logo

фарҳанг

МЕРОСБАРИ ҲУНАРҲОИ МАРДУМӢ Ё БОНУЕ ДАР МИЁНИ РАНГҲОИ ЗИНДАГӢ

Соли рушди сайёҳӣ ва ҳунарҳои мардумӣ эълон гардидани соли 2018, ки аз ҷумлаи ташаббусҳои ояндасози Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди ҷомеаи кишвар аст, таваҷҷуҳ ба ин ду бахши судоварро бештар намуд. Дар доираи ин иқдом ҳунармандони гулдасти тоҷик, дар мисоли Рӯзигул Саидамирова, сокини ноҳияи Дарвози ВМКБ, имкон пайдо намуданд, ки ҳунарҳои мардумиро эҳёву тавсеа бахшанд ва аз ин роҳ шуҳрату фоида ҳам ба даст оранд.
Рӯзигул Саидамирова дар оилаи ҳунарманд ба воя расида, нозукиҳои ҳунари гулдӯзиро аз модараш Мавҷон Ҳикматова омӯхтааст. Бо вуҷуди яке аз китобдорони беҳтарини ноҳияи Дарвоз буданаш, дар хона маҷмӯи ҳунарҳои дастиро маҳфуз медошт, ки ҳоло дар тамоми ҷумҳурӣ муаррифӣ гардидааст.
Вақте ба ҳавлии ин бону ворид шудем, аз даромадгоҳ то тоқчаву сандуқҳо ҳама гулдӯзию сӯзаниҳои зебои миллӣ овезон буданд. Бинанда гумон мекунад, ки ин хонаи истиқоматӣ не, балки осорхонаи хурдест.
- Соли рушди сайёҳӣ ва ҳунарҳои мардумӣ барои мо дари имкониятҳои тозаро кушод. Мо ташвиши онро доштем, ки маҳсули ҳунари садсоларо чӣ гуна ҳифз намоем. Хушбахтона, имсол кормандони шабакаҳои телевизионӣ ва дигар васоити ахбори омма зуд - зуд аз хонаи мо дидан мекунанд ва гулдӯзию сӯзаниҳои модару модаркалонамро ҳамчун ашёи нодир муаррифӣ менамоянд. Иқдоми неки Пешвои миллат на танҳо ҷиҳати ҳифзи ёдгориҳои таърихию анъанавӣ, балки барои эҳё ва рушди онҳо заминаи мусоид фароҳам овард, - изҳор медорад Рӯзигул Саидамирова.
Се ҳуҷраи хонааш бо санъати баланд оро дода шудааст. Аз ҷумла, дар ҳуҷраи якум бардеворию сардеворӣ, оинахалтаю рӯймолҳои зебо, дар ҳуҷраи дигар ҷомаю гулдӯзиҳо ва дастархонҳои бонувони ҳунарманди ноҳияи Дарвоз, ки ба асрҳои 19 – 20 тааллуқ доранд ва дар ҳуҷраи сеюм кӯрпаю кӯрпачаҳо, болину бистарҳои гулдӯзишуда, қарамаҳои қадимию ҳозира, рӯймолҳои гуногундӯхт, куртаҳои навдӯхти навъи «Чоргули Дарвоз», тоқиҳои гулдӯзӣ ба намоиш гузошта шудаанд.
Ин зани ҳунармандро дар ноҳия ҳамчун муаррифгар ва эҳёкунандаи ҳунарҳои мардумӣ мешиносанд.  Ӯ соли 2016 дар озмуни «Эҳёи ҳунарҳои  мардумӣ» дар боғи Ирам ва 6 сентябри ҳамон сол дар озмуни «Сад ранги чакан» дар пойтахти кишвар ширкат намуда, сазовори «Шоҳҷоиза» гашт. Соли 2017 дар «Рӯзҳои фарҳанги ВМКБ дар вилояти Суғд» иштирок карда, соҳиби мукофот шуд. Инчунин, барои иштироки фаъолона дар озмунҳо бо «Сипоснома» - и Кумитаи кор бо занон ва оилаи назди Ҳукумати Ҷумҳурии Тоҷикистон сарфароз гардонда шуд.
Рӯзигул Саидамирова соли ҷорӣ боз чандин намуди гулдӯзиҳои қадимаро эҳё намуд. Номбурда бо иқдоми мақомоти иҷроияи маҳаллии ҳокимияти давлатии ноҳия 26 бонуи ҳунармандро ҷамъ оварда, асрори ҳунари худро ба онҳо меомӯзонад.
Шогирдони ӯ аллакай дар озмуну чорабиниҳои вилоятию ҷумҳуриявӣ ширкат варзида, ҳунарҳои ба худ хосси мардуми Дарвозро дар миқёси ҷумҳурӣ муаррифӣ карданд. То имрӯз зиёда аз 30 куртаи чакани зебои дарвозиро дӯхта, нақшу нигор ва гулкориҳои вижаи онро омӯхтанд.
Маҳмуд ҶӮРАЕВ,  «Ҷумҳурият»


Баёни ақида (0)    Санаи нашр: 28.08.2018    №: 170    Мутолиа карданд: 332

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед