logo

иқтисод

РАШТ. ТАЪМИНИ АМНИЯТИ ОЗУҚАВОРӢ ДАР МАДДИ АВВАЛ

Мақомоти иҷроияи маҳаллии ҳокимияти давлатии ноҳияи Рашт вобаста ба талаботи давру замон ҷиҳати ба роҳ мондани шаклҳои нави боғдорӣ ва зироаткорӣ, тарзи нигоҳубин ва нигоҳдории  маҳсулоти хушсифат, таъмини аҳолӣ бо маҳсулоти тару - тозаи кишоварзӣ,  инчунин, содироти он ба хориҷа, як қатор тадбирҳо роҳандозӣ намудааст.
Муовини раиси ноҳия Ғайниддин Маннонов зимни суҳбат гуфт, ки алҳол зиёд намудани истеҳсоли маҳсулоти кишоварзӣ, васеъ кардани майдони боғот, аз ҷумла майдони боғҳои интенсивӣ, барқароркунии боғҳои куҳна, зиёд намудани майдони кишти зироат, бахусус кишти картошка ва хушзоткунии чорво дар мадди аввал қарор доранд. Имсол дар 70  гектар боғи нав бунёд, 161 гектар боғҳои куҳна барқарор гардид ва майдони кишти картошка ба 1205 гектар расонда шуд, ки нисбат ба соли гузашта 205 гектар зиёд мебошад.
Ҳаҷми умумии истеҳсоли маҳсулоти кишоварзӣ дар шаш моҳ 61 миллиону 576  ҳазору 400 сомониро ташкил намуд, ки нисбат ба ҳамин давраи соли гузашта (бо нархҳои ҷорӣ) 697 ҳазору 300 сомонӣ зиёд аст.
Тибқи маълумоти пешниҳодгардида, дар хоҷагиҳои кишоварзии ноҳия соли ҷорӣ  дар майдони 3108  гектар зироатҳои баҳорӣ кишт шуд.
Соли ҷорӣ кишоварзони  ноҳия дар бозори «Ховарон» - и шаҳри Душанбе ярмаркаи фурӯши маҳсулоти кишоварзӣ гузаронда, 29 тонна картошка, 5 тонна мева, 2,5 тонна сабзӣ  ва 550 кг гӯштро бо нархҳои нисбатан арзон ба сокинон ва меҳмонони шаҳри Душанбе пешниҳод  карданд.
Ба ғайр аз ин, дар маркази ноҳия - шаҳраки Ғарм хоҷагиҳои кишоварзии ноҳия 6 маротиба ярмаркаи фурӯши ниҳол гузаронда, 6  ҳазору 500 бех ниҳоли мевадиҳанда ва сояафканро ба фурӯш бароварданд.
Ҷиҳати беҳтар гардондани ҳолати мелиоративии заминҳо ва ба гардиши кишоварзӣ ворид намудани заминҳои аз гардиши кишоварзӣ берунмонда дар мавзеи Дашти Беоби Ҷамоати  деҳоти Ҳоит ба маблағи 650 ҳазор сомонӣ корҳои тахту ҳамворкунӣ ва ба масофаи 800 метр хобондани қубури  обгузар  ба  анҷом  расонда шуданд.
Дар Ҷамоати деҳоти Ясман канали «Ҳисорак-2» ба масофаи 8 км ва канали “Ҳисорак-1” ба масофаи 6 км  бо ҷалби соҳибкорон таъмир карда шуд. Инчунин, пойгоҳи обкашии «50 - солагии Тоҷикистон» дар Ҷамоати деҳоти Навдӣ, ки солҳои дароз аз истифода берун монда буд, таъмир ва 250 гектар замин  бо оби полизӣ таъмин гардид.
Бо дастгирии обистифодабарандагон наҳрҳои Сари Шӯхон ва Зуҳбед дар Ҷамоати деҳоти Аскалон, Шӯрак ва Яхакпаст дар Ҷамоати деҳоти Ҳиҷборак ва наҳри Қамбариён бо пойгоҳи обкашиаш дар Ҷамоати деҳоти Қалъаи Сурх аз таъмири ҷорӣ ва асосӣ бароварда, ба истифода дода шуданд.
Дар ноҳия  барои  нигоҳдории  маҳсулоти  кишоварзӣ, бахусус картошкаю  мева,  айни  замон 17 анбор бо  ғунҷоиши  14710 тонна  мавҷуд  аст, ки  7 ададаш  бо ғунҷоиши  1400 тонна таъмирталабанд. Тибқи  «Барномаи  рушди  иҷтимоию  иқтисодии  ноҳия  барои солҳои  2017 - 2020»  дар  назар аст, ки соли  2019  анборҳо  ба  пуррагӣ  таъмир  карда  шаванд.
Илова  бар ин,  соли  ҷорӣ  аз  ҷониби  Агентии  захираҳои моддии давлатии    назди  Ҳукумати  Ҷумҳурии  Тоҷикистон    бо  ғунҷоиши  2000 тонна  маҳсулот сардхона сохта  ба  истифода  дода  мешавад.
Сохтани сардхонаҳои нав, таъмири анборҳое, ки барои нигоҳдории маҳсулоти кишоварзӣ зарур арзёбӣ мешаванд, ҷалби техникаву  технологияи зарурии ҳозиразамон, таъмини заҳрхимикатҳо ва ҳалли проблемаҳои дигари соҳа мушкили деҳқононро бартараф намуда, барои рушду нумуи кишоварзӣ ва таъмини амнияти ғизоӣ имконоти хуб фароҳам меоранд.                                                                  
Дилшод АМИРОВ,
«Ҷумҳурият»

 

 

 


 


Баёни ақида (0)    Санаи нашр: 27.08.2018    №: 169    Мутолиа карданд: 178

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед