон  шурӯъ кард. Дар муддати 20  шабонарӯзи бо ҷаҳду ҷадал кор кардан даст дод, ки  бемории хатарнок  ба тамом аз байн бурда шавад. Ғайбулло дар Фархор чун байтори муъҷизакор  ном баровард. Ин комёбиҳо  сабаб шуданд, ки    ба мутахассиси ҷавон  вазифаи сардори сарраёсати кишоварзии вилоятро бовар намоянд. Ин роҳ ба сӯи сиёсати калон буд.
Сиёсатмадор  ҳамагӣ 37 сол дошт, ки дар яке аз ноҳияҳои калонтарини минтақаи Кӯлоб – Восеъ котиби якуми кумитаи ҳизбӣ интихоб гардид. Услуби дар ҷояш санҷидани супоришҳои ироагардида  мудом ба пешравии корҳо мусоидат менамуд. Воқеан, котиб баъди ахбори комиссия худаш шахсан қитъаҳои мавриди омӯзиши дастҷамъӣ қарордодашударо  дида мебаромад. Ва гурӯҳи ба «халтура» мусоидаткунандаро фош ва муҷозот менамуд. Ин тарзи кор дастовардҳоро дар ҳамаи ҷабҳаҳо афзун сохт.
Ҳамзамон, мушкилоти дигаре, ки ҳамарӯза барояш баҳсбарангез боқӣ мемонд, «пирамида» - и ҳамкориҳо  байни деҳқонони пахтакор ва саноатчиён буд. Деҳқон шабу рӯз заҳмат мекашиду сатҳи зиндагияш басо оҳиста боло мерафт. Вале, саноатчиён - заводҳои пахта  бошанд, бо заҳмати андак, ки амалҳои вазнин ба дӯши механизмҳост, даромади калон мегиранд ва аз имтиёзҳои зиёд бархӯрдоранд. Оқибати  пуштибонӣ аз заҳматкашон барояш  ба гирифтани  ҷазои сахти ҳизбӣ анҷомид. Ӯро ҳам аз вазифа озод ва ҳам чун кадри тасодуфӣ аз курси савуми  мактаби олии ҳизбии шаҳри Тошканд хориҷ  карданд. Ин самараи кори мафияи пахтаҷаллобон буд. Ба ин мафия аслан роҳбарияти  саноати пахтатозакунии кишвар сарварӣ  менамуд.   
Ғайбуллои Авзал чун бобои бузургвораш ба ноадолатиҳо муросо намекард. Балки муқобили ноадолатиҳои гӯшношунид ошкоро ба  мубориза бархост. Бо талошҳои пайгиронаи минбаъдааш собит намуд, ки ҳаққулзаҳмати пахтакорро дар  заводҳо ҳам аз тор мезаданду ҳам аз пуд. Аз паст нишон додани барориши нахи пахта ва аз будаш баланд изофа навиштани намнокии   пунба маъмурони заводҳоро  соҳибхазина ва забардастони аём гардонда буд. Хуллас, гунаҳкорони бегуноҳ пахтакорони заҳматкаш назди қаллобони ба миллионерӣ расида  солҳо  забонкӯтоҳию бенавоӣ мекашиданд. Пора сохтани ин занҷир, ки дар паси он садҳо мансабдорони сатҳи баланд рӯзгори шоҳона  сохта буданд, яке аз ҳамин гуна хизматҳои мондагори Ғайбуллои Авзал мебошад.
Ҳарчанд дар ин мубориза гурӯҳҳои манфиатҷӯ қасди ба зиндон кашидану аз байн бардоштанашро ҳам дар нақша доштанд, ӯ ба танҳоӣ муҳорибаро идома медод. Ҷасорату нотарсиаш буд, ки баъди се маротиба ба Москва сафар кардан, дар Кумитаи Марказии КПСС қаллобкориҳои заводҳоро фош намуда тавонист.   
Дар даврони соҳибистиқлолӣ ба муқобили авомфиребӣ муборизаи беамон эълон намудани Пешвои муаззами миллат муҳтарам Эмомалӣ Раҳмон найрангу ноадолатиҳои пахтаҷаллобон ошкор гардид. Ва, хушбахтона, барои пурра решакан кардани ин амали номатлуб Сарвари давлат ба деҳқонон мустақилият доданд, ки маҳсули заҳматашонро акнун  худашон бе миёнаравон  ба фурӯш бароранд. Ин амал ҳавасмандии деҳқононро  дучанд гардонд, онҳо бо хоҳиши худ дар заминҳои дар ихтиёр доштаашон аз кишти зироатҳои каммаҳсул даст кашида, ба пахтакорӣ рӯ оварданд. Ҳамин аст натиҷаи сиёсати созандаю  одилона.
Халқ бисёр хуб гуфтааст, ки тилло  ҳар куҷо бошад, ҷило медиҳад.  Ҷилои кордориҳои Ғайбуллои Авзал вақти дар ноҳияи Восеъ кор карданаш ба ҳайси раиси колхози «Коммунизм» дар чашми хурду бузург аён гашт.
Оре, кордонӣ, ҷонфидоӣ ва ба тамоми масъулият ба хизмати халқу Ватан камар бастан, Ғайбуллоро азизи дилу дидаи мардум намуд. Сабаби такроран дар порлумони мамлакат якчанд маротиба аз ноҳияи мазкур вакил интихоб шуданаш низ ҳамин буд. Дар ин маснад барои ҳалли мушкилоте камар баст, ки ба ҳифзи саломатии мардум робита дошт.
Бемории сил, ки дар деҳоти Пушён хуруҷ  намуд, ба ҳамсоядеҳот сироят мекард.  Деҳаҳои Нонҷемас, Дарнайчӣ, Ғелот, Эмомтаърифӣ, Кафтархонаро  фаро гирифт. Ғайбуллои Авзал аз мақомоти мутасаддӣ, бахусус Вазорати тандурустӣ бо ҷиддият тақозо намуд, ки баҳри аз байн бурдани мушкилот тамоми чораҳои солимгардонии халқи ба «эпидемия» гирифторшударо дарёбанд.
Комиссияи бонуфузи дар ин бахш сафарбаркардашуда  баъди ҳаматарафа омӯхтани мушкилот ҳалли масоили зиёд:  дар беморхонаи бемориҳои сили минтақа ба табобат фаро гирифтани шахсони бемор, дар деҳоти мазкур сохтани маркази саломатӣ барои аҳолии ин мавзеъ, аз ҷониби давлат ройгон ҷудо намудани хӯрокиҳои серғизо, аз қабили маҳсулоти ширӣ, гӯшт, дар назди мактаби калонтарини деҳа сохтани интернат барои кӯдакони  беморро аз ташкилотҳои  мутасаддӣ дархост намуд. 
Барои деҳаҳои деҳоти Пушён аз масофаи 20 километр овардани оби аз ҷиҳати экологӣ тоза ба нақша гирифта шуд. Илова бар  ин, хоҷагӣ ду даҳсола аз супурдани ҳамаи намуди андозҳо озод гашт. Ин чорабиниҳои иҷтимоӣ  бо мурури замон бемории хатарнокро аз деҳоти офатзада ба нестӣ бурд. 
Ғайбуллои Авзал дар давраи раиси вилояти Хатлон буданаш низ ба  ноҳия аҳамияти  ҷиддӣ медод.  Баҳри барқарор намудани хати об, ки дар натиҷаи обхезиҳо вайрону валангор шуда буданд, маблағи калон ҷудо кард ва онро аз нав барқарор намуд. Ин ҷо мактабҳои нави замонавӣ,   таваллудхона  ва боз чанд бунгоҳи тиббӣ  сохта шуданд. Кори неку  номи нек ҷовидон мемонад. Ин аст, ки дар ҳар хонадони маҳал Корманди шоистаи Тоҷикистон, номзади илмҳои иқтисодӣ, раиси Шӯрои куҳансолони мамлакат Ғайбуллои Авзалро чун ҳомӣ ва  инсони замираш пур аз раҳму  шафқат   мешиносанд.
Ғайбулло ҲАЛИМОВ,
рӯзноманигор


Баёни ақида (0)    Санаи нашр: 27.08.2018    №: 169    Мутолиа карданд: 363
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед