logo

иҷтимоиёт

ЛАХШ. ДАШТИ САРТАЛО ОБШОР МЕШАВАД

Дар ноҳияи Лахш ҷиҳати иҷрои супориши Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба самаранок ва оқилона истифода бурдани замин, зиёд намудани майдони кишти картошка, ҷалби соҳибкорон ба ободонию бунёдкориҳо дар маҳалҳо тадбирҳои муҳим  роҳандозӣ мешаванд.
Садҳо гектар замини дашти Сарталои Ҷамоати деҳоти Сарталои ноҳия асрҳо аз беобӣ бекор хобида буд ва мардуми ин ҷо тӯли 40 – 50 соли охир кӯшиши обёрии онро менамуданд, аммо корёб намешуданд. Соли 2017 раиси ноҳия Баротзода Файзулло  Раҷаб таваҷҷуҳи соҳибкорони маҳаллиро ба ин самт равона ва онҳоро барои обёрии дашт даъват намуд. Нахустин бор ба дашти сӯзони Сартало аз дарёи  шӯхи Мук ба воситаи насосҳои обкаш ба масофаи қариб  2 километр баландӣ об бароварда шуд ва дар майдони 12 гектар  картошка кишт гардид. Ба иттилои мутахассисон, аз ин замин ҳосили хуби картошка ба даст омад. Баҳори соли ҷорӣ бародарон Сиддиқовҳо  - сокинони деҳаи Қазоқон ташаббуси раиси ноҳияро дастгирӣ намуда, насосҳои боз ҳам пуриқтидорро истифода бурданд ва майдони кишти картошкаро ба 34 гектар расонданд. Ҳоло бародарон назди худ  мақсади наҷиб  гузоштаанд, ки соли оянда  50 гектар замини  ташналаби дашти Сарталоро ба  заминҳои  корами обӣ табдил медиҳанд.
Мақомоти иҷроияи маҳаллии ҳокимияти давлатии ноҳия барои бартараф намудани норасоии оби полизӣ - мушкилии асосии кишоварзони ноҳия пайваста тадбирҳо меандешад. Тайи ду соли охир бобати таъмиру  васеъкунии каналҳои Пиёзӣ, Қашқатерак ва Ғулама корҳои зиёде  ба анҷом расонда шудаанд. Ҷустуҷӯи роҳу воситаҳо барои обёрӣ намудани заминҳои  беоби дашти Сартало идома дорад.
Баҳори соли 2018  даъвати  раиси ноҳияро бобати обшор гардондани  заминҳои  бекорхобида  сокини шаҳри Душанбе Алишер Азимов пазируфт ва барои обёрӣ  намудани 200 гектар замини дашти Сартало  камари ҳиммат баст. Дар як муддати кӯтоҳ  таҷҳизоти  зарурӣ барои кашидани об насб карда, аз дарёи Мук ба масофаи беш аз 2 километр ба дашти Сартало об  бароварда шуд. Ин ҷавонмардони баландҳиммат тавонистаанд, ки як гӯшаи  ноободро обод ва дашти ташналабро сабзу хуррам гардонанд. Акнун ҳамагон бовар доранд, ки чанде пас ин ҷои нообод ба боғу бӯстон, ба макони нави зисти мардум табдил меёбад.
Дилшод АМИРОВ, «Ҷумҳурият»


Баёни ақида (0)    Санаи нашр: 28.08.2018    №: 170    Мутолиа карданд: 135

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед